വാ​ഗ്ദാ​ന​ങ്ങ​ളും തു​രു​മ്പെടു​ത്തു..! പ​ഴ​യ കൊ​ച്ചി​പ്പാ​ല​ത്തി​നു നി​യോ​ഗം പു​ഴ​യി​ൽ​ത​ന്നെ സ​മാ​ധി​യാ​കാ​ൻ

ഷൊ​ർ​ണൂ​ർ:​വാ​ഗ്ദാ​ന​ങ്ങ​ളെ​ല്ലാം പാ​ഴ് വാ​ക്കാ​യി. പ​ഴ​യ കൊ​ച്ചി പാ​ല​ത്തി​ന് പു​ഴ​യി​ൽ ത​ന്നെ വീ​ണ​മ​രാ​നാ​വും നി​യോ​ഗം.
ബ​ല​ക്ഷ​യം മൂ​ലം ത​ക​ർ​ന്ന് വീ​ണ പ​ഴ​യ കൊ​ച്ചി പാ​ല​ത്തി​ന് അ​ധി​കൃ​ത​ർ സം​ര​ക്ഷ​ണ​മൊ​രു​ക്കി​ല്ല​ന്ന് ഉ​റ​പ്പാ​യി.

പാ​ല​ത്തി​ന് സം​ര​ക്ഷ​ണ​മൊ​രു​ക്കാ​ൻ അ​ധി​കൃ​ത​ർ പ്ര​വ്യാ​പ​ന​ങ്ങ​ൾ ന​ട​ത്തി​യ​ത​ല്ലാ​തെ ഇ​തു വ​രേ​ക്കും ഒ​രു ന​ട​പ​ടി​ക​ളും അ​നു​വ​ർ​ത്തി​ച്ചി​ട്ടി​ല്ല.ര​ണ്ട് പ്ര​ള​യ​ങ്ങ​ളേ​യും അ​തി​ജീ​വി​ച്ച പാ​ല​ത്തി​ന്‍റെ ന​ടു​ഭാ​ഗം മു​റി​ഞ്ഞ തൊ​ഴി​ച്ചാ​ൽ മ​റ്റി​ട​ങ്ങ​ളി​ലേ​ക്ക് കാ​ര്യ​മാ​യ പ്ര​ശ്ന​ങ്ങ​ളി​ല്ല.

മ​റ്റു ഭാ​ഗ​ങ്ങ​ൾ പു​ഴ​യി​ലേ​ക്ക് മു​റി​ഞ്ഞ് വീ​ണി​ട്ടു​മി​ല്ല.എ​ന്നാ​ൽ പാ​ലം വ​ലി​യ ബ​ല​ക്ഷ​യ​മാ​ണ് നേ​രി​ട്ടു കൊ​ണ്ടി​രി​ക്കു​ന്ന​ത്. ഏ​ത് നി​മി​ഷ​വും മ​റ്റ് ഭാ​ഗ​ങ്ങ​ൾ കൂ​ടി പു​ഴ​യി​ലേ​ക്ക് മു​റി​ഞ്ഞ​മ​രാ​വു​ന്ന സ്ഥി​തി​യാ​ണു​ള്ള​ത്.

ബ്രി​ട്ടീ​ഷു​കാ​ർ നി​ർ​മ്മി​ച്ച ഈ ​പാ​ല​ത്തി​ന് അ​നേ​കം കാ​ല​വ​ർ​ഷ​ങ്ങ​ളെ അ​തി​ജീ​വി​ച്ച​തി​ന്‍റെ പൈ​തൃ​ക​മു​ണ്ട്.ഋ​തു​ഭേ​ദ​ങ്ങ​ളു​ടെ വ​ക​ഭേ​ദ​ങ്ങ​ൾ​ക്കു​മ​പ്പു​റം കാ​ല​തി​വ​ർ​ത്തി​യാ​യി നി​ല​കൊ​ള്ളൂ​ന്ന ഈ ​പാ​ല​ത്തി​ന്‍റെ തൂ​ണു​ക​ളെ ത​ഴു​കി ത​ലോ​ടി നി​ള​യു​ടെ കു​ഞ്ഞോ​ള​ങ്ങ​ളി​ൽ കാ​ല​വ​ർ​ഷ​മ​നേ​കം ഒ​ഴു​കി നീ​ങ്ങി​യി​ട്ടു​ണ്ട്.

പോ​കാ​ൻ മ​ന​സ്‌​സി​ല്ലാ​തെ കാ​ലു​ക​ളി​ൽ കെ​ട്ടി​പ്പി​ടി​ച്ച് ക​ര​ഞ്ഞി​രു​ന്നു പു​ഴ​യെ​ന്ന് ഈ ​പാ​ല​വും ഓ​ർ​ക്കു​ന്നു​ണ്ടാ​വാം. ഭാ​ര​ത​പു​ഴ​ക്കു കു​റു​കെ പു​തി​യ തൂ​ക്ക് പാ​ല​മ​ട​ക്കു​ള്ള കാ​ര്യ​ങ്ങ​ൾ ച​ർ​ച്ച​ക​ളി​ൽ നി​റ​യു​ന്പോ​ൾ ഈ ​പ​ഴ​യ പാ​ലം അ​ധി​കൃ​ത​രു​ടെ​യും, പ്ര​കൃ​തി​യു​ടെ​യും ക​നി​വ് തേ​ടി തൂ​ങ്ങിയാടാ​ൻ തു​ട​ങ്ങി യി​ട്ടു വ​ർ​ഷ​ങ്ങ​ൾ പ​ല​താ​യി.

പാ​ലം പൈ​തൃ​ക​സ്വ​ത്താ ണെ​ന്നും സം​ര​ക്ഷി​ക്കു​മെ​ന്നു​മെ​ല്ലാം പ​റ​ഞ്ഞി​രു​ന്ന​വ​ർ അ​തെ​ല്ലാം വി​സ്മ​രി​ച്ച സ്ഥി​തി​യാ​ണ്.
പാ​ല​ത്തി​ന് മു​ക​ളി​ലൂ​ടെ ന​ട​ക്കാ​ൻ മാ​ത്ര​മാ​ണ് ഇ​പ്പോ​ൾ ആ​ളു​ക​ളെ​ത്തു​ന്ന​ത്. ഗ​ത​കാ​ല ച​രി​ത്ര​ന്‍റെ സ്മൃ​തി​പ​ഥ​ങ്ങ​ളി​ലേ​റി കാ​ല​ത്തി​നു നേ​ർ​ക്ക് തി​രി​ച്ച് വ​ച്ച ച​രി​ത്ര​ത്തി​ന്‍റെ ക​ണ്ണാ​ടി​യാ​ണ് ഈ ​പാ​ലം.