ആ​റു​മാ​സ​ത്തോ​ളം ത​ങ്ങ​ൾ ഒ​രു​മി​ച്ച് ജീ​വി​ച്ചി​ട്ടു​ണ്ട്..! യു​വ​തി​യു​ടെ മ​ര​ണ​ത്തി​ൽ പ​ങ്കി​ല്ല; ആ​രോ​പ​ണം നി​ഷേ​ധി​ച്ച് ടി​ജി​ൻ; സംഭവത്തെക്കുറിച്ച് പറയുന്നത് ഇങ്ങനെ…

പ​ത്ത​നം​തി​ട്ട: ഒ​പ്പം താ​മ​സി​ച്ചി​രു​ന്ന യു​വ​തി​യു​ടെ ദു​രൂ​ഹ മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ൽ വ്യ​ക്തി വൈ​രാ​ഗ്യം മൂ​ലം ത​ന്നെ പ്ര​തി​യാ​ക്കാ​ൻ ഗൂ​ഢ​ശ്ര​മം ന​ട​ക്കു​ന്ന​താ​യി യു​വാ​വ്.

കോ​ട്ടാ​ങ്ങ​ൽ ചു​ങ്ക​പ്പാ​റ മാ​പ്പൂ​ര് വീ​ട്ടി​ൽ റ്റി​ഞ്ചു മൈ​ക്കി​ളി​ന്‍റെ ദു​രൂ​ഹ​മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ലാ​ണ് ടി​ജി​ൻ ജോ​സ​ഫ് ആ​രോ​പ​ണ വി​ധേ​യ​നാ​യി​ട്ടു​ള്ള​ത്.

2019 ഡി​സം​ബ​ർ 15ന് ​ടി​ജി​ന്‍റെ വീ​ട്ടി​ലാ​ണ് റ്റി​ഞ്ചു​വി​നെ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്. ഭാ​ര്യ​യും ഒ​രു കു​ഞ്ഞു​മു​ണ്ടാ​യി​രു​ന്ന ടി​ജി​നൊ​പ്പം നേ​ര​ത്തെ വി​വാ​ഹി​ത​യാ​യി​രു​ന്ന റ്റി​ഞ്ചു താ​മ​സി​ച്ചു​വ​രി​ക​യാ​യി​രു​ന്നു.

ഭ​ർ​ത്തൃ​വീ​ട്ടി​ൽ നി​ന്ന് സ്വ​ന്ത ഇ​ഷ്ട​പ്ര​കാ​ര​മാ​ണ് റ്റി​ഞ്ചു ഇ​റ​ങ്ങി​പ്പോ​ന്ന​തെ​ന്നും താ​ൻ പോ​ലും വീ​ട്ടി​ൽ ഇ​ല്ലാ​ത്ത​ദി​വ​സ​മാ​ണ് അ​വി​ടെ​യെ​ത്തി താ​മ​സി​ച്ച​തെ​ന്നും ടി​ജി​ൻ പ​റ​ഞ്ഞു.

ഭ​ർ​ത്തൃ​വീ​ട്ടു​കാ​രു​ടെ പ​രാ​തി​യി​ൽ റ്റി​ഞ്ചു​വി​നെ കീ​ഴ്‌വാ​യ്പൂ​ര് പോ​ലീ​സ് സ്റ്റേ​ഷ​നി​ൽ ഹാ​ജ​രാ​ക്കു​ക​യും താ​ൻ ടി​ജി​ന്‍റെ വീ​ട്ടി​ൽ സ്വ​ന്ത ഇ​ഷ്ട​പ്ര​കാ​രം ക​ഴി​യു​ക​യാ​ണെ​ന്ന് എ​ഴു​തി​വ​യ്ക്കു​ക​യു​മാ​ണു​ണ്ടാ​യ​ത്. ഇ​തു​മാ​യി ബ​ന്ധ​പ്പെ​ട്ട് റ്റി​ഞ്ചു​വി​ന്‍റെ മാ​താ​പി​താ​ക്ക​ൾ ഒ​രു പ​രാ​തി​യും പ​റ​ഞ്ഞി​രു​ന്നി​ല്ല. മ​ര​ണ​ശേ​ഷം മാ​ത്ര​മാ​ണ് ഇ​വ​ർ പ​രാ​തി​യു​മാ​യി രം​ഗ​ത്തെ​ത്തി​യ​ത്.

യു​വ​തി സ്വ​യം ജീ​വ​നൊ​ടു​ക്കു​ക​യാ​യി​രു​ന്നെ​ന്നും ഇ​തി​ൽ ത​നി​ക്കു പ​ങ്കി​ല്ലെ​ന്നും ടി​ജി​ൻ പ​റ​ഞ്ഞു. മാ​താ​പി​താ​ക്ക​ളി​ൽ നി​ന്നു​ള്ള ശ​ല്യം കാ​ര​ണം ന​ഴ്സാ​യി​രു​ന്ന റ്റി​ഞ്ചു​വി​നു ജോ​ലി ന​ഷ്ട​പ്പെ​ട്ടു.

ഇ​തി​ൽ ഏ​റെ മ​നം​നൊ​ന്തി​രു​ന്നു. ഇ​ത്ത​രം ഉ​പ​ദ്ര​വം തു​ട​ർ​ന്ന​താ​കാം മ​ര​ണ​കാ​ര​ണ​മെ​ന്നും ശ​രീ​ര​ത്തി​ലെ മു​റി​വു​ക​ൾ നേ​ര​ത്തെ ഉ​ണ്ടാ​യ അ​പ​ക​ട​ത്തി​ൽ​നി​ന്നു​ള്ള​താ​ണെ​ന്നും അ​സ്വ​സ്ഥ​ത​ക​ൾ​ക്കു ചി​കി​ത്സ തേ​ടി​യി​ട്ടു​ണ്ടെ​ന്നും ടി​ജി​ൻ പ​റ​ഞ്ഞു.

ത​ന്നെ കേ​സി​ൽ കു​ടു​ക്കു​ക​യും പെ​രു​ന്പെ​ട്ടി എ​സ്ഐ ആ​യി​രു​ന്ന ഷെ​രീ​ഫ് ക്രൂ​ര​മാ​യി മ​ർ​ദി​ക്കു​ക​യും ചെ​യ്തു. തു​ട​ർ​ന്ന് താ​ൻ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​യി​രു​ന്നു.

ഈ ​സം​ഭ​വ​ത്തി​ൽ സ​സ്പെ​ൻ​ഷ​നി​ലാ​യ ഷെ​രീ​ഫ് അ​ന്വേ​ഷ​ണം നേ​രി​ട്ടു​വ​രി​ക​യാ​ണ്. താ​നു​മാ​യി ചെ​റു​പ്പം മു​ത​ലേ ഇ​ഷ്ട​ത്തി​ലാ​യി​രു​ന്ന റ്റി​ഞ്ചു​വി​നെ മ​റ്റൊ​രു വി​വാ​ഹം ക​ഴി​പ്പി​ക്കു​ക​യാ​ണ് മാ​താ​പി​താ​ക്ക​ൾ ചെ​യ്ത​ത്. റ്റി​ഞ്ചു​വി​ന്‍റെ ന​ഴ്സിം​ഗ് പ​ഠ​നം മു​ട​ങ്ങാ​തി​രി​ക്കാ​ൻ താ​ൻ ഗ​ൾ​ഫി​ലാ​യി​രു​ന്ന​പ്പോ​ൾ മൂ​ന്നു​ല​ക്ഷം രൂ​പ ന​ൽ​കി​യി​രു​ന്നു.

ഇ​തി​നി​ടെ ത​ന്‍റെ വി​വാ​ഹം ന​ട​ന്നു​വെ​ങ്കി​ലും ഭാ​ര്യ​യു​മാ​യി പി​ണ​ങ്ങി​ക്ക​ഴി​യു​ന്ന അ​വ​സ​ര​ത്തി​ലാ​ണ് റ്റി​ഞ്ചു വീ​ട്ടി​ലേ​ക്കെ​ത്തു​ന്ന​തെ​ന്ന് ടി​ജി​ൻ പ​റ​ഞ്ഞു. ആ​റു​മാ​സ​ത്തോ​ളം ത​ങ്ങ​ൾ ഒ​രു​മി​ച്ച് ജീ​വി​ച്ചി​ട്ടു​ണ്ട്. ആ​ത്മ​ഹ​ത്യാ​കു​റി​പ്പി​ലും ത​ന്നെ കു​റ്റ​പ്പെ​ടു​ത്തു​ന്ന​താ​യി ഒ​ന്നു​മി​ല്ല. യാ​ഥാ​ർ​ഥ്യം മ​റ​ച്ചു​വ​ച്ച് ത​ന്നെ വേ​ട്ട​യാ​ടാ​നാ​ണ് ഇ​പ്പോ​ഴും ശ്ര​മി​ക്കു​ന്ന​തെ​ന്ന് ടി​ജി​ൻ ആ​രോ​പി​ച്ചു.