കൂ​റ്റ​ൻ കാ​ട്ടു​പോ​ത്ത് നാ​ട്ടി​ൽ “അ​ഴി​ഞ്ഞാ​ടു​ന്നു’; യാ​ത്ര​ക്കാര്‍ക്ക്‌ ഭ​യ​വും കൗ​തു​ക​വും

രാ​ജ​കു​മാ​രി: കൊ​ച്ചി – ധ​നു​ഷ്കോ​ടി ദേ​ശീ​യ​പാ​ത​യി​ലെ ബോ​ഡി​മെ​ട്ട് ചു​രം പാ​ത​യി​ൽ പ​ട്ടാ​പ്പ​ക​ൽ​പോ​ലും ക​റ​ങ്ങി​ന​ട​ക്കു​ന്ന കൂ​റ്റ​ൻ കാ​ട്ടു​പോ​ത്ത് യാ​ത്ര​ക്കാ​രി​ൽ ഭ​യ​വും കൗ​തു​ക​വും സൃ​ഷ്ടി​ക്കു​ന്നു. ത​മി​ഴ്നാ​ടി​ന്‍റെ വ​ന​മേ​ഖ​ല​യി​ൽ​പെ​ടു​ന്ന ഈ ​ഭാ​ഗ​ത്ത് മാ​സ​ങ്ങ​ളാ​യി ര​ണ്ടു കാ​ട്ടു​പോ​ത്തു​ക​ൾ റോ​ഡി​ൽ ഇ​റ​ങ്ങാ​റു​ണ്ടെ​ന്ന് ഈ ​റൂ​ട്ടി​ൽ പ​തി​വാ​യി സ​ഞ്ച​രി​ക്കാ​റു​ള്ള​വ​ർ പ​റ​യു​ന്നു. ര​ണ്ടും വാ​ർ​ധ​ക്യ​ത്തി​ന്‍റെ അ​വ​ശ​ത​ക​ൾ പേ​റു​ന്ന​വ​യാ​ണ​ത്രേ. അ​തു​കൊ​ണ്ടു​ത​ന്നെ ആ​രേ​യും ഇ​തു​വ​രെ ഉ​പ​ദ്ര​വി​ച്ചി​ട്ടി​ല്ല.

പു​ലി​ക്കു​ത്തി​നു ര​ണ്ടു​കി​ലോ​മീ​റ്റ​ർ താ​ഴെ​മു​ത​ൽ ഇ​വ​യെ കാ​ണാം. ഹൈ​വേ​യു​ടെ ഓ​രം​ചേ​ർ​ന്ന് അ​ല​സ​ഗ​മ​നം ന​ട​ത്തു​ന്ന ’പാ​വം’ കാ​ട്ടു​പോ​ത്തു​ക​ൾ മു​ൻ​പ​രി​ച​യം ഇ​ല്ലാ​ത്ത​വ​രി​ൽ ഭ​യ​മാ​ണ് ജ​നി​പ്പി​ക്കാ​റു​ള്ള​ത്. അ​റി​യാ​വു​ന്ന​വ​ർ​ക്ക് ഹ​ര​വും.

ഏ​താ​നും​വ​ർ​ഷം മു​ൻ​പു​വ​രെ ഈ ​ഭാ​ഗ​ങ്ങ​ളി​ൽ പു​ലി​യു​ടെ സാ​ന്നി​ധ്യ​വും ഉ​ണ്ടാ​യി​രു​ന്നു. പു​ലി​ക​ൾ വെ​ള്ളം കു​ടി​ക്കാ​ൻ എ​ത്തി​യി​രു​ന്ന വെ​ള്ള​ച്ചാ​ട്ടം ത​മി​ഴി​ൽ “പു​ലി​യൂ​ത്ത്’ എ​ന്ന് അ​റി​യ​പ്പെ​ടാ​ൻ തു​ട​ങ്ങി. മ​ല​യാ​ള​ത്തി​ൽ ഇ​ത് “പു​ലി​ക്കു​ത്ത്’ ആ​യി മാ​റു​ക​യും ചെ​യ്തു. ഗ​താ​ഗ​ത​ത്തി​ര​ക്ക് വ​ർ​ധി​ച്ച​തു​കൊ​ണ്ടാ​യി​രി​ക്കാം സ​മീ​പ​കാ​ല​ത്തൊ​ന്നും ഇ​വി​ട​ങ്ങ​ളി​ൽ പു​ലി​ക​ളെ ക​ണ്ട​വ​രി​ല്ല.