ഇന്ത്യ അനുകൂല പോസ്റ്ററുകള്‍ ഇസ്ലാമാബാദിന്റെ വിവിധയിടങ്ങളില്‍ പ്രത്യക്ഷപ്പെട്ടതോടെ ആശങ്കയിലായി പാക് സര്‍ക്കാര്‍. ഉന്നത സുരക്ഷാ മേഖലയിലും ‘അഖണ്ഡ ഇന്ത്യ’ എന്നെഴുതിയ പോസ്റ്ററുകള്‍ പതിച്ചതായി റിപ്പോര്‍ട്ട് ചെയ്യപ്പെട്ടിട്ടുണ്ട്. സംഭവവുമായി ബന്ധപ്പെട്ട് ഒരാള്‍ അറസ്റ്റിലായതായി പാകിസ്ഥാന്‍ പൊലീസ് വ്യക്തമാക്കി. അവിഭക്ത ഇന്ത്യയുടെ ഭൂപടവും ബാനറില്‍ ചേര്‍ത്തിരുന്നു.
ശിവ സേന നേതാവ് സഞ്ജയ് റൗട്ടിന്റെ പ്രസ്താവന അറസ്റ്റിലായ ആളില്‍ നിന്ന് കണ്ടെടുത്തു. ‘ഇന്ന് ഞങ്ങള്‍ ജമ്മുവും കശ്മീരും പിടിച്ചെടുത്തു. നാളെ ബലൂചിസ്ഥാനും പാക് അധീന കശ്മീരും പിടിച്ചെടുക്കും. അവിഭക്ത ഇന്ത്യ പ്രധാനമന്ത്രി മോദി യാഥാര്‍ഥ്യമാക്കുമെന്നും’ ശിവസേന നേതാവിന്റെ സന്ദേശത്തില്‍ വ്യക്തമാക്കിയിരുന്നു.പ്രസ്‌ക്ലബ് , സെക്ടര്‍ എഫ്-6, അബ്പര ചൗക്ക് എന്നിവിടങ്ങളിലാണ് ആദ്യം ബാനര്‍ പ്രത്യക്ഷപ്പെട്ടത്. വഴിയാത്രക്കാര്‍ പൊലീസില്‍ അറിയിച്ചപ്പോഴാണ് സംഭവം ശ്രദ്ധയില്‍പ്പെട്ടത്. ഇന്ത്യാ അനുകൂല ബാനറുകള്‍ കണ്ടെത്തിയ വിഷയത്തില്‍ അന്വേഷണം നടത്താന്‍ ഇസ്ലമാബാദ് മജിസ്‌ട്രേറ്റ് ഉത്തരവിട്ടിട്ടുണ്ട്.
Posters in Pakistan 😝😝😝 pic.twitter.com/657RSv75ip
— Tajinder Pal Singh Bagga (@TajinderBagga) August 6, 2019
