ഹെ​ൽ​മ​റ്റ് ഇ​ല്ലാ​തെ ഡ്രൈ​വിം​ഗ്;  പെ​റ്റിയായി കി​ട്ടിയ നോട്ടീസ് വെച്ച്  ട്രോ​ൾ; ഒടുവിൽ   യുവാവിന് മാപ്പ് പറയേണ്ടിവന്ന കഥയിങ്ങനെ…

എ​രു​മേ​ലി: പോ​ലീ​സി​ന്‍റെ കാ​മ​റ ക​ണ്ണു​ക​ളി​ൽ ക​ണ്ട ദൃ​ശ്യം പ്ര​കാ​രം ഹെ​ൽ​മ​റ്റ് ഇ​ല്ലാ​തെ ബൈ​ക്ക് ഡ്രൈ​വിം​ഗ് ന​ട​ത്തി​യ​തി​ന് നി​യ​മ​ലം​ഘ​ന​ത്തി​ന് പി​ഴ ചു​മ​ത്തി കേ​സെ​ടു​ത്ത് നോ​ട്ടീ​സ് അ​യ​ച്ച​പ്പോ​ൾ മാ​സം മാ​റി​പ്പോ​യി. അ​ത് ഫേ​സ്ബു​ക്കി​ൽ ബൈ​ക്ക് യാ​ത്രി​ക​ന്‍റെ സു​ഹൃ​ത്ത് ട്രോ​ൾ ആ​ക്കി. കേ​ര​ള പോ​ലീ​സി​നെ അ​പ​കീ​ർ​ത്തി​പ്പെ​ടു​ത്തു​ന്ന നി​ല​യി​ലാ​യി​രു​ന്നു ആ ​ട്രോ​ൾ. അ​ത് പു​ലി​വാ​ലാ​യി. ഒ​ടു​വി​ൽ പോ​ലീ​സ് വി​ളി​പ്പി​ച്ച് മ​ണി​ക്കൂ​റു​ക​ൾ​ക്കൊ​ടു​വി​ൽ കേ​സെ​ടു​ക്കാ​ൻ ന​ട​പ​ടി​ക​ളാ​യി. കേ​സെ​ടു​ത്താ​ൽ ട്രോ​ൾ ഇ​ട്ട യു​വാ​വി​ന് ജോ​ലി പോ​കും.

നൂ​റ് രൂ​പ പെ​റ്റി അ​ട​ച്ചാ​ൽ കേ​സ് തീ​രു​മെ​ന്നി​രി​ക്കെ സം​സ്ഥാ​ന​ത്തെ പോ​ലീ​സ് വ​കു​പ്പി​നെ മൊ​ത്തം ആ​ക്ഷേ​പി​ച്ച ട്രോ​ൾ വെ​റു​തെ വി​ടാ​ൻ ക​ഴി​യി​ല്ലെ​ന്നാ​യി പോ​ലീ​സ് വ​കു​പ്പ്. ക​ഴി​ഞ്ഞ ദി​വ​സം എ​രു​മേ​ലി പോ​ലീ​സ് സം​സ്ഥാ​ന പോ​ലീ​സ് വ​കു​പ്പി​ന് മു​ന്പി​ൽ വി​ഷ​മി​ച്ച സ​ങ്കീ​ർ​ണ​മാ​യ പ്ര​ശ്ന​മാ​യി​രു​ന്നു ഇ​ത്. യു​വാ​ക്ക​ൾ സം​ഗ​തി​യു​ടെ ഗു​രു​ത​രം അ​റി​യാ​തെ പോ​സ്റ്റി​ട്ട​താ​ണെ​ന്ന​റി​യി​ച്ച് ജാ​മ്യ​മി​ല്ലാ​വ​കു​പ്പ് ചു​മ​ത്തേ​ണ്ടു​ന്ന കേ​സ് ഒ​ഴി​വാ​ക്കി​യെ​ന്ന് പോ​ലീ​സ് പ​റ​യു​ന്നു.

ട്രോ​ൾ ഇ​ട്ട യു​വാ​വ് ക്ഷ​മ ചോ​ദി​ച്ച​ത് വ​കു​പ്പി​നെ അ​റി​യി​ച്ച് മ​ണി​ക്കൂ​റു​ക​ൾ ക​ഴി​ഞ്ഞാ​ണ് നി​രു​പാ​ധി​ക​മാ​യി വി​ട്ട​യ​ക്കാ​ൻ നി​ര്ദേ​ശ​മു​ണ്ടാ​യ​ത്ത്. എ​ന്നാ​ൽ, രാ​വി​ലെ ഏ​ഴി​ന് സ്റ്റേ​ഷ​നി​ൽ വി​ളി​പ്പി​ച്ചി​ട്ട് രാ​ത്രി ഏ​ഴി​ന് വി​ട്ടെ​ന്നും അ​ത് വ​രെ സ്റ്റേ​ഷ​നി​ൽ ത​ട​ങ്ക​ൽ ശി​ക്ഷ ന​ൽ​കി​യെ​ന്നും പ്ര​ചാ​ര​ണ​മു​ണ്ടാ​യി. അ​തേ​സ​മ​യം പോ​ലീ​സ് വ​കു​പ്പി​നെ​യാ​ക​മാ​നം അ​ധി​ക്ഷേ​പി​ച്ച ട്രോ​ൾ ഇ​തി​നോ​ട​കം സ​മൂ​ഹ മാ​ധ്യ​മ​ങ്ങ​ളി​ൽ നൂ​റു​ക​ണ​ക്കി​ന് ആ​ളു​ക​ൾ ഷെ​യ​ർ ചെ​യ്തി​രു​ന്നു. ഇ​തോ​ടെ സാ​ദാ പെ​റ്റി കേ​സി​ൽ തീ​രേ​ണ്ട ഈ ​സം​ഭ​വം പോ​ലീ​സ് മേ​ധാ​വി വ​രെ അ​റി​ഞ്ഞു.

പെ​റ്റി കി​ട്ടി​യ ആ​ളെ​യും ട്രോ​ൾ ഇ​റ​ക്കി​യ ആ​ളെ​യും പെ​ട്ടെ​ന്ന് ത​ന്നെ പോ​ലീ​സു​കാ​ർ തി​ര​ക്കി​പ്പി​ടി​ച്ച് സ്റ്റേ​ഷ​നി​ൽ വി​ളി​പ്പി​ക്കു​ക​യാ​യി​രു​ന്നു. ട്രോ​ളി​ലെ പ​രാ​മ​ർ​ശ​ങ്ങ​ൾ ആ​ക്ഷേ​പ ഹാ​സ്യ​ത്തി​ൽ നി​ൽ​ക്കു​ന്ന​ത​ല്ലെ​ന്നും സ​മൂ​ഹ​ത്തി​ൽ കേ​ര​ളാ പോ​ലീ​സി​ന്‍റെ കൃ​ത്യ നി​ർ​വ​ഹ​ണ​ത്തെ ആ​ക്ഷേ​പി​ക്കു​ന്ന​താ​ണെ​ന്നും പ​രാ​മ​ർ​ശ​ങ്ങ​ളു​ണ്ടാ​യി. മാ​സം മാ​റി​പ്പോ​യ​തി​ന്‍റെ പി​ഴ​വി​നേ​ക്കാ​ൾ ഉ​പ​രി ക്ര​മ​സ​മാ​ധാ​ന പാ​ല​ന​ത്തി​ന് ഡ്യൂ​ട്ടി​യു​ടെ സ​മ​യം നോ​ക്കാ​തെ ജോ​ലി ചെ​യ്യു​ന്ന പൊ​ലീ​സു​കാ​രെ മൊ​ത്ത​ത്തി​ൽ പി​ടി​ച്ചു​പ​റി​ക്കാ​രാ​യി ആ​ക്ഷേ​പി​ക്കു​ന്ന വി​ധ​മാ​യി​രു​ന്നു ട്രോ​ൾ എ​ന്ന് പോ​ലീ​സ് വ​കു​പ്പ് പ​റ​യു​ന്നു.

സി​സി കാ​മ​റ ദൃ​ശ്യ​ങ്ങ​ളി​ൽ ഹെ​ൽ​മ​റ്റ് ഇ​ല്ലാ​തെ ബൈ​ക്കി​ൽ യു​വാ​വ് സ​ഞ്ച​രി​ക്കു​ന്ന​ത് വ്യ​ക്ത​മാ​ണ്. അ​പ​ക​ട​മു​ണ്ടാ​യാ​ൽ തു​ണ​യാ​കു​ന്ന ഹെ​ൽ​മെ​റ്റ് ധ​രി​ക്കേ​ണ്ട​ത് നി​യ​മ​വി​ധേ​യ​വും സ്വ​യം സു​ര​ക്ഷ​യു​മാ​ണ്. എ​ന്നി​രി​ക്കെ തു​ച്ഛ​മാ​യ തു​ക പി​ഴ​യി​ട്ട് ബോ​ധ​വ​ൽ​ക്ക​ര​ണം ന​ൽ​കാ​ൻ ശ്ര​മി​ച്ച പോ​ലീ​സ് നി​സാ​ര​മാ​യ ഒ​രു അ​ക്കം തെ​റ്റി​യ​തി​ന്‍റെ പേ​രി​ൽ ജ​ന​ങ്ങ​ളു​ടെ മു​ന്പി​ൽ കൊ​ടും കു​റ്റ​വാ​ളി​യാ​യി ആ​ണ് ട്രോ​ളി​ൽ ചി​ത്രീ​ക​രി​ക്ക​പ്പെ​ട്ട​തെ​ന്ന് പോ​ലീ​സ് വ​കു​പ്പ് പ​റ​യു​ന്നു.

പോ​ലീ​സ് ചെ​യ്യു​ന്ന വി​ല​പ്പെ​ട്ട സേ​വ​ന​ങ്ങ​ൾ വി​സ്മ​രി​പ്പി​ക്കു​ക​യും സ​മൂ​ഹ​ത്തി​ൽ നി​യ​മ വ്യ​വ​സ്ഥ​യെ ഇ​ക​ഴ്ത്തി​കാ​ട്ടു​ക​യും ചെ​യ്ത ട്രോ​ൾ പോ​ലീ​സ് വ​കു​പ്പി​ന് അ​പ​മാ​നം ആ​യ​തും സ​മൂ​ഹ​ത്തെ തെ​റ്റി​ദ്ധ​രി​പ്പി​ക്കു​ന്ന​തു​മാ​യ​തും മു​ൻ​നി​ർ​ത്തി​യാ​ണ് കേ​സെ​ടു​ക്കാ​ൻ നി​ർ​ദേ​ശം ല​ഭി​ച്ച​ത്. എ​ന്നാ​ൽ, പ​രാ​മ​ർ​ശ​ങ്ങ​ളി​ൽ സം​ഭ​വി​ച്ച വീ​ഴ്ച​ക്കും തെ​റ്റാ​യ ട്രോ​ളി​നും യു​വാ​വും ബ​ന്ധു​ക്ക​ളും പോ​ലീ​സി​നോ​ട് മാ​പ്പ് അ​ഭ്യ​ർ​ഥി​ച്ചെ​ന്ന് സി​ഐ ദി​ലീ​പ് ഖാ​ൻ പ​റ​ഞ്ഞു. ഇ​തോ​ടെ കേ​സി​ല്ലാ​തെ വി​ട്ട​യ​ക്കാ​ൻ നി​ർ​ദേ​ശം ല​ഭി​ക്കു​ക​യും വി​ട്ട​യ​ക്കു​ക​യു​മാ​യി​രു​ന്നെ​ന്ന് പോ​ലീ​സ് പ​റ​യു​ന്നു.

Related posts