മോ​ഷ്ടി​ക്കു​ക​യോ വാ​ട​കയ്ക്കെ​ടു​ക്കു​ക​യോ ചെ​യ്യു​ന്ന വാ​ഹ​ന​ങ്ങ​ളി​ൽ സു​ഹൃ​ത്തു​ക്ക​ൾ​ക്കൊ​പ്പം ക​റ​ങ്ങി ന​ട​ന്ന് മാല പൊട്ടിക്കല്‍! ജി​സ് ബി​ജു ആള് ചില്ലറക്കാരനല്ല

ച​ങ്ങ​നാ​ശേ​രി: മോ​ഷ്ടി​ച്ച​തും വാ​ട​കയ്​ക്കെ​ടു​ത്ത​തു​മാ​യ കാ​റു​ക​ളി​ലും ബൈ​ക്കു​ക​ളി​ലും ക​റ​ങ്ങി ന​ട​ന്ന് സ്ത്രീ​ക​ളു​ടെ മാ​ല പൊ​ട്ടി​ക്കു​ന്ന സം​ഘ​ത്തി​ലെ പ്ര​ധാ​ന പ്ര​തി അ​റ​സ്റ്റി​ലാ​യി.

നാ​ലു​കോ​ടി മ​ന്പ​ള്ളി ജി​സ് ബി​ജു (23) ആ​ണ് അ​റ​സ്റ്റി​ലാ​യ​ത്. നാ​ലു​കോ​ടി​ക്കു സ​മീ​പം റോ​ഡി​ലൂ​ടെ ന​ട​ന്നു​പോ​യ വീ​ട്ട​മ്മ​യു​ടെ മാ​ല​പ​റി​ച്ച കേ​സി​ൽ പോ​ലീ​സ് അ​ന്വേ​ഷി​ച്ച​തി​നെത്തു​ട​ർ​ന്ന് നാ​ടു​വി​ട്ട ജി​സി​നെ പോ​ലീ​സ് സം​ഘം ത​ന്ത്ര​പൂ​ർ​വം കോ​യ​ന്പ​ത്തൂ​രി​ൽനി​ന്നു​മാ​ണ് പിടികൂടിയ​ത്.

തൃ​ക്കൊ​ടി​ത്താ​നം പോ​ലീ​സ് അ​റ​സ്റ്റ് ചെ​യ്ത പ്ര​തി​യെ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ​തു. ജി​ല്ലാ പോ​ലീ​സ് ചീ​ഫ് ഡി. ​ശി​ല്പ, ഡി​വൈ​എ​സ്പി വി.​ജെ. ജോ​ഫി എ​ന്നി​വ​ർ​ക്ക് ല​ഭി​ച്ച ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ തൃ​ക്കൊ​ടി​ത്താ​നം എ​സ്എ​ച്ച്ഒ എ. ​അ​ജീ​ബ് , എ​സ്ഐ​മാ​രാ​യ പ്ര​ദീ​പ്, അ​നി​ൽ​കു​മാ​ർ, എ​എ​സ്ഐ ര​ഞ്ജീ​വ് , സി​പി​ഒ​മാ​രാ​യ സു​രേ​ഷ്, ലാ​ലു, അ​ശോ​ക​ൻ അ​ജി​ത്ത് എ​ന്നി​വ​ർ ചേ​ർ​ന്നാ​ണ് പ്ര​തി​യെ അ​റ​സ്റ്റ് ചെ​യ്ത​ത്.

കേ​സി​നെ​ക്കു​റി​ച്ച് പോ​ലീ​സ് പ​റ​യു​ന്ന​തി​ങ്ങ​നെ: മോ​ഷ്ടി​ക്കു​ക​യോ വാ​ട​കയ്ക്കെ​ടു​ക്കു​ക​യോ ചെ​യ്യു​ന്ന വാ​ഹ​ന​ങ്ങ​ളി​ൽ സു​ഹൃ​ത്തു​ക്ക​ൾ​ക്കൊ​പ്പം ക​റ​ങ്ങി ന​ട​ന്ന് ഒ​റ്റ​യ്ക്കു ന​ട​ന്നുപോ​കു​ന്ന സ്ത്രീ​ക​ളെ അ​ടി​ച്ചു​വീ​ഴ്ത്തി സ്വ​ർ​ണ​മാ​ല മോ​ഷ്ടി​ക്കു​ന്ന രീ​തി​യാ​ണ് ജി​സി​നും സം​ഘ​ത്തി​നു​മു​ള്ള​ത്.

കോ​ട്ട​യം, പ​ത്ത​നം​തി​ട്ട, എ​റ​ണാ​കു​ളം, തൃ​ശൂ​ർ ജി​ല്ല​ക​ളി​ലാ​യി ബൈ​ക്ക് മോ​ഷ​ണം, മാ​ല പി​ടി​ച്ചുപ​റി​ക്ക​ൽ ഉ​ൾ​പ്പെ​ടെ 13 കേ​സു​ക​ളി​ലെ പ്ര​തി​യാ​ണ് ജി​സ്.

മോ​ഷ​ണ​ത്തി​നാ​യി സു​ഹൃ​ത്തു​ക്ക​ളു​ടെ ബൈ​ക്കു​ക​ളും ഉ​പ​യോ​ഗി​ച്ചി​രു​ന്നു. മോ​ഷ​ണ​ത്തി​ലൂ​ടെ കി​ട്ടു​ന്ന സ്വ​ർ​ണാ​ഭ​ര​ണ​ങ്ങ​ൾ വി​റ്റ് അ​ടി​ച്ചു​പൊ​ളി​ച്ച് ആ​ഡം​ബ​ര​മാ​യി ജീ​വി​ച്ചി​രു​ന്ന ജി​സും സം​ഘ​വും മ​ദ്യ​ത്തി​നും ക​ഞ്ചാ​വി​നും അ​ടി​മ​പ്പെ​ട്ടി​രു​ന്നു.

വി​വി​ധ സ്ഥ​ല​ങ്ങ​ളി​ൽനി​ന്നും ക​ഞ്ചാ​വ് വാ​ങ്ങി തൃ​ക്കൊ​ടി​ത്താ​ന​ത്ത് എ​ത്തി​ച്ചു വി​ൽ​പ്പ​ന ന​ട​ത്തി​യി​രു​ന്ന​താ​യും ജി​സിനെ ചോ​ദ്യം ചെ​യ്ത​തി​ൽ നി​ന്നും തെ​ളി​ഞ്ഞി​ട്ടു​ണ്ട്.

തൃ​ശൂ​രി​ൽ നി​ന്നും മോ​ഷ്ടി​ച്ച സ്പ്ലെ​ൻ​ഡ​ർ ബൈ​ക്കി​ൽ ക​റ​ങ്ങി തി​രു​വ​ല്ല വീ​യ​പു​ര​ത്തുനി​ന്നും വീ​ട്ട​മ്മ​യു​ടെ മാ​ല പ​റി​ച്ച കേ​സും പ്ര​തി സ​മ്മ​തി​ച്ച​താ​യി പോ​ലീ​സ് പ​റ​ഞ്ഞു. മോ​ഷ്ടി​ച്ച ര​ണ്ട് സ്വ​ർ​ണ​മാ​ല​ക​ൾ സ്വ​ർ​ണ​ക്ക​ട​യി​ൽനി​ന്നും പോ​ലീ​സ് ക​ണ്ടെ​ടു​ത്തി​ട്ടു​ണ്ട്.

തൃ​ക്കൊ​ടി​ത്താ​നം കൊ​ക്കോ​ട്ടു​ചി​റ​യി​ലു​ള്ള ജോ​സ​ഫ് എ​ന്ന​യാ​ളു​ടെ ബൈ​ക്ക് മോ​ഷ്ടി​ച്ച കേ​സി​ലും ജി​സ് പ്ര​തി​യാ​ണ്.

ജി​സി​ന്‍റെ സ​ഹോ​ദ​ര​ൻ ജ​സ്റ്റി​ൻ ഉ​ൾ​പ്പെ​ടെ വി​വി​ധ കേ​സു​ക​ളി​ലെ കൂ​ട്ടു​പ്ര​തി​ക​ളും നാ​ലു​കോ​ടി, തൃ​ക്കൊ​ടി​ത്താ​നം സ്വ​ദേ​ശി​ക​ളു​മാ​യ പ്ര​ണ​വ്, നോ​ബി​ൻ, അ​നൂ​പ്, സ​ജി​ത്ത്, അ​ല​ൻ റോ​യി എ​ന്നി​വ​രെ ക​ഴി​ഞ്ഞ ദി​വ​സ​ങ്ങ​ളി​ൽ തൃ​ക്കൊ​ടി​ക്കാ​നം പോ​ലീ​സ് അ​റ​സ്റ്റ് ചെ​യ്തി​രു​ന്നു.

ഇ​വ​ർ റി​മാ​ൻ​ഡി​ൽ ക​ഴി​യു​ക​യാ​ണ്. ര​ഹ​സ്യ അ​ന്വേ​ഷ​ണ വി​ഭാ​ഗം സി​പി​ഒ ര​തീ​ഷി​നു ല​ഭി​ച്ച വി​വ​ര​ങ്ങ​ളും പ്ര​തി​യെ പി​ടി​ക്കാ​ൻ സ​ഹാ​യ​ക​മാ​യി.