തിരുവനന്തപുരം: കേരളത്തിലെ സിനിമാ തിയറ്ററുകളിൽ ഇന്നു മുതൽ ടിക്കറ്റ് നിരക്കിൽ വർധന. 10 മുതൽ 30 രൂപ വരെയാണ് വിവിധ ക്ലാസുകളിലെ ടിക്കറ്റുകൾക്ക് വില കൂടുന്നത്. സാധാരണ ടിക്കറ്റിന് 130 രൂപ ഇന്നു മുതൽ നൽകേണ്ടി വരും.
ജിഎസ്ടിയും ക്ഷേമനിധി തുകയും വിനോദ നികുതിയും സർക്കാർ ഏർപ്പെടുത്തിയതോടെയാണ് ടിക്കറ്റ് ചാർജ് കൂട്ടാൻ തീയറ്റർ ഉടമകൾ തീരുമാനിച്ചത്. സർക്കാർ നികുതി ഏർപ്പെടുത്തിയതിനെതിരേ തിയറ്റർ ഉടമകൾ കോടതിയെ സമീപിച്ചിരുന്നു.
വിധി സർക്കാരിന് അനുകൂലമാണെങ്കിൽ തിയറ്റർ ഉടമകൾ മുൻകാല പ്രാബല്യത്തോടെ വിനോദ നികുതി നൽകേണ്ടി വരും.
