ആലുവ: ദേശീയ പാതയിൽ ആലുവ മാർത്താണ്ഡവർമ്മ പാലത്തിന് മുകളിൽ പരസ്പരം ഏറ്റുമുട്ടിയ അഞ്ചംഗസംഘത്തെ പൊലിസ് കസ്റ്റഡിയിലെടുത്തു. 3 പേർ ഇതര സംസ്ഥാനക്കാരും രണ്ട് പേർ കോട്ടയം സ്വദേശികളുമാണ്.
ഇവരിൽ പലർക്കും ദേഹത്ത് പരിക്കുണ്ട്. ആലുവ ജില്ല ആശുപത്രിയിൽ ചികിത്സയും നൽകിയ ശേഷമാണ് കസ്റ്റഡിയിൽ എടുത്തത്. പൊലിസ് വിശദമായി ചോദ്യം ചെയ്ത് വരികയാണ്. പരസ്പരം ഏറ്റുമുട്ടിയതെന്നത് സംബന്ധിച്ച് പരസ്പര വിരുദ്ധമായാണ് ഇവർ പറയുന്നത്. കഴിഞ്ഞ രാത്രിയാണ് സംഭവം.
കാർ വില്പനയ്ക്കന്ന പരസ്യത്തെ തുടർന്ന് മുൻകൂർ പണം നൽകി ആലുവയിലെത്തിയ കോട്ടയം സ്വദേശികൾക്ക് കാർ നൽകാത്തതാണ് തർക്കത്തിനിടയാക്കിയതെന്നാണ് സൂചന. കാർ നൽകാതെ ഇടനിലക്കാരായി നിന്ന രണ്ട് ആസാം സ്വദേശികൾ ഓടി രക്ഷപ്പെടാൻ ശ്രമിച്ചുവെന്നാണ് പറയുന്നത്. ആസാം സ്വദേശികളായ മുബാറക് അലി, അവർ ഹുസൈൻ എന്നിവരിൽ നിന്നാണ് പണവും കണ്ടെടുത്തത്.
