മ​ര​ണ​മൊ​ഴി പോലീസ് തി​രു​ത്തി​യെ​ന്ന പ​രാ​തി; മ​നു​ഷ്യാ​വ​കാ​ശ ക​മ്മീ​ഷ​ൻ കേ​സെ​ടു​ത്തു; വ​നി​താ ക​മ്മീ​ഷ​ൻ റി​പ്പോ​ർ​ട്ട് തേ​ടി

തൃ​ശൂ​ർ: പൊ​ള്ള​ലേ​റ്റു മ​രി​ച്ച യു​വ​തി​യു​ടെ മ​ര​ണമൊ​ഴി തി​രു​ത്തി​യെ​ന്ന പ​രാ​തി​യി​ൽ സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​ൻ കേ​സെ​ടു​ത്തു. മ​രി​ച്ച യു​വ​തി​യു​ടെ അ​മ്മ ന​ൽ​കി​യ പ​രാ​തി​യെതു​ട​ർ​ന്നാ​ണ് ക​മ്മീ​ഷ​ൻ കേ​സെ​ടു​ത്ത​ത്.

സം​സ്ഥാ​ന വ​നി​താ ക​മ്മീ​ഷ​ൻ സം​ഭ​വ​ത്തെ​ക്കു​റി​ച്ച് തൃ​ശൂ​ർ റൂ​റ​ൽ എ​സ്പി​യോ​ട് ഒ​രാ​ഴ്ച​യ്ക്ക​കം റി​പ്പോ​ർ​ട്ട് സ​മ​ർ​പ്പിക്കാ​നും നി​ർ​ദ്ദേ​ശം ന​ൽ​കി. ഇ​തോ​ടെ മ​ര​ണ​മൊ​ഴി തി​രു​ത്തി​യെ​ന്ന പ​രാ​തി പോ​ലീ​സി​ന് അ​ഴി​യാ​ക്കു​രു​ക്കാ​യി​.

ദേ​ശ​മം​ഗ​ലം സ്വ​ദേ​ശി സാ​ജു​വി​ന്‍റെ ഭാ​ര്യ റി​നി(24)​യു​ടെ മ​ര​ണ​മൊ​ഴി​യാ​ണ് വി​വാ​ദ​മാ​യി​രി​ക്കു​ന്ന​ത്. ഭ​ർ​തൃ​പീ​ഡ​നം മൂ​ലം ആ​ത്മ​ഹ​ത്യ​യ്ക്കു ശ്ര​മി​ച്ച​താ​ണെ​ന്നാ​ണ്് റി​നി​യു​ടെ മ​ര​ണ​മൊ​ഴി​യാ​യി പോ​ലീ​സ് രേ​ഖ​പ്പെ​ടു​ത്തി​യി​ട്ടു​ള്ള​ത്.

എ​ന്നാ​ൽ ഭ​ർ​തൃ​മാ​താ​​വ് ത​ന്‍റെ ദേ​ഹ​ത്ത് മ​ണ്ണെ​ണ്ണ​യൊ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു​വെ​ന്ന റി​നി​യു​ടെ ദൃ​ശ്യ​ങ്ങ​ൾ സ​ഹി​ത​മു​ള്ള മൊ​ഴി, റി​നി​യു​ടെ വീ​ട്ടു​കാ​ർ ഹാ​ജ​രാ​ക്കി​യ​തോ​ടെ​യാ​ണ് മ​ര​ണ​മൊ​ഴി​യി​ൽ പോ​ലീ​സ് തി​രു​ത്ത​ൽ വ​രു​ത്തി​യെ​ന്ന പ​രാ​തി ഉ​യ​ർ​ന്ന​ത്.

റി​നി​യു​ടെ മ​ര​ണ​മൊ​ഴി പോ​ലീ​സ് എ​ഫ്ഐ​ആ​റി​ൽ തെ​റ്റാ​യി രേ​ഖ​പ്പെ​ടു​ത്തി​യെ​ന്നാ​ണ് ആ​രോ​പ​ണ​ം. ക​ഴി​ഞ്ഞ മാ​ർ​ച്ച് അ​ഞ്ചി​നാ​ണ് ദേ​ശ​മം​ഗ​ലം സ്വ​ദേ​ശി സാ​ജു​വി​ന്‍റെ ഭാ​ര്യ റി​നി(24)​യെ ശ​രീ​ര​മാ​സ​ക​ലം പൊ​ള്ള​ലേ​റ്റ നി​ല​യി​ൽ തൃ​ശൂ​ർ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചത്. ചി​കി​ത്സ​യി​ലി​രി​ക്കെ മാ​ർ​ച്ച് 18നു റി​നി മ​രിച്ചു.

ഭ​ർ​തൃ​പീ​ഡ​ന​ത്തെ​തു​ട​ർ​ന്നു​ള്ള ആ​ത്മ​ഹ​ത്യ എ​ന്ന രീ​തി​യി​ലാ​ണ് പോ​ലീ​സ് എ​ഫ്ഐ​ആ​ർ ത​യാറാ​ക്കി മ​ര​ണ​മൊ​ഴി രേ​ഖ​പ്പെ​ടു​ത്തി​യ​ത്. എ​ന്നാ​ൽ റി​നി​യു​ടെ മാ​താ​പി​താ​ക്ക​ൾ മ​ര​ണമൊ​ഴി​യ​ട​ങ്ങി​യ വീ​ഡി​യോ ദൃ​ശ്യ​ങ്ങ​ളു​മാ​യി തി​രു​വ​ന​ന്ത​പു​ര​ത്തു​നി​ന്നും ചെ​റു​തു​രു​ത്തി​യി​ൽ എ​ത്തി​യ​തോ​ടെ​ ക​ഥ​മാ​റി​.

ആ​ശു​പ​ത്രി​ക്കി​ട​ക്ക​യി​ൽ വ​ച്ച് ബോ​ധം വ​ന്ന റി​നി അ​മ്മ​യോ​ടു പ​റ​ഞ്ഞ​ത് താ​ൻ വീ​ട്ടി​ലെ അ​ടു​ക്ക​ള​യി​ൽ പ്ര​ഭാ​ത​ഭ​ക്ഷ​ണം പാ​കം ചെ​യ്തു​കൊ​ണ്ടി​രി​ക്കെ ഭ​ർ​ത്തൃ​മാ​താ​വ് പിറ​കി​ലൂ​ടെ വ​ന്ന് ദേ​ഹ​ത്തു മ​ണ്ണെ​ണ്ണ ഒ​ഴി​ച്ച് തീ​കൊ​ളു​ത്തു​ക​യാ​യി​രു​ന്നു എ​ന്നാ​ണ്. ഇ​വ​ർ മ​ക​ളു​ടെ മൊ​ഴി മൊ​ബൈ​ലി​ൽ റിക്കാർ​ഡു ചെ​യ്തതുവച്ചി​രു​ന്നു. ഈ ​വീ​ഡി​യോ ദൃ​ശ്യ​ങ്ങ​ൾ പു​റ​ത്തു​വ​ന്ന​തോ​ടെ​യാ​ണ് പോ​ലീ​സ് വെ​ട്ടി​ലാ​യ​ത്.

ത​ന്നെ മ​ണ്ണെ​ണ്ണ​യൊ​ഴി​ച്ച് ക​ത്തി​ക്കു​ക​യാ​യി​രു​ന്നു​വെ​ന്ന് പ​റ​യു​ന്ന റി​നി​യു​ടെ ദൃ​ശ്യ​ങ്ങ​ൾ സ​ഹി​ത​മാ​ണ് അ​മ്മ റൂ​ബി സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​നു പ​രാ​തി ന​ൽ​കി​യ​ത്. മ​ര​ണ​മൊ​ഴി​യു​ടെ അ​ടി​സ്ഥാ​ന​ത്തി​ൽ പോ​ലീ​സ് ഇ​പ്പോ​ൾ ഭ​ർ​ത്താ​വി​നും അ​മ്മ​യ്ക്കും സ​ഹോ​ദ​രി​ക്കും എ​തി​രേ ആ​ത്മ​ഹ​ത്യാ പ്രേ​ര​ണ​യ്ക്കു മാ​ത്ര​മാ​ണ് കേ​സെ​ടു​ത്തി​രി​ക്കു​ന്ന​ത്.

കൊ​ല​പാ​ത​ക​മാ​ണെ​ന്ന മ​ര​ണ​മൊ​ഴി​യു​ടെ അ​ടി​സ്ഥാ​ന​ത്തി​ൽ കൊ​ല​ക്കു​റ്റ​ത്തി​നു കേ​സെ​ടു​ക്ക​ണ​മെ​ന്ന് റി​നി​യു​ടെ കു​ടും​ബം മു​ഖ്യ​മ​ന്ത്രി​ക്കും ഡി​ജി​പി​ക്കും മ​നു​ഷ്യാ​വ​കാ​ശ ക​മ്മീ​ഷ​നും പ​രാ​തി ന​ൽ​കി​യി​ട്ടു​ണ്ട്. പോ​ലീ​സി​നെ​തി​രെ​ അ​ന്വേ​ഷ​ണം വേ​ണ​മെ​ന്നും കു​ടും​ബം ആ​വ​ശ്യ​പ്പെ​ട്ടു.

തി​രു​വ​ന​ന്ത​പു​രം സ്വ​ദേ​ശി​നി​യാ​യ റി​നി ദേ​ശ​മം​ഗ​ലം സ്വ​ദേ​ശി​യാ​യ സാ​ജു​വി​ന്‍റെ കൂ​ടെ വീ​ട്ടി​ൽ​നി​ന്നും ഇ​റ​ങ്ങി​പ്പോ​ന്ന​താ​ണ്. പി​ന്നീ​ട് റി​നി വീ​ട്ടു​കാ​രു​മാ​യി ബ​ന്ധ​പ്പെ​ടാ​ൻ തു​ട​ങ്ങി​യ​തോ​ടെ സാ​ജു സ്ത്രീ​ധ​നം ആ​വ​ശ്യ​പ്പെ​ട്ട് പീ​ഡി​പ്പി​ക്കാ​റു​ണ്ടാ​യി​രു​ന്നു​വെ​ന്നു മാ​താ​പി​താ​ക്ക​ൾ പ​റ​ഞ്ഞു. ജി​ല്ലാ ക്രൈം​ബ്രാ​ഞ്ച് ഡി​വൈ​എ​സ്പി ഫ്രാ​ൻ​സി​സ് ഷെ​ൽ​ബി​ക്കാ​ണ് കേ​സി​ന്‍റെ അ​ന്വേ​ഷ​ണ​ച്ചു​മ​ത​ല.