തെന്മല: പ്രവാസിയെ വർക്ക് ഷോപ്പിനുള്ളിൽ തൂങ്ങിമരിച്ചനിലയിൽ കണ്ടെത്തി. വാളക്കോട് ആലഞ്ചേരി വീട്ടിൽ സുഗതനെയാണ് ഇന്ന് രാവിലെ വർക്ക് ഷോപ്പിനുള്ളിൽ മരിച്ചനിലയിൽ കാണപ്പെട്ടത്. വാടകഷെഡിലായിരുന്നു സുഗതൻ വർക്ക് ഷോപ്പ് നടത്തിവന്നത്.
വർഷങ്ങളായി കാടുപിടിച്ചുകിടന്ന ഭൂമി പാട്ടത്തിനടെുത്താണ് വർക്ക് ഷോപ്പ് കെട്ടിയത്. ഷെഡ് നിന്ന ഭൂമി കൃഷിയിടമാണെന്നും പൊളിച്ചുമാറ്റണമെന്നും ആവശ്യപ്പെട്ട് ഇവിടെ സിപിഐയുടെ യുവജന സംഘടന കൊടികുത്തിയിരുന്നു. കുന്നിക്കോട് പോലീസെത്തി മൃതദേഹം പോസ്റ്റുമോർട്ടത്തിനായി തിരുവനന്തപുരം മെഡിക്കൽകോളജ് ആശുപത്രിയിലേക്ക് കൊണ്ടുപോയി. ഭാര്യ സരസമ്മ മക്കൾ സുജിത്ത്, സുനിൽ.
