സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ  വ്യാപകമായ ഹ​ർ​ത്താ​ൽ ആഹ്വാനം : ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കുമെന്ന് ഡിജിപി

തി​രു​വ​ന​ന്ത​പു​രം:  സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ ഇ​ന്ന​ലെ  ചി​ല​ർ ന​ട​ത്തി​യ ഹ​ർ​ത്താ​ൽ ആ​ഹ്വാ​ന​ത്തെ തു​ട​ർ​ന്ന് പൊ​തു​മു​ത​ൽ ന​ശീ​ക​ര​ണ​വും അ​തി​ക്ര​മ​വും ന​ട​ത്തി​യ​വ​ർ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി സ്വീ​ക​രി​ക്കു​മെ​ന്ന് സം​സ്ഥാ​ന പോ​ലീ​സ് മേ​ധാ​വി ലോ​ക്നാ​ഥ് ബെ​ഹ്റ അ​റി​യി​ച്ചു.

വ​ട​ക്ക​ൻ​ജി​ല്ല​ക​ളി​ലാ​ണ് ഹ​ർ​ത്താ​ലു​മാ​യി ബ​ന്ധ​പ്പെ​ട്ട് വാ​ഹ​ന ഗ​താ​ഗ​തം ത​ട​സ്സ​പ്പെ​ടു​ത്ത​ലും അ​തി​ക്ര​മ​ങ്ങ​ളും കൂ​ടു​ത​ലാ​യു​ണ്ട ായ​ത്. അ​തി​ക്ര​മ​ങ്ങ​ളി​ൽ മു​പ്പ​തോ​ളം പോ​ലീ​സു​കാ​ർ​ക്കും കെ.​എ​സ്.​ആ​ർ.​ടി.​സി. ജീ​വ​ന​ക്കാ​രും മ​റ്റു​ള്ള​വ​രു​മു​ൾ​പ്പെ​ടെ നി​ര​വ​ധി​പേ​ർ​ക്കും പ​രി​ക്കു പ​റ്റു​ക​യും നി​ര​വ​ധി വാ​ഹ​ന​ങ്ങ​ൾ​ക്കും വ​സ്തു​വ​ക​ക​ൾ​ക്കും നാ​ശ​ന​ഷ്ട​മു​ണ്ടാവു​ക​യും ചെ​യ്തി​ട്ടു​ണ്ട്.

ഇ​തു​മാ​യി ബ​ന്ധ​പ്പെ​ട്ടെ  സം​സ്ഥാ​ന​ത്തെ വി​വി​ധ ജി​ല്ല​ക​ളി​ൽ നി​ന്നാ​യി ഇ​രു​നൂ​റ്റി​യ​ന്പ​തി​ലെ​റെ പേ​രെ ഇ​തി​ന​കം ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. അ​ക്ര​മം ത​ട​യു​ന്ന​തി​നു​ള്ള മ​റ്റു മു​ൻ​ക​രു​ത​ലു​ക​ൾ ന​ട​പ​ടി​ക​ളും പോ​ലീ​സ് സ്വീ​ക​രി​ച്ചി​ട്ടു​ണ്ട ്.

പ്ര​ത്യേ​കി​ച്ച് ആ​രു​ടെ​യും പേ​രി​ല​ല്ലാ​തെ സാ​മൂ​ഹി​ക​മാ​ധ്യ​മ​ങ്ങ​ളെ ഉ​പ​യോ​ഗി​ച്ച് മു​ന്ന​റി​യി​പ്പി​ല്ലാ​തെ ന​ട​ത്തു​ന്ന ഇ​ത്ത​രം ആ​ഹ്വാ​ന​ങ്ങ​ൾ സാ​മൂ​ഹി​ക​വി​രു​ദ്ധ​ശ​ക്തി​ക​ൾ മു​ത​ലെ​ടു​ക്കു​ന്ന സാ​ഹ​ച​ര്യ​മു​ള്ള​തി​നാ​ൽ  അ​തു സം​ബ​ന്ധി​ച്ച് അ​ന്വേ​ഷ​ണം ന​ട​ത്തും.

ഭാ​വി​യി​ൽ മു​ന്ന​റി​യി​പ്പി​ല്ലാ​തെ​യു​ള്ള ഇ​ത്ത​രം ആ​ഹ്വാ​ന​ങ്ങ​ളു​ടെ ഭാ​ഗ​മാ​യു​ള്ള അ​തി​ക്ര​മ​ങ്ങ​ളും നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ളും ത​ട​യു​ന്ന​തി​ന് നി​യ​മ​പ​ര​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്നും സം​സ്ഥാ​ന പോ​ലീ​സ് മേ​ധാ​വി അ​റി​യി​ച്ചു.