സൗജന്യ വാക്സിൻ പ്രഖ്യാപനത്തിന് പിന്നാലെ ത​രം​ഗ​മാ​യി കോ​വി​ഡ് വാ​ക്സി​ൻ ച​ല​ഞ്ച്;  രണ്ടു ദിവസംകൊണ്ട് 50ലക്ഷം; ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​നകളുടെ പ്രവാഹം

എം.​ജെ ശ്രീ​ജി​ത്ത്
തി​രു​വ​ന​ന്ത​പു​രം: സോ​ഷ്യ​ൽ മീ​ഡി​യ​യി​ൽ കോ​വി​ഡ് വാ​ക്സി​ൻ ച​ല​ഞ്ച് ത​രം​ഗ​മാ​കു​ന്നു. കോ​വി​ഡ് വാ​ക്സി​ൻ സൗ​ജ​ന്യ​മാ​യി ന​ൽ​കാ​നാ​കി​ല്ലെ​ന്ന കേ​ന്ദ്ര​നി​ല​പാ​ട് പു​റ​ത്തു​വ​ന്ന​തോ​ടെ കോ​വി​ഡ് വാ​ക്സി​നു​ള്ള തു​ക മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ചെ​യ്യു​ക​യാ​ണ് ജ​ന​ങ്ങ​ൾ.

കേ​ന്ദ്രം സൗ​ജ​ന്യ​മാ​യി ത​ന്നി​ല്ലെ​ങ്കി​ലും സം​സ്ഥാ​ന​ത്ത് വാ​ക്സി​ൻ സൗ​ജ​ന്യ​മാ​യി ന​ൽ​കു​മെ​ന്ന മു​ഖ്യ​മ​ന്ത്രി​യു​ടെ പ്ര​ഖ്യാ​പ​ന​ത്തി​നു പി​ന്നാ​ലെ​യാ​ണ് കോ​വി​ഡ് വാ​ക്സി​ൻ ച​ല​ഞ്ച് സ​മൂ​ഹ​മാ​ധ്യ​മ​ങ്ങ​ളി​ൽ ആ​രം​ഭി​ച്ച​ത്.

മ​രു​ന്ന് ക​മ്പ​നി​ക​ൾ വാ​ക്സി​ൻ 400 രൂ​പ​യ്ക്കാ​ണ് സം​സ്ഥാ​ന​ങ്ങ​ൾ​ക്ക് ന​ൽ​കു​ന്ന​തെ​ന്ന് എ​ന്ന് അ​റി​ഞ്ഞ​തോ​ടെ വാ​ക്സി​ൻ എ​ടു​ത്ത​വ​രി​ൽ ന​ല്ലൊ​രു പ​ങ്കും മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് 400 രൂ​പ സം​ഭാ​വ​ന ചെ​യ്തു​കൊ​ണ്ടു​ള്ള ച​ല​ഞ്ച് ആ​രം​ഭി​ക്കു​ക​യാ​യി​രു​ന്നു.

ആ​ദ്യ ദി​വ​സം ത​ന്നെ 22 ല​ക്ഷം രൂ​പ​യാ​ണ് മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് ഇ​തി​ൻ​പ്ര​കാ​രം എ​ത്തി​യ​ത്. ച​ല​ഞ്ച് ആ​രം​ഭി​ച്ച് ര​ണ്ടു ദി​വ​സം പി​ന്നി​ടു​മ്പോ​ൾ 50 ല​ക്ഷം പി​ന്നി​ട്ടു. വാ​ക്സി​ൻ എ​ടു​ത്ത​വ​ർ മാ​ത്ര​മ​ല്ല ഇ​നി വാ​ക്സി​ൻ എ​ടു​ക്കാ​നു​ള്ള വ​രും ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ചെ​യ്യു​ക​യാ​ണ്.

മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ലേ​ക്ക് പ​ണം സം​ഭാ​വ​ന ചെ​യ്തി​ന്‍റെ സ​ർ​ട്ടി​ഫി​ക്ക​റ്റു​ക​ൾ സോ​ഷ്യ​ൽ മീ​ഡി​യ​യി​ൽ നി​റ​യു​ക​യാ​ണ്. മ​ല​യാ​ളി​ക​ളെ ഒ​ന്നി​നും തോ​ൽ​പ്പി​ക്കാ​നാ​കി​ല്ല എ​ന്ന കു​റി​പ്പോ​ടെ​യാ​ണ് ആ​ണ് പ​ല​രും പ​ണം അ​ട​ച്ച​തി​ന്‍റെ സ​ർ​ക്കാ​രി​ന്‍റെ സ​ർ​ട്ടി​ഫി​ക്ക​റ്റ് പോ​സ്റ്റ് ചെ​യ്തി​രി​ക്കു​ന്ന​ത്. സം​സ്ഥാ​ന​ത്ത് കോ​വി​ഡ് വാ​ക്സി​ൻ ക്ഷാ​മം രൂ​ക്ഷ​മാ​ണ്.

കേ​ന്ദ്ര​സ​ർ​ക്കാ​രാ​ണ് ഇ​തു​വ​രെ സം​സ്ഥാ​ന​ത്ത് സൗ​ജ​ന്യ​മാ​യി വാ​ക്സി​ൻ ന​ൽ​കി​യി​രു​ന്ന​ത് .എ​ന്നാ​ൽ ക​ഴി​ഞ്ഞ ദി​വ​സ​ങ്ങ​ളി​ൽ ഇ​തു​മാ​യി ബ​ന്ധ​പ്പെ​ട്ട് കേ​ന്ദ്ര വി​ദേ​ശ​കാ​ര്യ സ​ഹ​മ​ന്ത്രി വി.​മു​ര​ളീ​ധ​ര​നും സം​സ്ഥാ​ന സ​ർ​ക്കാ​രും ത​മ്മി​ലു​ണ്ടാ​യ അ​ഭി​പ്രാ​യ​പ്ര​ക​ട​ന​ത്തി​ന് പി​ന്നാ​ലെ​യാ​ണ് സോ​ഷ്യ​ൽ മീ​ഡി​യ​യി​ൽ വാ​ക്സി​ൻ ച​ല​ഞ്ച് ആ​രം​ഭി​ച്ച​ത്.

കേ​ന്ദ്ര​ വിഹിതത്തിനു കാത്തു നിൽക്കാതെ കേ​ര​ളം സ്വ​ന്തം നി​ല​യി​ൽ വാക്സിൻ വാ​ങ്ങ​ണ​മെ​ന്ന വി.​ മു​ര​ളീ​ധ​ര​ന്‍റെ പ്ര​സ്താ​വ​ന​യ്ക്ക് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മ​റു​പ​ടി പ​റ​ഞ്ഞ​തോ​ടെ​യാ​ണ് ഇ​തി​ൽ വി​വാ​ദ​വും ച​ർ​ച്ച​ക​ളും ആ​രം​ഭി​ച്ച​ത്.

വാ​ക്സി​ൻ സൗ​ജ​ന്യ​മാ​യി ന​ൽ​കു​മെ​ന്ന് പ​റ​ഞ്ഞാ​ൽ ന​ൽ​കു​ക ത​ന്നെ ചെ​യ്യു​മെ​ന്നും ഓ​രോ സ​മ​യ​ത്തും വാ​ക്കു​മാ​റ്റി പ​റ​യു​ന്ന​വ​ര​ല്ല ത​ങ്ങ​ളെ​ന്നും ആ​യി​രു​ന്നു പി​ണ​റാ​യി വി​ജ​യ​ൻ വാ​ർ​ത്താ​സ​മ്മേ​ള​ന​ത്തി​ൽ പ​റ​ഞ്ഞ​ത്. ഇ​ത് സോ​ഷ്യ​ൽ മീ​ഡി​യ വ​ലി​യ രീ​തി​യി​ൽ ഏ​റ്റെ​ടു​ക്കു​ക​യാ​യി​രു​ന്നു.

ഇ​തി​നു പി​ന്നാ​ലെ​യാ​ണ് വാ​ക്സി​ന്ച​ല​ഞ്ച് ആ​രം​ഭി​ച്ച​ത്. വാ​ക്സി​ൻ ആ​രം​ഭി​ച്ച​ത്. വാ​ക്സി​ൻ സം​സ്ഥാ​ന​ങ്ങ​ൾ​ക്ക് നേ​രി​ട്ട് വാ​ങ്ങാം എ​ന്ന കേ​ന്ദ്ര നി​ർ​ദ്ദേ​ശം കൂ​ടി പു​റ​ത്തു​വ​ന്ന​തോ​ടെ കേ​ര​ളം സ്വ​ന്ത​മാ​യി വാ​ക്സി​ൻ വാ​ങ്ങാ​ൻ ഉ​ള്ള ന​ട​പ​ടി​ക​ളും ആ​രം​ഭി​ച്ചു.

ഇ​തി​നാ​യി ആ​യി ചീ​ഫ് സെ​ക്ര​ട്ട​റി, ധ​ന​കാ​ര്യ സെ​ക്ര​ട്ട​റി, ആ​രോ​ഗ്യ സെ​ക്ര​ട്ട​റി എ​ന്നി​വ​ര​ട​ങ്ങു​ന്ന ഉ​ന്ന​ത​ത​ല സ​മി​തി​യെ സ​ർ​ക്കാ​ർ വാ​ക്സി​ൻ ക​മ്പ​നി​ക​ളു​മാ​യി ച​ർ​ച്ച​യ്ക്കാ​യി നി​യോ​ഗി​ച്ചു. ഈ ​സ​മി​തി വാ​ക്സി​ൻ ക​മ്പ​നി​ക​ളു​മാ​യി ച​ർ​ച്ച ന​ട​ത്തി റി​പ്പോ​ർ​ട്ട് സം​സ്ഥാ​ന സ​ർ​ക്കാ​രി​ന് കൈ​മാ​റും. റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​യി​രി​ക്കും സം​സ്ഥാ​നം വാ​ക്സി​ൻ വാ​ങ്ങു​ക.

അതേസമയം സം​സ്ഥാ​ന​ത്ത് കേ​ന്ദ്ര​ത്തി​ൽ നി​ന്ന് ആറരര​ല​ക്ഷം ഡോ​സ് വാ​ക്സി​ൻ എ​ത്തി. ഒരു ലക്ഷം ഡോസ് കോ​വാ​ക്സി​നും അഞ്ചര ല​ക്ഷം ഡോസ് കോ​വി​ഷീ​ൽ​ഡു​മാ​ണ്. എ​ല്ലാ ജി​ല്ല​ക​ളി​ലും വാ​ക്സി​ൻ എ​ത്തു​ന്ന​തോ​ടെ​വാ​ക്സി​ൻ വി​ത​ര​ണം​ മു​ട​ങ്ങി​ല്ല എ​ന്നാ​ണ് പ്ര​തീ​ക്ഷി​ക്കു​ന്ന​ത് .

സം​സ്ഥാ​ന സ​ർ​ക്കാ​ർ സ്വ​ന്തം നി​ല​യി​ൽ വാ​ക്സി​ൻ വാ​ങ്ങു​ന്ന​തോ​ടെ വാ​ക്സി​ൻ എ​ടു​ക്കാ​നു​ള്ള തി​ക്കും​തി​ര​ക്കും കു​റ​യു​മെ​ന്നാ​ണ് പ്ര​തീ​ക്ഷി​ക്കു​ന്ന​ത് .ക​ഴി​ഞ്ഞ​ദി​വ​സ​ങ്ങ​ളി​ൽ വാ​ക്സി​ൻ കേ​ന്ദ്ര​ങ്ങ​ളി​ൽ പ​ല​യി​ട​ത്തും വ​ലി​യ വ​ലി​യ കൂ​ട്ടം ത​ന്നെ ഉ​ണ്ടാ​യി​രു​ന്നു.

പോ​ലീ​സ് ഇ​ട​പെ​ട്ടാ​ണ് വാ​ക്സി​ൻ എ​ടു​ക്കാ​ൻ എ​ത്തി​യ​വ​രെ നി​യ​ന്ത്രി​ച്ച​ത്.​അ​നി​യ​ന്ത്രി​ത​മാ​യ തി​ര​ക്കു കാ​ര​ണം ഓ​ൺ​ലൈ​ൻ ര​ജി​സ്റ്റ​ർ​ചെ​യ്ത​വ​ർ​ക്ക് മാ​ത്രം​വാ​ക്സി​ൻ എ​ടു​ത്താ​ൽ മ​തി എ​ന്ന് തീ​രു​മാ​നം സ​ർ​ക്കാ​ർ കൈ​ക്കൊ​ണ്ടു. ഇ​ന്നു​മു​ത​ൽ ഫ​സ്റ്റ് ഡോ​സ് ആ​യാ​ലും സെ​ക്ക​ൻ​ഡ് ഡോ​സ് ആ​യാ​ലും ഓ​ൺ​ലൈ​ൻ ര​ജി​സ്ട്രേ​ഷ​ൻ ചെ​യ്താ​ലെ വാ​ക്സി​ൻ ല​ഭി​ക്കു​ക​യു​ള്ളൂ.