നഷ്ടങ്ങളുടെ വേദനയിൽ കാ​രി​ക്ക​ട​വ് ആ​ദി​വാ​സി കോ​ള​നി​യിലെ കുടുംബങ്ങൾ

കൊ​ട​ക​ര: മ​ല​വെ​ള്ള​പ്പാ​ച്ചി​ലി​ൽ ന​ഷ്ട​ങ്ങ​ളു​ടെ വേ​ദ​ന​യി​ലാ​ണ് കാ​രി​ക്ക​ട​വ് ആ​ദി​വാ​സി കോ​ള​നി​യി​ലെ കു​ടും​ബ​ങ്ങ​ൾ. മ​റ്റ​ത്തൂ​ർ പ​ഞ്ചാ​യ​ത്തി​ലെ കാ​രി​ക്ക​ട​വ് വ​ന​ത്തി​നു​ള്ളി​ൽ മു​പ്ലി പു​ഴ​യോ​ര​ത്തു​ള്ള മ​ല​യ​ൻ കോ​ള​നി​യി​ൽ ചൊ​വ്വാ​ഴ്ച അ​ർ​ധ രാ​ത്രി​യി​ലാ​ണ് മ​ല​വെ​ള്ള​പ്പാ​ച്ചി​ലു​ണ്ടാ​യ​ത്.

വ​ന​ത്തി​നു​ള്ളി​ൽ ഉ​ണ്ടാ​യ ഉ​രു​ൾ​പൊ​ട്ട​ലാ​ണ് പെ​ട്ടെ​ന്നു​ള്ള മ​ല​വെ​ള്ള​പ്പാ​ച്ചി​ലി​നി​ട​യാ​ക്കി​യ​ത്. പു​ഴ​യോ​ര​ത്തു​ള്ള മ​ല​യ​ൻ വീ​ട്ടി​ൽ ര​തീ​ഷി​ന്‍റെ വീ​ട് ഭാ​ഗി​ക​മാ​യി പു​ഴ ക​വ​ർ​ന്നു. സ​മീ​പ​ത്തു​ള്ള വി​നോ​ദി​ന്‍റെ വീ​ടി​നും നാ​ശ​മു​ണ്ടാ​യി. വീ​ടു​ക​ൾ​ക്കു ചു​റ്റും എ​ട്ട​ടി​യോ​ളം ഉ​യ​ര​ത്തി​ലാ​ണു വെ​ള്ളം പൊ​ങ്ങി​യ​ത്.

കോ​ള​നി​യു​ടെ പ്ര​വേ​ശ​ന ക​വാ​ട​ത്തി​ലു​ള്ള ജ​ല​സം​ഭ​ര​ണി​യു​ടെ മു​ക​ളി​ലും കീ​ഴി​ലു​മാ​യി രാ​ത്രി മു​ഴു​വ​ൻ അ​ഭ​യം തേ​ടി​യ ആ​ദി​വാ​സി കു​ടും​ബ​ങ്ങ​ളെ പി​റ്റേ​ന്നു രാ​വി​ലെ പ​ഞ്ചാ​യ​ത്തം​ഗം ജോ​യ് കാ​വു​ങ്ങ​ലും വെ​ള്ളി​ക്കു​ള​ങ്ങ​ര വി​ല്ല​ജ് ഒാ​ഫീ​സ​ർ പി.​ഡി. ഷാ​ജു​വി​ന്‍റെ നേ​തൃ​ത്വ​ത്തി​ലു​ള്ള റ​വ​ന്യു ഉ​ദ്യോ​ഗ​സ്ഥ​രും സു​ര​ക്ഷി​ത സ്ഥാ​ന​ത്തേ​ക്കു മാ​റ്റി. ആ​ന​പ്പാ​ന്തം ആ​ദി​വാ​സി കോ​ള​നി​യി​ലെ ക​മ്മ്യൂ​ണി​റ്റി ഹാ​ളി​ൽ തു​റ​ന്ന ദു​രി​താ​ശ്വാ​സ ക്യാ​ന്പി​ലേ​ക്കാ​ണ് ഇ​വ​രെ മാ​റ്റി പാ​ർ​പ്പി​ച്ചി​രി​ക്കു​ന്ന​ത്.