പ​ള്ളി​പ്പു​റ​ത്തെ വ​യോ​ധി​ക​ന്‍റെ മ​ര​ണം; ഒരു ദേഷ്യത്തിൽ ചെയ്തു പോയതെന്ന് മകൻ; പോലീസിന്‍റെ ചോദ്യം ചെയ്യലിൽ പുറത്തുവരുന്ന വിവരങ്ങൾ ഇങ്ങനെ…

വൈ​പ്പി​ൻ: വ​യോ​ധി​ക​നെ ദൂ​രൂ​ഹ​സാ​ഹ​ച​ര്യ​ത്തി​ൽ ക​ട്ടി​ലി​ൽ മ​രി​ച്ച നി​ല​യി​ൽ കാ​ണ​പ്പെ​ട്ട സം​ഭ​വം കൊ​ല​പാ​ത​ക​മെ​ന്ന് മു​ന​ന്പം പോ​ലീ​സ് അ​റി​യി​ച്ചു. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ വാ​രി​യെ​ല്ലു​ക​ൾ ഒ​ടി​ഞ്ഞ​താ​യി ക​ണ്ടെ​ത്തി​യി​രു​ന്നു. ഈ ​സാ​ഹ​ച​ര്യ​ത്തി​ൽ സം​ഭ​വ​ത്തി​നു​ശേ​ഷം നി​രീ​ക്ഷ​ണ​ത്തി​ലാ​യി​രു​ന്ന മ​ക​ൻ ര​ഞ്ജിത്തിനെ (37) ചോ​ദ്യം ചെ​യ്ത​തി​നെ തു​ട​ർ​ന്നാ​ണ് സ​ത്യം പുറത്തായത്.

ആ​ദ്യം താ​നൊ​ന്നും ചെ​യ്തി​ല്ലെ​ന്ന് പ​റ​ഞ്ഞെ​ങ്കി​ലും പി​ന്നീ​ട് ചോ​ദ്യം ചെ​യ്യ​ൽ തു​ട​ർ​ന്ന​പ്പോ​ൾ സ​ത്യം പ​റ​യു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. പ​ര​സ്പ​രം വ​ഴ​ക്ക​ടി​ച്ച​പ്പോ​ൾ അ​ബ​ദ്ധ​ത്തി​ൽ ച​വി​ട്ടി​യ​താ​ണെ​ന്നാ​ണ് പ്ര​തി​യു​ടെ കു​റ്റ​സ​മ്മ​തം. സ്ഥി​രം മ​ദ്യ​പാ​നി​ക​ളാ​യ ഇ​രു​വ​രും ത​നി​യെ താ​മ​സി​ക്കു​ന്ന​തി​നാ​ലും ബ​ഹ​ളം പ​തി​വാ​യ​തി​നാ​ൽ അ​യ​ൽ​വാ​സി​ക​ൾ ഗൗ​നി​ക്കാ​തെ വ​ന്ന​തി​നാ​ലും സം​ഭ​വ​ത്തി​നു ദൃ​ക്സാ​ക്ഷി​ക​ൾ ഇ​ല്ലാ​തെ പോ​യ​താ​ണ് പോ​ലീ​സി​നു ത​ല​വേ​ദ​ന​യാ​യ​ത്.

അ​റ​സ്റ്റ് രേ​ഖ​പ്പെ​ടു​ത്തി പ്ര​തി​യെ ഇ​ന്ന് കോ​ട​തി​യി​ൽ ഹാ​ജ​രാ​ക്കു​മെ​ന്നാ​ണ് സൂ​ച​ന. പ​ള്ളി​പ്പു​റം ജ​ന​ത​ക്ക് കി​ഴ​ക്ക് ഓ​ട​ത്തി​ങ്ക​ൽ ജോ​ളി (65) ആ​ണ് മ​രി​ച്ച​ത്. ചൊ​വ്വാ​ഴ്ച രാ​ത്രി എ​ട്ടു​മ​ണി​യോ​ടെ​യാ​യി​രു​ന്നു സം​ഭ​വം. ക​ള​മ​ശേ​രി മെ​ഡി​ക്ക​ൽ കോ​ള​ജി​ൽ പോ​ലീ​സ് സ​ർ​ജ​ൻ പോ​സ്റ്റ്മോ​ർ​ട്ടം ന​ട​ത്തി​യ​ശേ​ഷം ബ​ന്ധു​ക്ക​ൾ​ക്ക് വി​ട്ടു കൊ​ടു​ത്ത മൃ​ത​ദേ​ഹം ഇ​ന്ന​ലെ സം​സ്ക​രി​ച്ചു.