മ​ത്സ്യം ക​ഴി​ച്ച് യു​വാ​വ് അ​വ​ശ നി​ല​യി​ൽ; കോ​വി​ഡും ന്യൂ​മോ​ണി​യ​യും ഹൃ​ദ​യാ​ഘാ​ത​വും അതീജീവിച്ച് വീട്ടിലെത്തിയ യുവാവിനാണ് ദാരുണ സംഭവം നേരിടേണ്ടി വന്നത്

എ​രു​മേ​ലി: കോ​വി​ഡ് രോ​ഗ​ത്തി​നൊ​പ്പം ന്യൂ​മോ​ണി​യ​യും പി​ന്നെ ഹൃ​ദ​യാ​ഘാ​ത​വും ബാ​ധി​ച്ച് വെ​ന്‍റി​ലേ​റ്റ​റി​ൽ ക​ഴി​ഞ്ഞ യു​വാ​വ് ആ​ശു​പ​ത്രി​യി​ൽ നി​ന്ന് ഡി​സ്ചാ​ർ​ജ് ചെ​യ്ത് വീ​ട്ടി​ലെ​ത്തി​യ​പ്പോ​ൾ ക​ട​യി​ൽ നി​ന്നു വാ​ങ്ങി​യ മ​ത്സ്യം ക​ഴി​ച്ച് അ​വ​ശ നി​ല​യി​ലാ​യി.

പ​രാ​തി ല​ഭി​ച്ച​തോ​ടെ ഭ​ക്ഷ്യ സു​ര​ക്ഷാ വി​ഭാ​ഗം ഉ​ദ്യോ​ഗ​സ്ഥ​ർ മ​ത്സ്യ വി​ൽ​പ്പ​ന ശാ​ല​യി​ൽ പ​രി​ശോ​ധ​ന ന​ട​ത്തി.ഇ​ന്ന​ലെ എ​രു​മേ​ലി​യി​ലാ​ണ് സം​ഭ​വം. ശ്രീ​നി​പു​രം തെ​ങ്ങും​തോ​ട്ടം ഷി​ബു (39) ആ​ണ് എ​രു​മേ​ലി ഹെ​ൽ​ത്ത്‌ ഇ​ൻ​സ്‌​പെ​ക്ട​ർ​ക്ക് പ​രാ​തി ന​ൽ​കി​യ​ത്.

ആ​ശു​പ​ത്രി​യി​ൽ നി​ന്ന് ഡി​സ്ചാ​ർ​ജ് ചെ​യ്ത് വീ​ട്ടി​ലേ​ക്ക് വ​രു​മ്പോ​ഴാ​ണ് ര​ണ്ട് കി​ലോ ന​ത്തോ​ലി മ​ത്സ്യം എ​രു​മേ​ലി​യി​ൽ നി​ന്ന് വാ​ങ്ങി​യ​ത്. വീ​ട്ടി​ൽ എ​ത്തി കു​റ​ച്ച് മ​ത്സ്യം പാ​കം ചെ​യ്ത് ക​ഴി​ച്ച​തോ​ടെ വ​യ​റി​ള​ക്ക​വും ഛർ​ദി​യും അ​നു​ഭ​വ​പ്പെ​ടു​ക​യാ​യി​രു​ന്നു​.

അ​വ​ശേ​ഷി​ച്ച മ​ത്സ്യം കേ​ടാ​യ നി​ല​യി​ലാ​യി​രു​ന്നെ​ന്നും ഇ​ത് കു​ഴി​ച്ചു മൂ​ടി​യെ​ന്നും ഷി​ബു ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​രെ അ​റി​യി​ച്ചു. തു​ട​ർ​ന്നാ​ണ് ആ​രോ​ഗ്യ വ​കു​പ്പി​ൽ നി​ന്നു​ള്ള റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ഇ​ന്ന​ലെ ക​ട​ക​ളി​ൽ പ​രി​ശോ​ധ​ന ന​ട​ന്ന​ത്.

അ​തേ​സ​മ​യം പ​ഴ​കി​യ മ​ത്സ്യം വി​റ്റെ​ന്ന പ​രാ​തി വാ​സ്ത​വ ര​ഹി​ത​മാ​ണെ​ന്ന് ക​ട ഉ​ട​മ ഉ​ദ്യോ​ഗ​സ്ഥ​രെ അ​റി​യി​ച്ചു.