“പുറത്തു പറയാൻ പറ്റാത്ത എന്തു രഹസ്യമാണ് പോലീസ് രഹസ്യമായി സൂക്ഷിക്കുന്നതെന്നറിയില്ല. മകളെക്കുറിച്ച് ലഭ്യമായ വിവരങ്ങൾ തന്നോടെങ്കിലും പറയുമെന്നാണ് പ്രതീക്ഷ.” കോട്ടയം: ജെസ്ന തിരോധാനക്കേസിൽ അന്വേഷണം പുരോഗമിക്കുകയാണെന്നും സൂചനകൾ വെളിപ്പെടുത്താനാകില്ലെന്നും പത്തനംതിട്ട പോലീസ് മേധാവി കെ.ജി. സൈമണ് പറഞ്ഞിരിക്കെ പ്രതീക്ഷ നൽകുന്ന ആ സൂചനകൾ അറിയാൻ ആകാംക്ഷയുണ്ടെന്ന് ജെസ്നയുടെ പിതാവ് ജയിംസ് കുന്നത്ത് വ്യക്തമാക്കി. ജെസ്നയെ കണ്ടെത്തിയതായി പറഞ്ഞില്ലെങ്കിലും പോസിറ്റീവ് വാർത്ത ഉണ്ടാകുമെന്ന സൂചന ഏറെ ആശ്വാസം നൽകുന്നതായും ജയിംസ് കൂട്ടിച്ചേർത്തു. മൂന്നു വർഷമായി ജെസ്നയെക്കുറിച്ച് ആശ്വാസത്തിന്റെ വാക്ക് കേൾക്കാൻ താനും കുടുംബാംഗങ്ങളും ആകാംക്ഷയോടെ കാത്തിരിക്കുകയാണ്. മുൻപ് എഡിജിപി ടോമിൻ തച്ചങ്കരിയും ഇത്തരത്തിൽ സൂചനകൾ പറഞ്ഞപ്പോൾ വലിയ പ്രതീക്ഷയായിരുന്നു. കൂട്ടായ ശ്രമത്തിലാണ് അന്വേഷണമെന്നും മറ്റു ജില്ലകളിലും അന്വേഷണം നടക്കുന്നതായും കെ.ജി. സൈമണ് വ്യക്തമാക്കിയിരിക്കെ മകളെക്കുറിച്ച് ലഭ്യമായ വിവരങ്ങൾ തന്നോടെങ്കിലും പറയുമെന്നാണ് പ്രതീക്ഷ. പുറത്തു പറയാൻ പറ്റാത്ത എന്തു രഹസ്യമാണ്…
Read MoreCategory: Top News
പുതുവർഷ പ്രതീക്ഷയായി വാക്സിൻ! ലോകത്തെ ഏറ്റവും വലിയ കോവിഡ് വാക്സിനേഷൻ വിതരണത്തിനുള്ള തയാറെടുപ്പിലാണ് ഇന്ത്യയെന്നു; നാളെ മുതൽ സംസ്ഥാനങ്ങളിൽ ഡ്രൈ റണ്
സെബി മാത്യു ന്യൂഡൽഹി: പുതുവർഷത്തിൽ കോവിഡ് പ്രതിരോധ വാക്സിൻ കൈയിലെത്തുമെന്ന പ്രതീക്ഷയിൽ ഇന്ത്യ. ലോകത്തെ ഏറ്റവും വലിയ കോവിഡ് വാക്സിനേഷൻ വിതരണത്തിനുള്ള തയാറെടുപ്പിലാണ് ഇന്ത്യയെന്നു പ്രധാനമന്ത്രി നരേന്ദ്ര മോദി ഇന്നലെ പറഞ്ഞു. വാക്സിൻ വിതരണത്തിനുള്ള അവസാന ഘട്ട ഒരുക്കത്തിലാണ് രാജ്യമെന്നും എല്ലാവർക്കും സൗജന്യമായി വാക്സിൻ നൽകാനാകും എന്നാണ് പ്രതീക്ഷയെന്നും അദ്ദേഹം പറഞ്ഞു. ജനുവരി രണ്ടു മുതൽ എല്ലാ സംസ്ഥാനങ്ങളിലും വാക്സിൻ വിതരണത്തിനുള്ള ഡ്രൈ റണ് നടത്താൻ കേന്ദ്ര സർക്കാർ തീരുമാനിച്ചു. ഡമ്മി കോവിഡ് വാക്സിൻ ഉപയോഗിച്ച് സംസ്ഥാനങ്ങളുടെ തെരഞ്ഞെടുത്ത സ്ഥലങ്ങളിൽ നടത്തുന്ന ഡ്രൈ റണ് വാക്സിനേഷന്റെ ആസൂത്രണം എങ്ങനെയാണെന്നും വെല്ലുവിളികൾ എന്തൊക്കെയാണെന്നും പരിശോധിക്കാനാണു നടത്തുന്നത്. ഇതിന് മുൻപ് ഡ്രൈ റണ് നടത്തിയ നാല് സംസ്ഥാനങ്ങളിലും നടപടികൾ തൃപ്തികരമായിരുന്നുവെന്നും കേന്ദ്ര ആരോഗ്യ മന്ത്രാലയം പ്രസ്താവനയിൽ പറഞ്ഞു. മഹാരാഷ്ട്രയിലും കേരളത്തിലും പ്രധാനപ്പെട്ട നഗരങ്ങളിൽക്കൂടി ഡ്രൈ റണ് നടത്തുമെന്നും കേന്ദ്ര ആരോഗ്യമന്ത്രാലയം…
Read Moreജെസ്ന ഇവിടുണ്ട്! പോലീസ് ആരെയാണ് പേടിക്കുന്നത്? എവിടെയുണ്ടെന്നതു സംബന്ധിച്ചു കൃത്യമായ വിവരം ലഭിച്ചെന്ന് സൂചന; വിവാദങ്ങൾ ഒഴിവാക്കാൻ രാഷ്ട്രീയ സമ്മർദ്ദമോ?
കോട്ടയം/പത്തനംതിട്ട: കോളിളക്കം സൃഷ്ടിച്ച ജെസ്ന തിരോധാനക്കേസിൽ ജെസ്ന എവിടുണ്ട് എന്നതു സംബന്ധിച്ചു പോലീസിൽ ചിലർക്കു കൃത്യമായ വിവരം ലഭിച്ചിട്ടുണ്ടെന്നു സൂചന. എന്നാൽ, ചില സമ്മർദങ്ങൾ മൂലം പോലീസിലെ ചില ഉന്നതർ അടക്കമുള്ളവർ മൗനം പാലിക്കുകയാണെന്നാണ് വിവരം. ജെസ്നയുടെ തിരോധാനത്തിനു പിന്നിലുള്ള കാര്യങ്ങൾ പുറത്തറിഞ്ഞാൽ ഒരു കാണാതാകൽ കേസിന് അപ്പുറമുള്ള മാനങ്ങളിലേക്കു വിവാദം വളരും. ഇപ്പോൾത്തന്നെ പെൺകുട്ടികളെ കാണാതാകുന്നതും മറ്റു രാജ്യങ്ങളിലേക്കു കടത്തുന്നതുമൊക്കെ വലിയ ആരോപണങ്ങളും ചർച്ചകളുമായിരിക്കുന്ന കേരളത്തിൽ ജെസ്നയുടെ തിരോധാനത്തെക്കുറിച്ചുള്ള വിവരങ്ങൾ പുറത്തുവന്നാൽ ഈ വിവാദം കൂടുതൽ കടുക്കുമെന്ന ആശങ്ക പല കേന്ദ്രങ്ങൾക്കുമുണ്ട്. പല വിവരങ്ങളും അറിയാമെന്നും എന്നാൽ പുറത്തുവിടാൻ കഴിയില്ലെന്നും എസ്പി സ്ഥാനത്തുനിന്നു വിരമിക്കുന്ന കെ.ജി.സൈമൺ ഇന്നലെ വെളിപ്പെടുത്തിയതും പോലീസിനു കാര്യങ്ങൾ കൃത്യമായി അറിയാമെന്ന സൂചനയായി വിലയിരുത്തപ്പെടുന്നു. ഒരു പെൺകുട്ടിയെ കാണാതായ കേസിൽ ശുഭസൂചന എന്നു പറഞ്ഞാൽ മറ്റെന്താണെന്ന ചോദ്യവും ഇവിടെ പ്രസക്തമാകുന്നു. വിവാദങ്ങൾക്കു തടയിടാൻനിയമസഭാ…
Read Moreസെറം ഇന്സ്റ്റിറ്റ്യൂട്ടിനും ഭാരത് ബയോടെകിനും അനുമതിയില്ല ! കോവിഡ് വാക്സിന് അടിയന്തര അനുമതി നല്കാനില്ലെന്ന നിലപാടില് കേന്ദ്രം…
രാജ്യത്ത് കോവിഡ് വാക്സിനുകള്ക്ക് അടിയന്തരമായി അനുമതി നല്കാനില്ലെന്ന് നിലപാടെടുത്ത് കേന്ദ്ര സര്ക്കാര്.സെറം ഇന്സ്റ്റിറ്റ്യൂട്ട്, ഭാരത് ബയോടെക് എന്നിവര് നിര്മ്മിച്ച വാക്സിനുകളുടെ അനുമതിക്കായി സമര്പ്പിച്ച അപേക്ഷ നിരസിക്കുകയായിരുന്നു. ഇരുവരുടേയും വാക്സിന് കേന്ദ്രസര്ക്കാര് അംഗീകാരം നല്കിയിട്ടില്ല. ഓക്സ്ഫെഡ് യൂണിവേഴ്സിറ്റിയും മരുന്ന് നിര്മ്മാതാക്കളായ ആസ്ട്ര സെനേക്കയും ചേര്ന്ന് വികസിപ്പിച്ച കോവിഷീല്ഡ് വാക്സിന്റെ ഇന്ത്യയിലെ നിര്മ്മാണം നടത്തുന്നത് സെറം ഇന്സ്റ്റിറ്റ്യൂട്ടാണ്. ഭാരത് ബയോടെക് നിര്മിക്കുന്ന കോവാക്സിനും അടിയന്തര അനുമതിക്കായി അപേക്ഷ സമര്പ്പിച്ചിരുന്നു. എന്നാല്, വാക്സിനുകള് സംബന്ധിച്ച് കൂടുതല് വിവരങ്ങള് ആവശ്യമാണെന്ന് വിദഗ്ധ സമിതി വ്യക്തമാക്കി. അതേ സമയം ഓക്സ്ഫെഡ് യൂണിവേഴ്സിറ്റിയുടെ കോവിഡ് വാക്സിന് യുകെ അംഗീകാരം നല്കിയിരുന്നു. യുകെയാണ് വാക്സിന് അംഗീകാരം നല്കിയ ആദ്യ രാജ്യം. സാധാരണ റഫ്രിജറേറ്ററുകളില് സൂക്ഷിക്കാമെന്നതിനാല് ഓക്സ്ഫെഡ് വാക്സിന് ഫൈസര്, മൊഡേണ വാക്സിനുമായി താരതമ്യം ചെയ്യുമ്പോള് വില കുറവായിരിക്കുമെന്ന് റിപ്പോര്ട്ടുണ്ട്. ഫൈസര്, മൊഡേണ വാക്സിനുകള് -72 ഡിഗ്രിയില് സൂക്ഷിക്കേണ്ടതുണ്ട്.
Read Moreകുതിരാനിൽ നിയന്ത്രണംവിട്ട ലോറി ആറു വാഹനങ്ങളിൽ ഇടിച്ചുകയറി; മൂന്നുപേർക്ക് ദാരുണ മരണം; ഒരാളുടെ നില ഗുരുതരം ; ദേശീയ പാതയിൽ വൻ ഗതാഗതക്കുരുക്ക്
കുതിരാൻ/തൃശൂർ: ദേശീയപാത കുതിരാനിൽ നിയന്ത്രണംവിട്ട ലോറി വാഹനങ്ങളിൽ ഇടിച്ചുകയറിയുണ്ടായ അപകടത്തിൽ മൂന്നു പേർ മരിച്ചു. ലോറികളും കാറും ഉൾപ്പെടെ ഏഴ് വാഹനങ്ങൾ കൂട്ടിയിടിച്ചാണ് അപകടം. മരിച്ച മൂന്നു പേരിൽ രണ്ടുപേർ സ്കൂട്ടറിൽ യാത്ര ചെയ്തിരുന്നവരാണ്. ലോറി ചെന്നിടിച്ച കാറിലെ യാത്രക്കാരനാണ് മരിച്ച മൂന്നാമത്തെ ആൾ. പരിക്കേറ്റ മറ്റൊരാളുടെ നില ഗുരുതരമാണെന്നാണ് പ്രാഥമിക വിവരം. കണ്ണന്പ്ര മഞ്ഞപ്ര സ്വദേശികളായ വിജീഷ്, നിഖിൽ എന്നിവരാണ് മരിച്ചവരിൽ രണ്ടുപേർ. പാലക്കാടു ഭാഗത്തുനിന്നു വരികയായിരുന്ന ചരക്കുലോറിയാണ് കുതിരാനിൽ വൻ അപകടത്തിനിടയാക്കിയത്. അപകടത്തിൽപെട്ട വാഹനങ്ങളെല്ലാം പാലക്കാട് ഭാഗത്തുനിന്ന് വരികയായിരുന്നു . ദേശീയപാതയിൽ കുതിരാൻ ഇറക്കം ഇറങ്ങിക്കൊണ്ടിരിക്കെ വഴുക്കുംപാറ കുരിശു പള്ളിയുടെ സമീപത്തുവെച്ചാണ് അപകടമുണ്ടായത്. നിയന്ത്രണംവിട്ട ചരക്കുലോറി മുന്നിൽ പോവുകയായിരുന്ന സ്കൂട്ടറിന് മീതെ പാഞ്ഞു കയറി. സ്കൂട്ടറിൽ യാത്ര ചെയ്യുകയായിരുന്ന രണ്ടു പേർ തൽക്ഷണം മരിച്ചു.തുടർന്ന് മുന്നിൽ പോവുകയായിരുന്ന ടെന്പോ ട്രാവലറിൽ ഇടിച്ച ലോറി രണ്ട്…
Read Moreപെരുമ്പാവൂരിൽ ഒരു കുടുംബത്തിലെ നാലു പേർ വീടിനുള്ളിൽ മരിച്ചനിലയിൽ; ആത്മഹത്യ കുറിപ്പ് കണ്ടെത്തി; ആത്മഹത്യയ്ക്ക് കാരണമായി പോലീസിന്റെ പ്രാഥമിക വിലയിരുത്തൽ ഇങ്ങനെ…
പെരുമ്പാവൂർ: പെരുമ്പാവൂർ ചേലാമറ്റത്ത് ഒരു കുടുംബത്തിലെ നാലു പേർ വീടിനുളളിൽ ദുരൂഹ സാഹചര്യത്തിൽ രണ്ടു കയറിലായി തൂങ്ങി മരിച്ച നിലയിൽ കണ്ടെത്തി. ചേലാമറ്റം പാറപ്പുറത്തുകുടി വീട്ടിൽ പത്ഭനാഭന്റെ മകൻ ബിജു (46) ഭാര്യ വണ്ണപ്പുറം മാങ്കുഴിക്കൽ അമ്പിളി (39) മകൾ ആദിത്യ (15) മകൻ അർജുൻ(13) എന്നിവരാണ് വീടിനകത്ത് ഇരു കയറുകളിലായി തൂങ്ങി മരിച്ച നിലയിൽ കണ്ടെത്തിയത്. ഇന്ന് രാവിലെ ഏഴിന് പാൽ വാങ്ങാൻ എത്തിയ അയൽവാസി വിളിച്ചിട്ടും വീട്ടിൽനിന്ന് ആരും പുറത്തു വരാത്തതിനെത്തുടർന്നു സമീപവാസികളെ വിളിച്ചുവരുത്തി വീടിന്റെ വാതിൽ ചവിട്ടി പൊളിച്ച് അകത്ത് കടന്നപ്പോഴാണ് കുടുംബം തൂങ്ങി മരിച്ച നിലയിൽ കാണപ്പെട്ടത്. ഭക്ഷണത്തിൽ എന്തെങ്കിലും ചേർത്ത് കഴിച്ച ശേഷം തൂങ്ങിയതാണെന്ന് സംശയിക്കുന്നു. പോസ്റ്റ്മോർട്ടത്തിനു ശേഷമാണ് മരണകാരണം വ്യക്തമാകുമെന്ന് പോലീസ് പറഞ്ഞു. റൂറൽ എസ്പിയും ഫോറൻസിക് വിദഗ്ദരും മറ്റും എത്തി പരിശോധന നടത്തുന്നു. ഉച്ചയോടെ മൃതദേഹങ്ങൾ പോസ്റ്റ്മോർട്ടത്തിനായി…
Read Moreവ്യാജ നഗ്നദൃശ്യങ്ങള് ഉപയോഗിച്ച് പണം തട്ടി; ഇരയായത് നൂറിലേറെ സ്ത്രീകള്; യുവാവ് പിടിയിലായതിങ്ങനെ…
സ്ത്രീകളെ വ്യാജ നഗ്നചിത്രമുപയോഗിച്ച് ഭീഷണിപ്പെടുത്തുകയും പണം തട്ടുകയും ചെയ്ത യുവാവ് കുടുങ്ങി. സുമിത് ഝാ (26) എന്ന യുവാവാണ്അറസ്റ്റിലായത്. നഗ്നദൃശ്യങ്ങള് സമൂഹ മാധ്യമങ്ങളില് പ്രചരിപ്പിക്കുമെന്നു പറഞ്ഞു ഭീഷണിപെടുത്തിയാണ് പണം തട്ടിയിരുന്നത്. സമൂഹമാധ്യമ അക്കൗണ്ടുകളിലെ പ്രൊഫൈല് ചിത്രങ്ങളില് കൃത്രിമം കാട്ടിയാണ് ഇയാള് ചിത്രങ്ങള് ഉണ്ടാക്കിയിരുന്നത്. ഈ ചിത്രങ്ങള് ഉപയോഗിച്ചാണ് ഇയാള് തട്ടിപ്പിനുശ്രമിച്ചിരുന്നത്. നൂറിലേറെ സ്ത്രീകളുടെ ചിത്രങ്ങള് ഇത്തരത്തില് ഇയാള് നിര്മിച്ചു.ദക്ഷിണ ഡല്ഹി സ്വദേശിനിയില് നിന്നു പണം തട്ടാന് ഇയാള് ശ്രമിച്ചു, യുവതിയുടെ പരാതിയെ തുടര്ന്ന് ഡല്ഹി സൈബര് സെല് നടത്തിയ അന്വേഷണത്തിലാണ് ഇയാള് പിടിയിലായത്.
Read Moreസ്കൂളുകൾ നാളെ മുതൽ തുറക്കുന്നു; ക്ലാസുകളിൽ ഒരേസമയം 50% കുട്ടികൾ; ആദ്യത്തെ ആഴ്ച ഒരു ബെഞ്ചിൽ ഒരു കുട്ടി; വിദ്യാഭ്യാസ വകുപ്പിന്റെ മറ്റു നിർദേശങ്ങൾ ഇങ്ങനെ…
തിരുവനന്തപുരം: നാളെ മുതൽ സ്കൂൾ തുറക്കുന്പോൾ ഒരേസമയം 50% കുട്ടികളെ മാത്രമേ അനുവദിക്കാവൂ എന്നും ആദ്യത്തെ ആഴ്ച ഒരു ബെഞ്ചിൽ ഒരു കുട്ടി എന്ന നിലയിൽ ക്ലാസുകൾ ക്രമീകരിക്കണമെന്നും വിദ്യാഭ്യാസവകുപ്പ് നിർദേശം നൽകി. 10, 12 ക്ലാസുകളിൽ 300ൽ കൂടുതൽ കുട്ടികളുള്ള സ്കൂളുകളിൽ ഒരേസമയം 25% കുട്ടികളെ അനുവദിക്കുന്നതാണ് ഉചിതമെന്നും പൊതുവിദ്യാഭ്യാസ ഡയറക്ടറുടെ മാർഗനിർദേശത്തിൽ പറയുന്നു. മറ്റു നിർദേശങ്ങൾ * സ്കൂളുകളിൽ മാസ്ക്, ഡിജിറ്റൽ തെർമോമീറ്റർ, സാനിറ്റൈസർ, സോപ്പ് എന്നിവ സജ്ജീകരിക്കണം. * എത്തിച്ചേരാൻ കഴിയാത്ത കുട്ടികൾക്ക് സമൂഹമാധ്യമങ്ങൾ വഴി ക്ലാസുകൾ നൽകാം. * രക്ഷിതാക്കളുടെ സമ്മതപത്രമുണ്ടെങ്കിൽ മാത്രമേ കുട്ടികളെ പ്രവേശിപ്പിക്കാവൂ. * ജനുവരി 15നകം 10–ാം ക്ലാസിന്റെയും 30നകം 12–ാം ക്ലാസിന്റെയും !ഡിജിറ്റൽ ക്ലാസുകൾ പൂർത്തിയാകും. * ആദ്യത്തെ ആഴ്ച രാവിലെ 3 മണിക്കൂർ, ഉച്ചയ്ക്കുശേഷം 3 മണിക്കൂർ വീതമുള്ള 2 ഘട്ടങ്ങളായാണ് ക്ലാസുകൾ…
Read Moreവ്യത്യസ്തനാമൊരു രാമചന്ദ്രനെ സത്യത്തിലാരും തിരിച്ചറിഞ്ഞില്ല! ഒളിവിലായിരുന്ന പ്രതിയെ പിടികൂടി; പഴയൊരു ഫോട്ടോയുടെ സഹായത്താൽ
കോഴിക്കോട്: തമിഴ്നാട്ടില്നിന്നു റെയില്വേ ലൈന് മുറിച്ചുകടത്തിയ കേസിലെ പ്രതി പിടിയില്. നെയ്വേലി സേതുതാം കൊപ്പം രാമചന്ദ്രന് (60) ആണ് പിടിയിലായത്. മോഷണശേഷം കേരളത്തിലെത്തുകയും കോഴിക്കോട്് ജില്ലയിലെ വിവിധ ഭാഗങ്ങളില് വ്യാജ മേല്വിലാസത്തില് ഒളിവില് കഴിയുകയുമായിരുന്നു. അതിനിടെയാണ് കോഴിക്കോട് സിറ്റി ക്രൈം സ്ക്വാഡ് പിടികൂടിയത്. 2004 ല് തമിഴ്നാട്ടിലെ തൃച്ചി ഡിവിഷനില് നിന്നു റെയില്വേ ലൈന് മുറിച്ച് മോഷണം നടത്തിയ 16 പ്രതികളെയും വില്ലുപുരം ആര്പിഎഫ് പിടികൂടുകയും വിചാരണ വേളയില് രാമചന്ദ്രന് കോഴിക്കോട്ടേക്ക് മുങ്ങുകയുമായിരുന്നു. അന്വേഷണത്തിന്റെ ഭാഗമായി കഴിഞ്ഞ ദിവസമാണ് തമിഴ്നാട്ടിലെ ആര്പിഎഫ് ഉദ്യോഗസ്ഥര് കോഴിക്കോട് എത്തിയത്. തുടര്ന്ന് ക്രൈം സ്ക്വാഡ് അംഗങ്ങളെ സമീപിക്കുകയുമായിരുന്നു. നോര്ത്ത് അസിസ്റ്റന്റ് കമ്മീഷണര് കെ.അഷ്റഫിന്റെ നേതൃത്വത്തില് അന്വേഷണം ആരംഭിച്ചു. ഇയാളുടെ വര്ഷങ്ങള്ക്ക് മുമ്പുള്ള ഒരു ഫോട്ടോ മാത്രമായിരുന്നു പോലീസിന്റെ കൈകളില് ഉണ്ടായിരുന്നത്. കോഴിക്കോട് നഗരത്തിലെ തമിഴ്നാട് സ്വദേശികള് താമസിക്കുന്ന സ്ഥലങ്ങളില് പോലീസ് നേരിട്ടും…
Read Moreനാട്ടില് എത്തിച്ചില്ലെങ്കില് പണി പാളും! യുഎഇയിലെ സ്വര്ണക്കടത്തിന്റെ പ്രധാനകണ്ണി; സ്വര്ണക്കടത്ത് കേസില് വിദേശത്തുള്ള ഫൈസലിനെ നാട്ടിലെത്തിക്കാന് വീണ്ടും എന്ഐഎ
ജോണ്സണ് വേങ്ങത്തടം കൊച്ചി: സ്വര്ണക്കടത്ത് കേസില് വിദേശത്തുള്ള പ്രതികളെ നാട്ടിലെത്തിക്കാനുള്ള നീക്കം ശക്തമാക്കി എന്ഐഎ. സ്വര്ണക്കടത്ത് കേസിലെ മൂന്നാം പ്രതിഫൈസല് ഫരീദിനെ നാട്ടിലെത്തിക്കാനുള്ള നീക്കമാണ് എന്ഐഎ നടത്തുന്നത്. ഇയാളെ നാട്ടിലെത്തിച്ചില്ലെങ്കില് സ്വര്ണക്കടത്തിലെ എന്ഐഎ ആരോപിക്കുന്ന സുപ്രധാന തെളിവുകള് നഷ്ടപ്പെടുകയും കേസ് അട്ടിമറിക്കപ്പെടുകയും ചെയ്യും. ഇയാള് യുഎഇയില് പോലീസ് അറസ്റ്റു ചെയ്തു ജയിലിലാണ്. ഫൈസലാണ് യുഎഇയിലെ സ്വര്ണക്കടത്തിന്റെ പ്രധാനകണ്ണിയെന്ന് അന്വേഷണ സംഘം കണ്ടെത്തിയിരുന്നു. സ്വര്ണക്കടത്തുമായി തനിക്കു ബന്ധമില്ലെന്നും തന്റെ ചിത്രങ്ങള് ദുരുപയോഗം ചെയ്യുന്നതിനെതിരേ കേസ് നല്കുമെന്നും വ്യക്തമാക്കി ഫൈസല് മാധ്യമങ്ങള്ക്കു മുന്നിലെത്തിയിരുന്നു. എന്നാല് പിന്നീട് ഒളിവില് പോകുകയായിരുന്നു. തൃശൂര് കൈപ്പമംഗലം പുത്തന്പള്ളി തൈപ്പറമ്പില് ഫൈസല് ഫരീദ് നാട്ടിലുള്ളതിനേക്കാള് കൂടുതലും വിദേശത്താണ് കഴിഞ്ഞത്. വീട്ടുകാരും ബന്ധുക്കളുമൊക്കെ ദുബായില് തന്നെയാണ് സ്ഥിരതാമസം. ഫൈസല് ഫരീദിനെതിരേ ഇന്റർപോള് ലുക്കൗട്ട് നോട്ടീസ് പുറപ്പെടുവിച്ചിരുന്നു. ഇതിനിടയില് യുഎഇ പോലീസ് ഇയാളെ പിടികൂടി. ഫൈസലിനെ നാട് കടത്തണമെന്ന്…
Read More