ന്യൂസിലൻഡിൽ 145 തിമിംഗലങ്ങൾ കൂട്ടത്തോടെ കരയ്ക്കടിഞ്ഞു. സ്റ്റീവർട്ട് ദ്വീപിലെ കടപ്പുറത്തായിരുന്നു ഈ അസാധാരണകാഴ്ച. ശനിയാഴ്ച രാത്രിയോടെയാണ് തിമിംഗലങ്ങൾ കരയിലേക്ക് നീന്തിവന്നത്. തിമിംഗലങ്ങൾ കൂട്ടത്തോടെ കരയ്ക്കടിയുന്നത് കണ്ട് പ്രദേശവാസികളാണ് ആദ്യം സ്ഥലത്തെത്തിയത്. പക്ഷേ അപ്പോഴേക്കും തിമിംഗലങ്ങളിൽ പകുതിയും ചത്തിരുന്നു. അവേശേഷിച്ച തിമിംഗലങ്ങളെ കടലിലേക്ക് തള്ളിവിടാനുള്ള ശ്രമങ്ങൾ നടത്തിയെങ്കിലും സാധിച്ചില്ല. ഒരു തലവന് കീഴിൽ കൂട്ടത്തോടെയാണ് ഇത്തരം തിമിംഗലങ്ങളുടെ യാത്ര. നേതൃത്വം നൽകുന്ന തിമിംഗലത്തിന് വഴിതെറ്റിയതാകം ഇത്രയും തിമിംഗലങ്ങൾ ഒരുമിച്ച് കരയിലേക്കെത്തിയതെന്നാണ് അധികൃതർ നൽകുന്ന വിശദീകരണം.
Read MoreCategory: NRI
ഡോക്ടറല്ല, രക്ഷകൻ..! നഷ്ടപ്പെട്ടുവെന്നു കരുതിയ തന്റെ ജീവിതം തിരിക നൽകിയ ഡോക്ടറുടെ ചിത്രം ശരീരത്തിൽ പച്ചകുത്തി യുവാവ്
നഷ്ടപ്പെട്ടുവെന്നു കരുതിയ തന്റെ ജീവിതം തിരിക നൽകിയ ഡോക്ടറോടുള്ള ആദര സൂചകമായി ശരീരത്ത് ഡോക്ടറുടെ ചിത്രം യുവാവ് പതിപ്പിച്ചു. അർജന്റീന സ്വദേശിയായ ഒരു യുവാവാണ് ഇത്തരമൊരു പ്രവർത്തിയിലൂടെ സോഷ്യൽമീഡിയയിൽ നിറയുന്നത്. മാസങ്ങൾക്കു മുമ്പാണ് നാനോ എന്നയാൾ വൻകുടലിന് കാൻസർ ബാധിച്ച് ആശുപത്രിയിൽ ചികിത്സ തേടിയത്. ഡോ. പോൾ ലാഡ എന്നയാളാണ് നാനോയെ ചികിത്സിച്ചത്. വളരെ വർഷത്തെ പ്രവർത്തി പരിചയമുള്ള ഡോക്ടറായിരുന്ന പോളിന്റെ ചികിത്സയിൽ നാനോ സുഖം പ്രാപിക്കുകയായിരുന്നു. മരണത്തിന്റെ വക്കിൽ നിന്നും പ്രതീക്ഷയുടെ വലിയൊരു വാതിൽ തനിക്കു മുമ്പിൽ തുറന്നിട്ട ഡോക്ടർക്ക് നന്ദി എത്ര തവണ പറഞ്ഞാലും മതിയാകില്ലെന്നു മനസിലാക്കിയ നാനോ, തന്റെ ശരീരത്തിൽ അദ്ദേഹത്തിന്റെ ചിത്രം പതിപ്പിക്കുവാൻ തീരുമാനിക്കുകയായിരുന്നു. ജീവിതത്തെ കുറിച്ച് യാതൊരു പ്രതീക്ഷകളുമില്ലാതിരുന്ന എനിക്ക് പുതിയ ജീവിതം തന്ന ഡോക്ടർ ദൈവതുല്യനാണെന്നാണ് നാനോയുടെ അഭിപ്രായം. ചിരിച്ചുകൊണ്ടിരിക്കുന്ന ഡോ. പോളിന്റെ ചിത്രം നാനോ തന്റെ പിറകിലാണ്…
Read Moreഎയ്ഡ്സ് വൈറസിനെ പ്രതിരോധിക്കും! ചൈനയില് ജനിതകമാറ്റം വരുത്തിയ ശിശുക്കള് പിറന്നു
ബെയ്ജിംഗ്: എയ്ഡ്സ് വൈറസിനെ പ്രതിരോധിക്കാൻ ശേഷി നൽകുന്ന തരത്തിൽ ഡിഎൻഎയിൽ മാറ്റംവരുത്തിയ ഇരട്ടക്കുട്ടികൾ ഈ മാസം ചൈനയിൽ പിറന്നുവെന്ന് ചൈനീസ് ശാസ്ത്രജ്ഞൻ ഹി ജിയാൻക്വേ അവകാശപ്പെട്ടു. എന്നാൽ ശാസ്ത്രലോകം ഇതു പൂർണമായി വിശ്വസിക്കാൻ തയാറാവുന്നില്ല. തികച്ചും അധാർമികമായ ജീൻ എഡിറ്റിംഗ് അമേരിക്കയും ബ്രിട്ടനും നിരോധിച്ചിട്ടുള്ളതാണ്. എലികളിലും കുരങ്ങുകളിലും നിരവധി തവണ പരീക്ഷണം നടത്തിയശേഷമാണ് മനുഷ്യഭ്രൂണത്തിൽ പരീക്ഷണം നടത്തി വിജയിച്ചതെന്ന് ജെകെ എന്ന ചുരുക്കപ്പേരുള്ള ഹി ജിയാൻക്വേ പറഞ്ഞു. ലുലു,നാനാ എന്നീ പേരുകളുള്ള ഇരട്ടകൾക്ക് എച്ച്ഐവി രോഗത്തിന് എതിരേ പ്രതിരോധശേഷിയുണ്ടെന്നു ജെകെ അവകാ ശപ്പെട്ടു. സ്റ്റാൻഫഡ് സർവകലാശാലയിൽ പഠിച്ച ജെകെ ചൈനയിൽ തിരിച്ചെത്തി ഷെൻസനിലെ സതേൺ യൂണിവേഴ്സിറ്റി ഓഫ് സയൻസ് ആൻഡ് ടെക്നോളജിയിൽ ഗവേഷണം നടത്തുകയായിരുന്നു.
Read Moreദുബായിൽ ഇനി കണ്ണടച്ചു തുറക്കും മുന്പ് സന്ദർശക വീസ
പതിനഞ്ചു സെക്കൻഡു കൊണ്ട് എന്തൊക്കെ ചെയ്യാം. ഇത്രയും ചുരുങ്ങിയ സമയം കൊണ്ട് ഒന്നും ചെയ്യാനാകില്ലെന്ന് പറയുന്നവർ ദുബായ് എമിഗ്രേഷൻ ഡയറക്ടർ ജനറലിന്റെ വാക്കുകൾ ശ്രദ്ധിക്കുക. എമിഗ്രേഷനുമായി ബന്ധപ്പെട്ട സേവനങ്ങൾ സ്മാർട്ട് ആയി ഉപയോഗിച്ചാൽ 15 സെക്കൻഡിനുളളിൽ സന്ദർശക വീസ ലഭിക്കുമെന്ന് ദുബായ് എമിഗ്രേഷൻ ഡയറക്ടർ ജനറൽ മേജർ ജനറൽ മുഹമ്മദ് അഹമദ് അൽമർ പറയുന്നു. ദുബായിയിൽ അന്പത് ശതമാനം ആളുകളും സ്മാർട് സേവനങ്ങൾ ഉപയോഗിക്കുന്നുണ്ട്. ഇത് ഒരു മാസത്തിനുള്ളിൽ 100 ശതമാനം ആക്കാനാണ് ദുബായിയിലെ വിവിധ വകുപ്പ് അധികൃതരുടെ ശ്രമം. എമിഗ്രേഷൻ കേന്ദ്രങ്ങളിൽ ആളുകൾ നേരിട്ടെത്തി ക്യൂ നിന്നിരുന്ന കാലം കഴിഞ്ഞിരിക്കുന്നു. ഉപയോക്താക്കൾക്കു സന്തോഷം നൽകുന്ന കൂടുതൽ പദ്ധതികൾ ഉടനുണ്ടാകുമെന്നും അൽമർ പറഞ്ഞു. നാടിന്റെ വികസനത്തിനൊപ്പം നാട്ടുകാരുടേയും തങ്ങളുടെ നാട്ടിൽ വിരുന്നെത്തുന്നവരുടേയുമൊക്കെ സുഖസൗകര്യങ്ങൾ കൂടുതൽ മെച്ചപ്പെടുത്താനാണ് ദുബായ് പോലുള്ള രാഷ്ട്രങ്ങളുടെ ശ്രമം. ജനങ്ങളെ എങ്ങനെ കൂടുതൽ ബുദ്ധിമുട്ടിക്കാമെന്നല്ല…
Read Moreവൈൻ ടേസ്റ്റിംഗ് ഇവന്റിൽ സംഘാടകർ വിലക്കി; നഷ്ടപരിഹാരമാവശ്യപ്പെട്ട് ഭിന്നശേഷിക്കാരന് കോടതിയിൽ
വൈൻ ടേസ്റ്റിംഗ് ഈവന്റിനിടയിൽ മദ്യപിക്കുന്നതിന് സംഘാടകർ വിലക്കിയ അംഗവൈകല്യമുള്ളയാൾ നഷ്ടപരിഹാരം ആവശ്യപ്പെട്ട് കോടതിയിൽ. ജപ്പാനിലെ ടോക്യോയിലാണ് സംഭവം. 50കാരനായ അദ്ദേഹം 15,000 ഡോളറാണ് നഷ്ടപരിഹാരം ആവശ്യപ്പെട്ടത്. ടോക്യോയിലെ സെയ്ബു ഡിപ്പാർട്ട്മെന്റ് സ്റ്റോറിനും പരിപാടിയുടെ സംഘാടകർക്കുമെതിരായണ് ഇദ്ദേഹം പരാതി നൽകിയിട്ടുള്ളത്. താൻ രണ്ട് ഗ്ലാസ് വൈൻ കഴിച്ചു കഴിഞ്ഞപ്പോൾ സംഘാടകരെത്തി ഇവിടെ നിന്നും പോകുവാൻ ആവശ്യപ്പെട്ടന്ന് ഇദ്ദേഹം പറയുന്നു. അംഗവൈകല്യമുള്ള ആളുകളോടുള്ള വിവേചനമാണിതെന്നും വീൽചെയർ ഉപയോഗിക്കുന്നവരെ ഒരു ശല്യമായാണ് സംഘാടകർ കാണുന്നതെന്നും പരാതിക്കാരന്റെ വക്കീൽ കോടതിയിൽ പറഞ്ഞു. സാധാരണ വീൽചെയറിലും ഇലക്ട്രിക്ക് വീൽചെയറിലുമായി ഇവിടെ എത്തുന്ന ആളുകളെ തങ്ങൾ പ്രവേശിപ്പിക്കാറില്ലെന്നാണ് പരിപാടിയുടെ സംഘാടകർ കോടതിയെ അറിയിച്ചത്. മാത്രമല്ല രണ്ടു വർഷങ്ങൾക്ക് മുമ്പ് ഇവിടെ സംഘടിപ്പിച്ച പരിപാടിക്കിടയിൽ ഇലക്ടിക് വീൽചെയറിൽ എത്തിയ ആളുകൾക്ക് അപകടം സംഭവിച്ചിരുന്നുവെന്നും സംഘാടകർ കോടതിയെ അറിയിച്ചു. ജപ്പാനിലെ നിയമങ്ങളുടെ അടിസ്ഥാനത്തിൽ വീൽ ചെയർ ഉപയോഗിക്കുന്നവരെ കാൽനടക്കാരുടെ…
Read Moreജ്വല്ലറിയിൽ തോക്കുമായി കവർച്ചക്കാരെത്തി; വാളുമായി നേരിട്ട് ജീവനക്കാർ: കിടിലൻ വീഡിയോ
ജ്വല്ലറിയിൽ കവർച്ചയ്ക്കെത്തിയ മോഷ്ടാക്കളെ ജീവനക്കാർ വാൾ വീശി ഭയപ്പെടുത്തിയോടിക്കുന്നതിന്റെ സിസിടിവി ദൃശ്യങ്ങൾ പുറത്ത്. കാനഡയിലെ മിസിസോഗയിലാണ് സംഭവം. ഇവിടെ പ്രവർത്തിക്കുന്ന അശോക് ജൂവല്ലേഴ്സിൽ കവർച്ച നടത്താനാണ് മോഷ്ടാക്കൾ ശ്രമിച്ചത്. കടയുടെ ഗ്ലാസ് തകർത്ത് അതിനുള്ളിൽ കൂടി അകത്ത് പ്രവേശിക്കുവാൻ ശ്രമിച്ച മോഷ്ടാക്കളുടെ പക്കൽ തോക്കുണ്ടായിരുന്നു. ഒരാൾ അതിനുള്ളിൽ പകുതി പ്രവേശിച്ച് വെടിവെച്ചുവെങ്കിലും തോക്ക് ജാം ആയതിനാൽ ആ ശ്രമം വിഫലമായിപ്പോയി. ഈ സമയം ജീവനക്കാർ വാളുമായി പ്രതിരോധിച്ചപ്പോൾ മോഷ്ടാക്കൾ ജീവനും കൊണ്ട് സ്ഥലത്തു നിന്നും ഓടി പോകുകയായിരുന്നു. സംഭവത്തിൽ ആർക്കും പരിക്കേറ്റിട്ടില്ല. സ്ഥലത്തെത്തിയ പോലീസ് സംഭവത്തെക്കുറിച്ച് അന്വേഷിക്കുകയാണ്. കടയ്ക്കുള്ളിലെ സിസിടിവിയിലാണ് ഈ ദൃശ്യങ്ങൾ പതിഞ്ഞത്. #AshokJewellers pic.twitter.com/7wc2k4eQlY — Harpreet Bhinder (@HarpreetBhinde_) November 22, 2018
Read Moreകത്തിയമരുന്ന വീടിനുള്ളിൽ നിന്നു വൃദ്ധദമ്പതികളെ സാഹസികമായി രക്ഷിച്ചു; വീഡിയോ കാണാം
പൂർണമായും അഗ്നിബാധിച്ച വീടിനുള്ളിൽ നിന്നും വൃദ്ധ ദമ്പതികളെ അതിസാഹസികമായി രക്ഷിക്കുന്നതിന്റെ വീഡിയോ ദൃശ്യങ്ങൾ പുറത്ത്. ചൈനയിലെ ഹെനാൻ പ്രവശ്യയിലുള്ള ഒരു വീട്ടിലാണ് സംഭവം. വീടിനുള്ളിൽ നിന്നും ഒരു വിധത്തിലും പുറത്തുപോകുവാൻ സാധിക്കാത്ത തരത്തിൽ ഇരുവരും കുടുങ്ങുകയായിരുന്നു. ഉടനടി ഇവിടെ എത്തി ചേർന്ന ഫയർഫോഴ്സ് ഉദ്യോഗസ്ഥരുടെയും കുറച്ചു നാട്ടുകാരുടെയും സഹായത്തോടെ ഇരുവരെയും പുറത്തെത്തിക്കുകയായിരുന്നു. വീട്ടിലെ ചെറിയൊരു ജനാല തകർത്താണ് ഇരുവരെയും പുറത്തെത്തിച്ചത്. ഇരുവർക്കും പരിക്കുകളൊന്നും സംഭവിച്ചിട്ടില്ല. സമീപത്ത് നിന്നിരുന്നയൊരാൾ പകർത്തിയ ദൃശ്യങ്ങൾ ഇതിനോടകം തന്നെ വൈറലായി മാറിയിരിക്കുകയാണ്.
Read Moreറസ്ലിംഗ് മത്സരത്തിനിടെ എതിരാളിയുടെ തലയിൽ കോണ്ക്രീറ്റ് കട്ട എറിഞ്ഞ് ഹെക്ടർ; ഞെട്ടിക്കുന്ന വീഡിയോ
റസ്ലിംഗ് മത്സരത്തിനിടെ എതിരാളിയുടെ തലയിൽ വലിയ കോണ്ക്രീറ്റ് കട്ട എടുത്തെറിയുന്നതിന്റെ ഭീകരദൃശ്യങ്ങൾ പുറത്ത്. മെക്സിക്കോയിലാണ് സംഭവം. മെക്സിക്കൻ ഡെത്ത് മാച്ച് എന്ന പരിപാടിയുടെ ഇടയിലാണ് സംഭവം. പരിക്കേറ്റ 54കാരനായ എൽ ക്യൂഎർവോ എന്നയാളെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചിരിക്കുകയാണ്. ഹെക്ടർ ഗോണ്സാൽവസ് എന്നയാളാണ് എൽ ക്യൂഎർവോയെ മാരകമായി പരിക്കേൽപ്പിച്ചത്. സംഭവം വിവാദമായതിനെ തുടർന്ന് ഹെക്ടറിനെ മെക്സിക്കൻ ബോക്സിംഗ് ആൻഡ് റെസലിംഗ് കമ്മീഷൻ പരിപാടികളിൽ നിന്നും സസ്പെൻഡ് ചെയ്തിരിക്കുകയാണ്. താൻ എൽ ക്യൂഎർവോയുടെ പിറകിലേക്കാണ് എറിഞ്ഞതെന്നും എന്നാൽ അത് ലക്ഷ്യം തെറ്റി അദ്ദേഹത്തിന്റെ തലയിൽ കൊള്ളുകയായിരുന്നുവെന്നുമാണ് ഹെക്ടർ വിശദീകരണം നൽകുന്നത്. ഹെക്ടർ കോണ്ക്രീറ്റ് കട്ട എടുത്ത് എറിയുന്നതിന്റെ വീഡിയോ ദൃശ്യങ്ങൾ ഇതിനോടകം തന്നെ സോഷ്യൽമീഡിയയിൽ കത്തിപ്പടർന്നിരിക്കുകയാണ്.
Read Moreആളുകയറാനുണ്ടേ…! റണ്വേയിൽ നിന്നും പറന്നുയരാൻ തുടങ്ങിയ വിമാനത്തിന് പിന്നാലെ ഓടിപ്പാഞ്ഞ് യുവതി
റണ്വേയിൽ നിന്നും പറന്നുയരാൻ തുടങ്ങിയ വിമാനത്തിനു പിന്നാലെ ഓടിച്ചെല്ലാനൊരുങ്ങിയ യുവതിയെ സുരക്ഷാ ഉദ്യോഗസ്ഥർ തടഞ്ഞു. ബാലിയിലെ ഗുറാഹ് റായി വിമാനത്താവളത്തിലാണ് ഏറെ അമ്പരപ്പുണ്ടാക്കിയ സംഭവം അരങ്ങേറിയത്. ഹാനാ എന്നാണ് ഈ യുവതിയുടെ പേര്. ബാലിയിൽ നിന്നും ജക്കാർത്തയിലേക്കായിരുന്നു ഈ യുവതിക്ക് പോകേണ്ടിയിരുന്നത്. ടെർമിനലിൽ പ്രവേശിക്കേണ്ട സമയത്ത് എത്താതിരുന്ന ഇവർ അധികൃതർ വിളിച്ച ഫോണ് കോളിനും മറുപടി നൽകിയിരുന്നില്ല. വിമാനം പുറപ്പെടാൻ 10 മിനിട്ട് മാത്രം ബാക്കിയുള്ളപ്പോഴായിരുന്നു ഇവർ വിമാനത്താവളത്തിലെത്തിയത്. തുടർന്ന് ബോർഡിംഗ് ഗേറ്റ് കടന്ന് ഓടിയെത്തി റണ്വേയിലെത്തിയ ഇവരെ സുരക്ഷാ ഉദ്യോഗസ്ഥർ തടയുകയായിരുന്നു. വിമാനത്തിനു പിന്നാലെ ഓടാൻ തുടങ്ങിയ ഇവരെ സുരക്ഷാ ഉദ്യോഗസ്ഥർ തടയുന്നതിന്റെ വീഡിയോ ഇതിനോടകം തന്നെ സോഷ്യൽമീഡിയയിൽ വൈറലായി മാറുകയാണ്. പിന്നീട് അടുത്ത വിമാനത്തിലാണ് ഇവർക്ക് ജക്കാർത്തയിലേക്കു പോകുവാനായത്.
Read Moreദേ കിട്ടി, ദാ പോയി..! കൗമാരക്കാരന് കിട്ടിയ ഡ്രൈവിംഗ് ലൈസൻസ് 49 മിനിറ്റിൽ സസ്പെൻഡ് ചെയ്തു
ഡ്രൈവിംഗ് ലൈസൻസ് ലഭിച്ച് ഒരു മണിക്കൂറിനുള്ളിൽ തന്നെ അത് നഷ്ടമാകേണ്ടി വന്ന ഒരു കൗമാരക്കാരന്റെ അവസ്ഥയാണ് ഇന്ന് സോഷ്യൽ മീഡിയയെ ഏറെ ചിരിപ്പിക്കുന്നതും ചിന്തിപ്പിക്കുന്നതും. ജർമനിയിലാണ് സംഭവം. ഡ്രൈവിംഗ് ലൈസൻസ് ടെസ്റ്റ് വിജയകരമായി പൂർത്തിയാക്കി നാല് സുഹൃത്തുക്കൾക്കൊപ്പം കാറിൽ മടങ്ങുകയായിരുന്നു കൗമാരക്കാരൻ. ലൈസൻസ് ലഭിച്ചതു കൊണ്ട് ഡ്രൈവിംഗിലെ തന്റെ കഴിവ് സുഹൃത്തുക്കളെ കാണിക്കുവാൻ തീരുമാനിച്ച ഇയാൾ കാർ അമിതവേഗത്തിൽ പായിച്ചു. 95 കിലോമീറ്റർ വേഗത്തിലായിരുന്നു കക്ഷിയുടെ പോക്ക്. എന്നാൽ ഇവർ സഞ്ചരിച്ച റോഡിൽ കാർ ഓടിക്കുവാനുള്ള പരമാവധി വേഗത 50 കിലോമീറ്ററായിരുന്നു. സംഭവം പോലീസ് ഉദ്യോഗസ്ഥരുടെ ശ്രദ്ധയിൽ പെട്ടതിനെ തുടർന്ന് ഇവർ കാർ തടയുകയായിരുന്നു. പിന്നീട് ഇയാളുടെ ലൈസൻസ് പിടിച്ചെടുത്ത് നാല് ആഴ്ചത്തേക്ക് സസ്പെൻഡ് ചെയ്യുകയും ചെയ്തു. മാത്രമല്ല പിഴയായി 200 യൂറോ അടയ്ക്കണമെന്നും പോലീസുദ്യോഗസ്ഥർ നിർദ്ദേശിച്ചിട്ടുണ്ട്. ലൈസൻസ് കിട്ടി ഏകദേശം 49 മിനിട്ട് ആയപ്പോഴണ് അത്…
Read More