ഫ​യ​ർ​ഫോ​ഴ്സി​ന് ‌ തീ​ അല്ല പേ​ടി, കോ​വി​ഡാ​ണ്; ജീവനക്കാരിൽ പലരും കോവിഡ് പിടിയിൽ; തീ​യ​ണയ്ക്കാൻ ഫ​യ​ർ ഫോ​ഴ്സ് അം​ഗ​ങ്ങ​ൾ ഓ​ടി കി​ത​യ്ക്കു​ന്നു

കോ​ട്ട​യം: വേ​ന​ൽ ക​ടു​ത്ത​തോ​ടെ നാ​ട്ടു​കാ​രു​ടെ​യും ഫ​യ​ർ​ഫോ​ഴ്സി​ന്‍റെ​യും മ​ന​സി​ൽ തീ​യാ​ണ്. വേ​ന​ൽ ചൂ​ടി​ൽ നാ​ട് ചു​ട്ടു​പൊ​ള്ളാ​ൻ തു​ട​ങ്ങി​യ​തോ​ടെ തീ​പി​ടിത്ത​ങ്ങ​ളു​ടെ എ​ണ്ണവും വ​ർ​ധി​ച്ചി​രി​ക്കു​ക​യാ​ണ്.

വ​ല്ല​പ്പോ​ഴും ഫ​യ​ർ​ഫോ​ഴ്സി​ന് എ​ത്തി​യി​രു​ന്ന ഫ​യ​ർ​കോ​ളു​ക​ൾ ഇ​പ്പോ​ൾ ദി​വ​സം നാ​ലും അ​ഞ്ചും ആ​യി വ​ർ​ധി​ച്ചി​രി​ക്കു​ന്നു. ചി​ല ദി​വ​സ​ങ്ങ​ളി​ൽ തീ​യ​ണ​ച്ച് ഫ​യ​ർ ഫോ​ഴ്സ് അം​ഗ​ങ്ങ​ൾ ഓ​ടി കി​ത​യ്ക്കു​ക​യാ​ണ്.​

മു​ന്പ് കോ​വി​ഡ് വ്യാ​പ​ന പ്ര​ദേ​ശ​ങ്ങ​ളി​ൽ ഫ​യ​ർ​ഫോ​ഴ്സി​ന് ഡ്യൂ​ട്ടി​യു​ണ്ടാ​യി​രു​ന്നു. ശു​ചീ​ക​ര​ണ പ്ര​വ​ർ​ത്ത​ന​ങ്ങ​ളാ​യി​രു​ന്നു സേ​ന ന​ട​ത്തി​യി​രു​ന്ന​ത്. ഇ​പ്പോ​ൾ ഇ​തി​ൽ നി​ന്ന് ഒ​ഴി​വാ​ക്കി​യി​ട്ടു​ണ്ട്.

കോ​വി​ഡ് മ​ഹാ​മാ​രി​യു​ടെ മൂ​ന്നാം ഘ​ട്ട​ത്തി​ൽ ജി​ല്ല​യി​ലെ എ​ട്ടു ഫ​യ​ർ​സ്റ്റേ​ഷ​നു​ക​ളി​ലും ജീ​വ​ന​ക്കാ​ർ കോ​വി​ഡ് ഭീ​തി​യി​ലാ​ണ്. നി​ല​വി​ൽ 15 പേ​ർ കോ​വി​ഡ് ബാ​ധി​ത​രാ​ണ്.

അ​ഞ്ചോ​ളം പേ​ർ ക്വാ​റന്‍റൈ​നി​ലു​മാ​ണ്. കോ​വി​ഡ് വ്യാ​പ​നം രൂ​ക്ഷ​മാ​യാ​ൽ ഫ​യ​ർ ഫോ​ഴ്സി​ന്‍റെ പ്ര​വ​ർ​ത്ത​നം അ​വ​താ​ളത്തി​ലാ​കും. നി​ല​വി​ൽ ഒ​രു സ്റ്റേ​ഷ​ന്‍റെ​യും പ്ര​വ​ർ​ത്ത​നം ഇ​തു​വ​രെ​യും ത​ട​സ​പ്പെ​ട്ടി​ട്ടി​ല്ല.

ജി​ല്ല​യി​ൽ ആ​കെ എ​ട്ടു ഫ​യ​ർ സ്റ്റേ​ഷ​നു​ക​ളാ​ണു​ള്ള​ത്. വേ​ന​ൽ​കാ​ല​ത്തി​നു മു​ന്പ് ജി​ല്ല​യി​ൽ എ​ട്ടു സ്റ്റേ​ഷ​നു​ക​ളി​ലാ​യി ശ​രാ​ശ​രി ഒ​ന്നോ ര​ണ്ടോ തീ​പി​ടിത്ത​മേ ഉ​ണ്ടാ​കാ​റു​ണ്ടാ​യി​രു​ന്നെ​ങ്കി​ൽ ഇ​പ്പോ​ൾ ശ​രാ​ര​ശ​രി 16 തീ​പി​ടിത്ത​ങ്ങ​ളാ​ണ് ദി​വ​സ​വും ഉ​ണ്ടാ​കു​ന്ന​ത്.

ചെ​റി​യ മാ​ലി​ന്യ കൂ​ന്പാ​ര​ത്തി​നു തീ​പി​ടി​ക്കു​ന്ന​തു മു​ത​ൽ വ​ലി​യ തീ​പി​ടിത്തം വ​രെ​യു​ണ്ട് എ​ന്നും. ഏ​റ്റ​വും ഒ​ടു​വി​ലാ​യി നാ​ഗ​ന്പ​ട​ത്ത് പു​സ്ത​ക ക​ട​യ്ക്കു സ​മീ​പ​വും മെ​ഡി​ക്ക​ൽ കോ​ള​ജി​ലും പാ​ന്പാ​ടി റ​ബ്കോ ഫാ​ക്്ട​റി​യി​ലു​മു​ണ്ടാ​യ തീ​പി​ടിത്ത​ങ്ങ​ളാ​ണ് വ​ലു​ത്.

വീ​ട്, പ​റ​ന്പ്, വ​യ​ൽ, മാ​ലി​ന്യ കൂ​ന്പാ​രം എ​ന്നി​വി​ട​ങ്ങ​ളി​ലാ​ണ് വേ​ന​ൽ​ക്കാ​ല​ത്ത് തീ​പി​ടിത്തം ഏ​റു​ന്ന​ത്. ഇ​ല​ക​ൾ വീ​ണു ക​രി​ഞ്ഞു​ണ​ങ്ങി​യ പ​റ​ന്പു​ക​ളി​ൽ ചെ​റി​യ ഒ​രു തീ​പ്പൊ​രി വീ​ണാ​ൽ മ​തി പ്ര​ദേ​ശം ആ​ളി​ക്ക​ത്തും.

മ​ല​യേ​ര മേ​ഖ​ല​യി​ൽ കാ​ട്ടു​തീ​യാ​ണ് പേ​ടി. ര​ണ്ടു വ​ർ​ഷം മു​ന്പാ​ണ് മേ​ലു​കാ​വി​ൽ ഏ​ക്ക​റു​ക​ണ​ക്കി​നു ഭൂ​മി കാ​ട്ടു​തീ വി​ഴു​ങ്ങി​യ​ത്.തീ​യ​ണ​യ്ക്കാ​നു​ള്ള വെ​ള​ളം ശേ​ഖ​ര​ണം വേ​ന​ൽ ക​ടു​ത്ത​തോ​ടെ ഫ​യ​ർ​ഫോ​ഴ്സി​നും ദു​രി​ത​മാ​യി.

നി​ല​വി​ൽ പാ​ന്പാ​ടി, കാ​ഞ്ഞി​ര​പ്പ​ള്ളി, പാ​ലാ എ​ന്നി​വി​ട​ങ്ങ​ളി​ൽ വെ​ള്ള​ത്തി​നു ക്ഷാ​മ​മു​ണ്ട്. അ​ടി​യ​ന്ത​ര ഘ​ട്ട​ങ്ങ​ളി​ൽ വെ​ള്ളം ല​ഭ്യ​മാ​ക്കു​ന്ന​തി​നാ​യി വാ​ട്ട​ർ അ​തോ​റി​ട്ടി​യു​മാ​യി ധാ​ര​ണ​യു​ണ്ടാ​ക്കി​യി​രി​ക്കു​കയാ​ണ് ഫ​യ​ർ​ഫോ​ഴ്സ് അ​ധി​കൃ​ത​ർ.

വാ​ഹ​ന​ങ്ങ​ളു​ടെ അ​റ്റ​കു​റ്റപ്പ​ണി​ക​ൾ മു​ട​ങ്ങു​ന്നു

ച​ങ്ങ​നാ​ശേ​രി: ആ​ഭ്യ​ന്ത വ​കു​പ്പി​ന്‍റെ കീ​ഴി​ലു​ള്ള ഫ​യ​ർ ഫോ​ഴ്സി​ന് പ​ണം അ​നു​വ​ദി​ക്കു​ന്ന​തി​ൽ സ​ർ​ക്കാ​ർ പി​ശു​ക്ക് കാ​ട്ടു​ന്നു. വാ​ഹ​ന​ങ്ങ​ളു​ടെ അ​റ്റ​കു​റ്റ പ​ണി​ക​ൾ മു​ട​ങ്ങു​ന്നു.

ഇ​ന്ധ​നം നി​റ​യ്ക്ക​ലും പ്ര​തി​സ​ന്ധി​യി​ൽ. തീ ​ക​ത്ത​ൽ, വെ​ള്ള​പ്പൊ​ക്കം, അ​പ​ക​ടം തു​ട​ങ്ങി​യ അ​ത്യാ​ഹി​ത സം​ഭ​വ​ങ്ങ​ളി​ൽ ര​ക്ഷാ​പ്ര​വ​ർ​ത്ത​നം ന​ട​ത്തേ​ണ്ട ഫ​യ​ർ​ഫോ​ഴ്സി​ന്‍റെ പ്ര​വ​ർ​ത്ത​ന​മാ​ണ് ദു​രി​ത​മാ​യി തു​ട​രു​ന്ന​ത്.

ജി​ല്ല​യി​ലെ എ​ട്ടു ഫ​യ​ർ സ്റ്റേ​ഷ​നു​ക​ളി​ലെ നി​ര​വ​ധി വാ​ഹ​ന​ങ്ങ​ളാ​ണ് അ​റ്റ​കു​റ്റ പ​ണി​ക​ൾ മു​ട​ങ്ങി കി​ട​ക്കു​ന്ന​ത്. വി​വി​ധ സ്റ്റേ​ഷ​നു​ക​ളി​ലെ വാ​ഹ​ന​ങ്ങ​ൾ ഇ​ന്ധ​നം നി​റ​ച്ച ഇ​ന​ത്തി​ൽ പെ​ട്രോ​ൾ പ​ന്പു​ക​ളി​ൽ ല​ക്ഷ​ക്ക​ണ​ക്കി​നു രൂ​പ​യാ​ണ് ന​ൽ​കാ​നു​ള്ളത്.

പെ​ട്രോ​ളി​നും ഡീ​സ​ലി​നും ഉ​ണ്ടാ​യ വി​ല വ​ർ​ധ​ന​വും ഫ​യ​ർ​ഫോ​ഴ്സി​നെ വ​ല​യ്ക്കു​ന്നു​ണ്ട്. കോ​ട്ട​യം, ആ​ല​പ്പു​ഴ, പ​ത്ത​നം​തി​ട്ട ജി​ല്ല​ക​ളി​ലെ ഫ​യ​ർ​സ്റ്റേ​ഷ​നു​ക​ളി​ൽ നി​ന്നു​ള്ള ഫ​യ​ർ എ​ൻ​ജി​ന​ട​ക്ക​മു​ള്ള വാ​ഹ​ന​ങ്ങ​ളു​ടെ അ​റ്റ​കു​റ്റ പ​ണി​ക​ൾ ന​ട​ത്തു​ന്ന​ത് കു​ഴി​മ​റ്റ​ത്തു​ള്ള സ​ർ​ക്കാ​ർ അം​ഗീ​കൃ​ത വ​ർ​ക്ക് ഷോ​പ്പി​ലാ​ണ്. വാ​ഹ​ന​ങ്ങ​ളു​ടെ അ​റ്റ​കു​റ്റ​പ്പ​ണി​ക​ൾ ന​ട​ത്തി​യ ഇ​ന​ത്തി​ൽ ഈ ​വ​ർ​ക്ക്ഷോ​പ്പി​ൽ ല​ക്ഷ​ക്ക​ണ​ക്കി​നു രൂ​പ ന​ൽ​കാ​നു​ള്ള​താ​യും ഫ​യ​ർ സ്റ്റേ​ഷ​ൻ വ​കു​പ്പ് അ​ധി​കൃ​ത​ർ പ​റ​യു​ന്നു.

പ​ല​പ്പോ​ഴും ഫ​യ​ർ സ്റ്റേ​ഷ​ൻ ഓ​ഫീ​സ​ർ​മാ​ർ കൈ​യി​ൽ നി​ന്നും പ​ണം എ​ടു​ത്താ​ണ് വാ​ഹ​ന​ങ്ങ​ളു​ടെ അ​റ്റ​കു​റ്റ പ​ണി​ക​ൾ ന​ട​ത്തു​ന്ന​തും ഇ​ന്ധ​നം നി​റ​ക്കു​ന്ന​തും. ഈ ​തു​ക പോ​ലും മാ​സ​ങ്ങ​ൾ ക​ഴി​ഞ്ഞാ​ണ് കേ​ന്ദ്ര ഓ​ഫീ​സി​ൽ നി​ന്നും ല​ഭ്യ​മാ​കു​ന്ന​ത്.