ക്രി​മി​ന​ൽ കേ​സി​ലെ പ്ര​തി​യും കൂ​ട്ടാ​ളി​യും കരുനാഗപ്പള്ളിയിൽ ക​ഞ്ചാ​വു​മാ​യി പി​ടി​യി​ൽ

ക​രു​നാ​ഗ​പ​ള്ളി: നി​ര​വ​ധി ക്രി​മി​ന​ൽ കേ​സി​ലെ പ്ര​തി​യേയും കൂ​ട്ടാ​ളി​യേ​യും മൂ​ന്നു കിലോ ക​ഞ്ചാ​വുമായി എക്സൈസ് പിടികൂടി. വ്യാ​ജ ന​മ്പ​ർ പ്ലെ​യ്റ്റ് ഘ​ടി​പ്പി​ച്ച ബൈ​ക്കു​ം ഇവരിൽ നിന്നും പിടിച്ചെടുത്തു. ക​രു​നാ​ഗ​പ്പ​ള്ളി ബി​വ​റേ​ജ​സ് ഔട്ട് ലെറ്റിന് സ​മീ​പ​ത്തു നി​ന്നുമാണ് ഇവരെ പിടികൂടിയത്.

ച​വ​റ സു​നാ​മി ഫ്‌​ളാ​റ്റ്, തേ​വ​ല​ക്ക​ര, കോ​യി​വി​ള, കോ​വി​ൽ​ത്തോ​ട്ടം, അ​രി​ന​ല്ലൂ​ർ ഭാ​ഗ​ങ്ങ​ളി​ൽ ക​ഞ്ചാ​വ് ക​ച്ച​വ​ടം ന​ട​ത്തു​ക​യും പ്ര​ദേ​ശ​വാ​സി​ക​ളെ​യും പെ​ൺ​കു​ട്ടി​ക​ളെ​യും ശ​ല്യം ചെ​യ്യു​ക​യും ഭീ​ഷ​ണി​പെ​ടു​ത്തു​ക​യും ചെ​യ്യു​ന്ന കോ​യി​വി​ള ന​ട​യി​ൽ പ​ടി​ഞ്ഞാ​റ്റ​തി​ൽ ജി​ജോ ജോ​ൺ​സ​ൺ(21), കോ​യി​വി​ള മൊ​ട്ട​യ്ക്കാ​വി​ള വീ​ട്ടി​ൽ സ​ച്ചി​ൻ ജാ​ക്സ​ൺ(21) എ​ന്നി​വ​രെ​യാ​ണ് ക​രു​നാ​ഗ​പ്പ​ള്ളി എ​ക്സൈ​സ് റേഞ്ച് ഇ​ൻ​സ്‌​പെ​ക്ട​ർ എ.​ജോ​സ് പ്ര​താ​പി​ന്‍റെ നേ​തൃ​ത്വ​ത്തി​ലു​ള്ള എ​ക്സൈ​സ് സം​ഘം അ​റ​സ്റ്റ് ചെ​യ്ത​ത്.

ഇ​വ​ർ ഉ​ൾ​പ്പെ​ട്ട മൂ​വ​ർ സം​ഘ​ത്തെ​പ്പ​റ്റി റേഞ്ച് ഇ​ൻ​സ്‌​പെ​ക്ട​ർ എ.​ജോ​സ് പ്ര​താ​പി​ന് ര​ണ്ടാ​ഴ്ച മു​മ്പ് ര​ഹ​സ്യ വി​വ​രം കി​ട്ടി​യ​തി​നെ തു​ട​ർ​ന്ന് ന​ട​ത്തി​യ ര​ഹ​സ്യ ഓ​പ്പ​റേ​ഷ​നി​ലാ​ണ് പ്രാ​യ​പൂ​ർ​ത്തി​യാ​കാ​ത്ത സ്കൂ​ൾ വി​ദ്യാ​ർ​ഥി ഉ​ൾ​പ്പെ​ട്ട മൂ​വ​ർ സം​ഘം പി​ടി​യി​ലാ​യ​ത്. തു​ട​ർ​ന്ന് റെ​യ്ഞ്ച് ഇ​ൻ​സ്‌​പെ​ക്ട​റു​ടെ നേ​തൃ​ത്വ​ത്തി​ലു​ള്ള എ​ക്സൈ​സ് ഷാ​ഡോ സം​ഘം മൂ​വ​രെയും നി​രീ​ക്ഷി​ച്ചു വ​രി​ക​യാ​യി​രു​ന്നു.

പി​ടി​യി​ലാ​യ വി​ദ്യാ​ർ​ഥി​യു​ടെ ബ​ന്ധു​വാ​ണ് സ​ച്ചി​ൻ ജാ​ക്സ​ൺ ഇ​രു​വ​രും ക​ഴി​ഞ്ഞ ആ​ഴ്ച ക​ഞ്ചാ​വ് വി​ൽ​പ്പ​ന ചോ​ദ്യം ചെ​യ്ത അ​ച്ഛ​നെ​യും മു​ത്ത​ച്ഛ​നെ​യും ആ​ക്ര​മി​ക്കു​കെ​യും വീ​ട്ടു​പ​ക​ര​ണ​ങ്ങ​ൾ ന​ശി​പ്പു​ക്കു​ക​യും ചെ​യ്ത​താ​യും ഇ​രു​വ​രും ചോ​ദ്യം ചെയ്യലി​ൽ സ​മ്മ​തി​ച്ചു.

അ​രി​ന​ല്ലൂ​ർ മ​ഞ്ഞി​പ്പു​ഴ​മു​ക്ക്, ബോ​ട്ട്ജെ​ട്ടി, അ​രി​ന​ല്ലൂ​ർ പ​ള്ളി, കോ​യി​വി​ള പ​ള്ളി, ച​വ​റ സു​നാ​മി ഫ്‌​ളാ​റ്റ് എ​ന്നി​വി​ട​ങ്ങ​ളി​ലെ പ്ര​ദേ​ശ​വാ​സി​ക​ൾ​ക്കും പെ​ൺ​കു​ട്ടി​ക​ൾ​ക്കും നി​ര​ന്ത​രം ശ​ല്യ​വും ഭീ​ഷ​ണി​യു​മാ​യി​രു​ന്നു. പി​ടി​യി​ലാ​യ​വ​രു​ടെ മൊ​ബൈ​ലി​ൽ നൂ​റി​ല​ധി​കം കാ​ളു​ക​ൾ ആ​ണ് ഈ ​പ്ര​ദേ​ശ​ങ്ങ​ളി​ൽ നി​ന്നും ക​ഞ്ചാ​വ് ആ​വ​ശ്യ​പ്പെ​ട്ടു​കോ​ണ്ട് വ​ന്ന​ത്. ഇ​വ​രി​ൽ നി​ന്നും ക​ഞ്ചാ​വ് വാ​ങ്ങി സൂ​ക്ഷി​ക്കു​ന്ന​വ​രു​ടെ​യും ഉ​പ​യോ​ഗി​ക്കു​ന്ന​വ​രു​ടെ​യും വി​ശ​ദ​മാ​യ വി​വ​രങ്ങൾ എക്സൈസിന് ലഭിച്ചിട്ടുണ്ട്.

തു​ട​ർ​ന്നു​ള്ള ദി​വ​സ​ങ്ങ​ളി​ൽ കൂ​ടു​ത​ൽ അ​റ​സ്റ്റു​ക​ൾ ഉ​ണ്ടാ​കും. ​തേ​വ​ല​ക്ക​ര പ​ട്ട​ക​ട​വി​ലു​ള്ള ഐടിഐയിലും ക​ഞ്ചാ​വ് ക​ച്ച​വ​ട​ത്തി​നു ഇ​വ​ർ​ക്ക് ഏ​ജ​ന്‍റ് ഉ​ള്ള​താ​യി മൂ​വ​രും വെ​ളി​പ്പെ​ടു​ത്തി.എ​ക്സൈ​സ് സം​ഘ​ത്തി​ൽ റേഞ്ച് ഇ​ൻ​സ്‌​പെ​ക്ട​ർ എ.​ജോ​സ്പ്ര​താ​പി​നൊ​പ്പം പ്രി​വന്‍റീ​വ് ഓ​ഫീ​സ​ർ എം.​സു​രേ​ഷ് കു​മാ​ർ, ഷാ​ഡോ ഉ​ദ്യോ​ഗ​സ്ഥ​രാ​യ വി​ജു,ശ്യാം​കു​മാ​ർ,അ​രു​ൺ ആ​ന്‍റ​ണി,സ​ജീ​വ്കു​മാ​ർ, ജി​നു​ത​ങ്ക​ച്ച​ൻ,ദി​ലീ​പ്കു​മാ​ർ, അ​ഭി​ലാ​ഷ്, ഡ​ബ്ല്യുസി​ഇഒ ​ശ്രീ​മോ​ൾ എ​ന്നി​വ​ർ സം​ഘ​ത്തി​ലു​ണ്ടാ​യി​രു​ന്നു.

ജി​ജോ ജോ​ൺ​സ​ൺ, സ​ച്ചി​ൻ ജാ​ക്സ​ൺ എ​ന്നി​വ​രെ കോ​ട​തി​യി​ൽ ഹാ​ജ​രാ​ക്കി റി​മാ​ന്‍റ് ചെ​യ്തു. വി​ദ്യാ​ർ​ഥി​യെ ചാ​ത്ത​ന്നൂ​രിലു​ള്ള ഡി ​അ​ഡി​ക്ഷ​ൻ സെന്‍റ​റി​ലേ​ക്ക് മാ​റ്റി.