ആ​ത്മ​ഹ​ത്യ​ക്കു ശ്ര​മി​ച്ച കു​ടും​ബ​ത്തി​ലെ നാ​ലാ​മ​ത്തെ​യാ​ളും മ​രി​ച്ചു; ആ​ത്മ​ഹ​ത്യ​ക്ക് പ്രേ​രി​പ്പി​ച്ച​ത് വ​ട്ടി​പ്പ​ലി​ശ​ക്കാ​ര​ന്‍റെ ഭീ​ഷ​ണി​യെ​ന്ന് മ​രി​ക്കും മു​ന്പ് ഗൃ​ഹ​നാ​ഥ​ന്‍റെ വെ​ളി​പ്പെ​ടു​ത്ത​ൽ

മു​ള​ങ്കു​ന്ന​ത്തു​കാ​വ്: ഗൂ​രു​വാ​യൂ​രി​ൽ ലോ​ഡ്ജി​ൽ വച്ച് വി​ഷം ക​ഴി​ച്ച് ആ​ത്മ​ഹ​ത്യ​ക്കു ശ്ര​മി​ച്ച നാ​ലം​ഗ കു​ടും​ബ​ത്തി​ലെ കു​ടും​ബ​നാ​ഥ​നും മ​ര​ണ​ത്തി​ന് കീ​ഴ​ട​ങ്ങി. മൂ​ന്നു​പേ​ർ നേ​ര​ത്തെ ത​ന്നെ മ​രി​ച്ചി​രു​ന്നു.

മ​ല​പ്പു​റം വ​ണ്ടൂ​ർ കാ​ളി​കാ​വ് ചേ​ര​ൻ​കോ​ട് കോ​ള​നി​യി​ൽ സു​നി​ൽ കു​മാ​റാ​ണ് (38) തൃ​ശൂ​ർ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ഇ​ന്നു രാ​വി​ലെ മ​രി​ച്ച​ത്. ഭാ​ര്യ സു​ജാ​ത(36) ഇ​ന്ന​ലെ​യും ആ​റും മൂ​ന്നും വ​യ​സ്സു​ള്ള മ​ക്ക​ളാ​യ അ​മ​ൽ​കു​മാ​റും ആ​കാ​ശ​കു​മാ​റും നേ​ര​ത്തെ മ​രി​ച്ചി​രു​ന്നു.

സാ​ന്പ​ത്തി​ക പ്ര​തി​സ​ന്ധി​യാ​ണ് കൂ​ട്ട ആ​ത്മ​ഹ​ത്യ​യ​ക്ക് പ്രേ​രി​പ്പി​ച്ച​തെ​ന്ന് സു​നി​ൽ കു​മാ​ർ മ​രി​ക്കു​ന്ന​തി​നു തൊ​ട്ടു മു​ന്പ് സ​ഹോ​ദ​ര​നോ​ട് പ​റ​ഞ്ഞു​വ​ത്രെ. ഇ​ന്നു രാ​വി​ലെ ആ​റു​മ​ണി​യോ​ടെ സു​നി​ൽ കു​മാ​റി​ന്‍റെ വ​സ്ത്ര​ങ്ങ​ൾ മാ​റ്റു​ന്ന​തി​നി​ട​യി​ൽ സ​ഹോ​ദ​ര​ൻ സു​ജോ​ഷ് സു​നി​ൽ കു​മാ​റി​നോ​ട് കാ​ര്യ​ങ്ങ​ൾ ചോ​ദി​ച്ച​പ്പോ​ഴാ​ണ് കു​ടും​ബ​ത്തോ​ടെ ജീ​വ​നൊ​ടു​ക്കാ​ൻ തീ​രു​മാ​നി​ച്ച​തി​ന്‍റെ കാ​ര്യ​ങ്ങ​ൾ സു​നി​ൽ​കു​മാ​ർ വെ​ളി​പ്പെ​ടു​ത്തി​യ​ത്.

നാ​ട്ടു​കാ​ര​നും വ​ട്ടി​പ​ലി​ശ​ക്കാ​ര​നു​മാ​യ ഒരു വ്യ​ക്തി​യി​ൽ നി​ന്നും പ​ണം വാ​യ്പ വാ​ങ്ങി​യി​രു​ന്നു​വെ​ന്നും സ​ർ​ക്കാ​രി​ൽ നി​ന്നും കി​ട്ടി​യ മൂ​ന്ന് സെ​ന്‍റ് സ്ഥ​ല​ത്തി​ന്‍റെ പ​ട്ട​യം ന​ൽ​കി​യാ​ണ് തു​ക വാ​ങ്ങി​യി​രു​ന്ന​തെ​ന്നും സു​നി​ൽ​കു​മാ​ർ പ​റ​ഞ്ഞ​താ​യി സ​ഹോ​ദ​ര​ൻ പ​റ​ഞ്ഞു.

വാ​യ്പ വാ​ങ്ങി​യ​തി​ൽ ന​ല്ലൊ​രു ശ​ത​മാ​നം തു​ക​യും തി​രി​ച്ച് ന​ൽ​കി​യി​രു​ന്നു​വെ​ന്നും, എ​ന്നാ​ൽ ബാ​ക്കി തു​ക​യും പ​ലി​ശ​യും ഉ​ട​ൻ ന​ൽ​ക​ണ​മെ​ന്നും അ​ല്ലെ​ങ്കി​ൽ വി​വ​രം അ​റി​യു​മെ​ന്നും പോ​ലി​സി​നെ കൊ​ണ്ടു​വ​ന്ന് വീ​ട് ജ​പ്തി ചെ​യ്യി​ക്കു​മെ​ന്നും പലിശക്കാരൻ ഭീ​ഷ​ണി​പ്പെ​ടു​ത്തി.

ഇ​തേ​ത്തു​ട​ർ​ന്നാ​ണ് താ​ൻ രാ​ത്രി വീ​ട്ടു​കാ​രെ കൂ​ട്ടി സ്ഥ​ലം വി​ട്ട​തെ​ന്നും ആ​ത്മ​ഹ​ത്യ​ക്ക് ശ്ര​മി​ച്ച​തെ​ന്നും സു​നി​ൽ​കു​മാ​ർ പ​റ​ഞ്ഞ​താ​യി സു​ജോ​ഷ് വെ​ളി​പ്പെ​ടു​ത്തി. ഇ​ക്കാ​ര്യ​ങ്ങ​ൾ പ​റ​ഞ്ഞ ശേ​ഷം ആ​റ​ര​യോ​ടെ സു​നി​ൽ​കു​മാ​ർ മ​രി​ക്കു​ക​യും ചെ​യ്തു.
വ്യാ​ഴാ​ഴ്ച പു​ല​ർ​ച്ചെ ര​ണ്ടി​നാ​ണ് സു​നി​ൽ കുടുംബസമേതം പ​ടി​ഞ്ഞാ​റേ ന​ട​യി​ലെ ലോ​ഡ്ജി​ൽ മു​റി​യെ​ടു​ത്ത​ത്.

ക്ഷേ​ത്ര ദ​ർ​ശ​നം ന​ട​ത്തി​യ ശേ​ഷ​മാ​ണ് ഇവർ ആ​ത്മ​ഹ​ത്യ​യ്ക്ക് ശ്ര​മി​ച്ച​ത്. ഉ​ച്ച​യോ​ടെ ലോ​ഡ്ജി​ൽ മ​ട​ങ്ങി​യെ​ത്തി പാ​ൽ​പാ​യ​സ​ത്തി​ൽ എ​ലി​വി​ഷം ക​ല​ർ​ത്തി ക​ഴി​ക്കു​ക​യാ​യി​രു​ന്നു. റ​ബ്ബ​ർ​ടാ​പ്പിം​ഗ് തൊ​ഴി​ലാ​ളി​യി​രു​ന്നു സു​നി​ൽ​കു​മാ​ർ.