കൊച്ചി: കേരള ബ്ലാസ്റ്റേഴ്സ് മുഖ്യ പരിശീലകൻ ഡേവിഡ് ജയിംസുമായിട്ടുള്ള കരാർ ടീം മാനേജ്മെന്റ് 2021വരെ നീട്ടി. ഐഎസ്എൽ നാലാം സീസണിൽ ടീം പ്ലേ ഓഫിൽ കടക്കാതെ പുറത്തായെങ്കിലും സുപ്പർകപ്പിനു യോഗ്യത നേടിയ പശ്ചാത്തലത്തിലാണു മുൻ ഇംഗ്ലീഷ് ടീം ഗോൾകീപ്പറായ ഡേവിഡ് ജയിംസുമായുള്ള കരാർ ടീം പുതുക്കിയത്. ജയിംസ് ടീമിലെത്തിച്ച അസിസ്റ്റന്റ് കോച്ച് ഹെർമൻ ഹ്രിഡാർസണിന്റെയും കാലാവധി ബ്ലാസ്റ്റേഴ്സ് നീട്ടിയിട്ടുണ്ട്. ഈ സീസണിൽ ടീം കൊട്ടിഘോഷിച്ചു കൊണ്ടുവന്ന റെനെ മ്യൂലൻസ്റ്റീൻ പുറത്തായതോടെയാണു ഡേവിഡ് ജയിംസ് മുഖ്യ പരിശീലക സ്ഥാനത്തേക്ക് എത്തുന്നത്.
Read MoreCategory: Sports
ഗംഭീറില്ല; ദിനേശ് കാർത്തിക് കോൽക്കത്ത നൈറ്റ് റൈഡേഴ്സ് ടീം നായകൻ
കോൽക്കത്ത: ഐപിഎൽ 2018 സീസണിൽ കോൽക്കത്ത നൈറ്റ് റൈഡേഴ്സിനെ ഇന്ത്യൻ താരം ദിനേശ് കാർത്തിക് നയിക്കും. ടീം മാനേജ്മെന്റ് ഞായറാഴ്ച ഇതു സംബന്ധിച്ച് ഒൗദ്യോഗിക പ്രഖ്യാപനം നടത്തി. 11-ാം സീസണിൽ കാർത്തിക്കോ റോബിൻ ഉത്തപ്പയോ ടീമിനെ നയിക്കുമെന്നായിരുന്നു കരുതപ്പെട്ടിരുന്നത്. കഴിഞ്ഞ സീസണ്വരെ ഗൗതം ഗംഭീറായിരുന്നു കോൽക്കത്ത ടീമിനെ നയിച്ചിരുന്നത്. എന്നാൽ ഇക്കുറി ഗംഭീറിനെ ടീം മാനേജ്മെന്റ് നിലനിർത്തിയില്ല. ഇതേതുടർന്നാണ് കാർത്തിക്കിലേക്കു ടീം എത്തിയത്. ഈ വർഷം 7.8 കോടി രൂപ മുടക്കിയാണ് ഈ വർഷം നടന്ന ലേലത്തിൽ കാർത്തിക്കിനെ കോൽക്കത്ത ടീമിലെത്തിച്ചത്.
Read Moreലോകകപ്പ് ഷൂട്ടിംഗ്: ഇന്ത്യയുടെ റിസ്വിക്കു റിക്കാർഡ്
മെക്സിക്കോ സിറ്റി: ഐഎസ്എസ്എഫ് ഷൂട്ടിംഗ് ലോകകപ്പിൽ ഇന്ത്യയുടെ ഷഹ്സാർ റിസ്വിക്കു ലോക റിക്കാർഡോടെ സ്വർണം. ജിത്തു റായ്, മെഹുലി ഘോഷ് എന്നിവർക്ക് വെങ്കലം. ഐഎസ്എസ്എഫ് ലോകകപ്പ് അരങ്ങേറ്റം റിക്കാർഡ് നേട്ടത്തോടെ റിസ്വി മനോഹരമാക്കി. ഉത്തർപ്രദേശിലെ മീററ്റ് സ്വദേശിയായ റിസ്വി 10 മീറ്റർ എയർ പിസ്റ്റളിൽ 242.3 പോയിന്റിന്റെ പുതിയ ലോക റിക്കാർഡാണ് സ്ഥാപിച്ചിരിക്കുന്നത്. ജിത്തു റായ് 219 പോയിന്റുമായി വെങ്കലം നേടി. വനിതകളുടെ സീനിയർ ലോകകപ്പിൽ അരങ്ങേറ്റം കുറിച്ച മെഹൂലി 10 മീറ്റർ എയർ റൈഫിളിൽ 228.4 പോയിന്റുമായാണ് വെങ്കലം നേടിയത്.
Read Moreഫിഫ ലോകകപ്പ് 2018 അക്കില്ലസ് പ്രവചിക്കും
ഫിഫ ലോകകപ്പ് ഫുട്ബോൾ മത്സരങ്ങളുടെ ഫലം മൃഗങ്ങൾ പ്രഖ്യാപിക്കുന്നത് പുതുമുയുള്ള കാര്യമല്ല. 2010ലെ ലോകകപ്പിൽ പോൾ എന്ന നീരാളിയായിരുന്നു പ്രവചനം നടത്തിയത്. പക്ഷേ, 2014ൽ ലോകകപ്പ് പ്രവചിക്കാൻ പോളിനൊരു പിന്മുറക്കാരൻ എത്തിയില്ല. എന്നാൽ, ഈ വർഷത്തെ ലോകകപ്പ് ഫലം പ്രഖ്യാപിക്കാൻ തയാറെടുക്കുന്നത് ഒരു മാർജാരനാണ്. അക്കില്ലസ് എന്നാണ് ഈ റഷ്യൻ മാർജാരസുന്ദരന്റെ പേര്. സ്റ്റേറ്റ് ഹെർമിറ്റേജ് മ്യൂസിയത്തിൽനിന്ന് കക്ഷിയുടെ താമസം റെസ്പബ്ലിക്ക കൊഷെക് ക്യാറ്റ് കഫേയിലേക്കു മാറ്റിയിട്ടുണ്ട്. 2018 ഫിഫ ലോകകപ്പ് മത്സരങ്ങളുടെ ഫലം ദേശീയ പതാകകൾക്കു കീഴിൽ വച്ചിരിക്കുന്ന ബൗൾ തെരഞ്ഞെടുത്താണ് അക്കില്ലസ് പ്രവചിക്കുക. റഷ്യയിൽ നടന്ന 2017 ഫിഫ കോണ്ഫെഡറേഷൻ കപ്പിൽ അക്കില്ലസിന്റെ പ്രവചനം നൂറു ശതമാനം ശരിയായിരുന്നു.
Read Moreസുവർണ നവജ്യോത് കൗർ
ബിഷ്കേക് (കിർഗിസ്ഥാൻ): ഏഷ്യൻ ഗുസ്തി ചാന്പ്യൻഷിപ്പിൽ വനിതാ വിഭാഗത്തിൽ ഇന്ത്യയുടെ നവജ്യോത് കൗറിന് ചരിത്ര നേട്ടം. ചാന്പ്യൻഷിപ്പിന്റെ സീനിയർ തലത്തിൽ സ്വർണം നേടുന്ന ആദ്യ ഇന്ത്യൻ വനിതാ താരമെന്ന നേട്ടം നവജ്യോത് സ്വന്തമാക്കി. 65 കിലോഗ്രാം ഫ്രീസ്റ്റൈലിലാണ് നവജോത് സ്വർണമണിഞ്ഞത്. ഫൈനലിൽ ജപ്പാന്റെ മിയ ഇമായിയെ 9-1ന് നവജ്യോത് അനായാസം കീഴടക്കിയാണ് ചരിത്ര നേട്ടത്തിന് അർഹയായത്. ചാന്പ്യൻഷിപ്പിൽ ഇന്ത്യയുടെ ആദ്യ സ്വർണമാണ്. അതേസമയം, റിയോ ഒളിന്പിക് വെങ്കല മെഡൽ ജേതാവ് സാക്ഷി മാലിക് 62 കിലോ ഗ്രാം ഫ്രീസ്റ്റൈലിൽ വെങ്കലം കൊണ്ട് തൃപ്തിപ്പെട്ടു. വെങ്കലത്തിനായുള്ള വാശിയേറിയ പോരാട്ടത്തിൽ സാക്ഷി കസാഖിസ്ഥാന്റെ അയാലിയും കസയ്മോവയെ 10-7ന് പരാജയപ്പെടുത്തി. കഴിഞ്ഞ ദിവസം ഇന്ത്യയുടെ വിനേഷ് ഫോഗട് 50 കിലോഗ്രാം വിഭാഗത്തിൽ വെള്ളി നേടിയിരുന്നു.
Read Moreഡിഎസ്പി ഹർമൻപ്രീത്…
പഞ്ചാബ് പോലീസിൽ ഡിഎസ്പി ആയി നിയമിതയായ ഇന്ത്യൻ വനിതാ ക്രിക്കറ്റ് താരം ഹർമൻപ്രീത് കൗറിനെ പഞ്ചാബ് മുഖ്യമന്ത്രി ക്യാപ്റ്റൻ അമരീന്ദർ സിംഗും ഡിജിപി സുരേഷ് അറോറയും സ്ഥാനചിഹ്നങ്ങളായ നക്ഷത്രങ്ങൾ അണിയിക്കുന്നു. രാജ്യത്തിന് അഭിമാനമായ ഹർമൻപ്രീതിന് ഏല്ലാ ആശംസകളും എന്ന കുറിപ്പോടെ അമരീന്ദർ സിംഗ് ട്വിറ്ററിൽ പങ്കുവച്ച ചിത്രം.
Read Moreവോളിതാരം രതീഷിന് ജോലി നല്കും: മന്ത്രി
കോഴിക്കോട്: ദേശീയവോളിയില് കിരീടം നേടിയ കേരള വോളിബോൾ ടീമംഗം രതീഷിന് ജോലി നല്കുന്ന കാര്യം സര്ക്കാര് അനുഭാവ പൂര്വം പരിഗണിക്കുമെന്ന് മന്ത്രി എ.സി. മൊയ്തീന്. ഇത്രയും കാലം അദ്ദേഹത്തിന് ജോലി ലഭിക്കാതെ പോയത് ദൗര്ഭാഗ്യകരമായെന്നു മന്ത്രി പറഞ്ഞു. ജേതാക്കളായ ടീമിനെ മന്ത്രി അഭിനന്ദിച്ചു. ഇന്നലെ രാവിലെ പരിശീലകന് നാസറിനൊപ്പമാണു രതീഷ് മന്ത്രിയെ കണ്ടു ജോലി ആവശ്യം ഉന്നയിച്ചത്. കസ്റ്റംസില് ഗസ്റ്റ് പ്ലെയറായ രതീഷിന് ഭാര്യയുടെ വരുമാനം മാത്രമാണ് ആശ്രയം. 2005 മുതൽ എട്ട് വര്ഷം സീനിയര് വോളിബാള് ചാമ്പ്യന്ഷിപ്പ് കളിച്ച രതീഷ് ലിബറോ പൊസിഷനിലാണ് കളിക്കുന്നത്. ഫെഡറേഷന് കപ്പ് ടീമിലും കളിച്ചിട്ടുണ്ട്. കോഴിക്കോട് മൂലാട് സ്വദേശിയാണ്.
Read Moreധോണിയെ പുകഴ്ത്തി രവി ശാസ്ത്രി
മുംബൈ: എം.എസ്. ധോണിയെ പുകഴ്ത്തി ടീം ഇന്ത്യയുടെ മുഖ്യപരിശീലകൻ രവി ശാസ്ത്രി. ധോണിയുടെ പരിചയസന്പത്തിന് പകരംവയ്ക്കാൻ ഒന്നുമില്ലെന്നും പരിചയസന്പത്ത് ചന്തയിൽനിന്ന് വാങ്ങാനും വിൽക്കാനും കഴിയുന്നതല്ലെന്നും രവിശാസ്ത്രി പറഞ്ഞു. ഏകദിനക്രിക്കറ്റിൽ ലോകത്തിലെ മികച്ച കളിക്കാരിൽ ഒരാളാണ് ധോണിയെന്നും അദ്ദേഹം കൂട്ടിച്ചേർത്തു. പരിചയസന്പത്തിലും ആരോഗ്യസംരക്ഷണകാര്യത്തിലും ധോണിയെ കഴിഞ്ഞേ ആരുമുള്ളൂ. അവസാന ഓവറുകളിൽ ഫിനിഷറായെത്തുന്ന ധോണിയെക്കാൾ മികച്ചവർ വളരെ കുറച്ചുപേരേയുള്ളൂവെന്നും രവിശാസ്ത്രി പറഞ്ഞു. ഏകദിന ക്രിക്കറ്റിൽ അരങ്ങേറ്റം കുറിച്ച 2004 മുതൽ ഇന്ത്യൻ ക്രിക്കറ്റ് എന്നും ചർച്ചചെയ്തതും ആഘോഷിച്ചതുമായ താരമാണ് എം.എസ്. ധോണി. ദക്ഷിണാഫ്രിക്കയിൽ നടന്ന ട്വന്റി-20 പരന്പരയിൽ ധോണി മികച്ച പ്രകടനത്തോടെ ടീമിൽ തന്റെ സാന്നിധ്യം എത്രമാത്രം ആവശ്യമാണെന്നു തെളിയിച്ചു. ഒരറ്റത്ത് വിക്കറ്റ് വീഴുന്പോഴും നങ്കൂരിമിട്ടിരിക്കുന്നതുപോലെ അവസാനം വരെ പിടിച്ചുനിന്ന് ബാറ്റ് ചെയ്യാനുള്ള കഴിവ് ധോണി വീണ്ടും പുറത്തെടത്തു.
Read Moreസച്ചിൻ ആവശ്യപ്പെട്ടു; മകൻ അനുസരിച്ചു…
മുംബൈ: ക്രിക്കറ്റ് ഇതിഹാസം സച്ചിൻ തെണ്ടുൽക്കറിന്റെ മകൻ അർജുൻ മുംബൈ ട്വന്റി-20 ലീഗിൽ കളിക്കില്ല. സച്ചിന്റെ ആവശ്യപ്രകാരമാണ് അർജുൻ ലീഗിൽനിന്ന് വിട്ടുനിൽക്കുന്നത്. പുതിയ ബൗളിംഗ് ആക്ഷൻ പരുവപ്പെടുത്തിയെടുക്കുന്നശ്രമത്തിലാണ് അർജുൻ. മത്സര രംഗത്തേക്ക് ഇറങ്ങാൻ പതിനെട്ടുകാരനായ അർജുൻ ഇപ്പോൾ പ്രാപ്തനായിട്ടില്ലെന്ന കാരണത്താലാണ് ലീഗിൽ ഇറങ്ങാത്തതെന്ന് മാധ്യമങ്ങൾ റിപ്പോർട്ട് ചെയ്തു. മുംബൈ ട്വന്റി-20യുടെ ബ്രാൻഡ് അംബാസഡർകൂടിയായ സച്ചിനുമായി ചർച്ച ചെയ്തശേഷമാണ് അർജുന്റെ തീരുമാനം. ജനുവരിയിലാണ് അർജുൻ പുതിയ ബൗളിംഗ് ആക്ഷനിലേക്ക് തിരിഞ്ഞത്. പൂന സ്വദേശിയായ അതുൽ ഗെയ്ക്വാദിന്റെ ശിക്ഷണത്തിലാണ് പുതിയ ആക്ഷൻ പരിശീലിക്കുന്നത്. പുതിയ ആക്ഷനിൽ അർജുൻ ശരിക്ക് ബൗളിംഗ് ചെയ്തുവരുന്നതേയുള്ളൂ. സമീപനാളിൽ മികച്ച ഫോമിലായിരുന്നു അർജുൻ. 2017-18 അണ്ടർ 19 കൂച്ച് ബെഹർ ട്രോഫിയിൽ രണ്ട് അഞ്ച് വിക്കറ്റ് നേട്ടവും ഒരു നാലു വിക്കറ്റ് നേട്ടവും സ്വന്തമാക്കിയിരുന്നു. ചെറുപ്പം മുതൽ ഫാസ്റ്റ് ബൗളിംഗ് ആണ് ഇഷ്ടം. ഇന്ത്യയിൽ ഫാസ്റ്റ്…
Read Moreദേവ്ധർ ട്രോഫിക്ക് അശ്വിനെ പരിഗണിച്ചില്ല
ന്യൂഡൽഹി: ഈ മാസം നാല് മുതൽ എട്ടുവരെ നടക്കുന്ന ദേവ്ധർ ട്രോഫി ക്രിക്കറ്റിനുവേണ്ടിയുള്ള ഇന്ത്യ എ, ബി ഇറാനി ട്രോഫിക്കുള്ള റെസ്റ്റ് ഓഫ് ഇന്ത്യ ടീമിലേക്ക് മുതിർന്ന ഓഫ് സ്പിന്നർ ആർ. അശ്വിനെ പരിഗണിച്ചില്ല. അശ്വിന് ചെറിയ ആരോഗ്യപ്രശ്നമുണ്ടെന്നും ഒരാഴ്ച വിശ്രമം ആവശ്യമാണെന്നും ചൂണ്ടിക്കാണിച്ചാണ് ബിസിസിഐ അദ്ദേഹത്തെ ഒഴിവാക്കിയത്. അതേസമയം, അശ്വിന്റെ പ്രശ്നം എന്താണെന്ന് വ്യക്തമാക്കിയിട്ടില്ല. ഇന്ത്യൻ ഏകദിന ടീമിലേക്കുള്ള മടങ്ങിവരവിനുള്ള സാധ്യതയാണ് ഇതോടെ അശ്വിന് നഷ്ടപ്പെട്ടത്. ടീമിൽ പരിഗണിക്കപ്പെട്ടിരുന്നെങ്കിൽ മികച്ച പ്രകടനത്തിലൂടെ സെലക്ടർമാർക്ക് മുന്നിൽ സമ്മർദം ചെലുത്താമായിരുന്നു. നിലവിൽ യുസ് വേന്ദ്ര ചാഹലും കുൽദീപ് യാദവുമാണ് ഏകദിന ഇന്ത്യൻ ടീമിലുള്ള രണ്ട് സ്പിന്നർമാർ. അശ്വിനു പകരം ഷഹ്ബാസ് നദീമിനെയാണ് സെലക്ടർമാർ ഉൾപ്പെടുത്തിയത്.
Read More