സാ​നി​ട്ടൈ​സ​ർ ദേ​ഹ​ത്ത് ഒ​ഴി​ച്ചു തീ ​കൊ​ളു​ത്തിയതോ? യുവാവിനെ കത്തിക്കരിഞ്ഞ നിലയിൽ കണ്ടെത്തിയ സംഭവം; വിശദമായ അന്വേഷണം തുടങ്ങി; സംഭവത്തെക്കുറിച്ച് പറയുന്നത് ഇങ്ങനെ…

ഗാ​ന്ധി​ന​ഗ​ർ: യു​വാ​വി​നെ ക​ത്തി​ക്ക​രി​ഞ്ഞ നി​ല​യി​ൽ ക​ണ്ടെ​ത്തി​യ സം​ഭ​വ​ത്തി​ൽ ഗാ​ന്ധി​ന​ഗ​ർ പോ​ലീ​സ് വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചു.

ചു​ങ്കം മ​ള്ളൂ​ശേ​രി മ​ര്യാ​ത്തു​രു​ത്ത് സെ​ന്‍റ് തോ​മ​സ് എ​ൽ​പി സ്കൂ​ളി​നു സ​മീ​പം ക​ള​രി​ക്ക​ൽ കാ​ർ​ത്തി​ക​യി​ൽ (പ​ടി​ഞ്ഞാ​റെ മു​റി​യി​ൽ) പ​രേ​ത​നാ​യ രാ​ജ​ശേ​ഖ​ര​ൻ- വി​ജ​യ​മ്മ ദ​ന്പ​തി​ക​ളു​ടെ മ​ക​ൻ പ്ര​ശാ​ന്ത് രാ​ജി​ന്‍റെ (36) മൃ​ത​ദേ​ഹ​മാ​ണ് ക​ത്തി​ക്ക​രി​ഞ്ഞ നി​ല​യി​ൽ ക​ണ്ടെ​ത്തി​യ​ത്. സം​ഭ​വം ആ​ത്മ​ഹ​ത്യ​യാ​ണെ​ന്ന് പ്രാ​ഥ​മി​ക പോ​സ്റ്റ്മോ​ർ​ട്ടം റി​പ്പോ​ർ​ട്ടും പു​റ​ത്തു​വ​ന്നി​രു​ന്നു.

കോ​ട്ട​യം മെ​ഡി​ക്ക​ൽ കോ​ള​ജ് കു​ട്ടി​ക​ളു​ടെ ആ​ശു​പ​ത്രി റോ​ഡി​ൽ​നി​ന്നു ചാ​ത്തു​ണ്ണി​പ്പാ​റ​ക്കു പോ​കു​ന്ന വ​ഴി​യി​ൽ ആ​ളൊ​ഴി​ഞ്ഞ പ്ര​ദേ​ശ​ത്ത് കു​റ്റി​ക്കാ​ട്ടി​ലാ​ണ് പ്ര​ശാ​ന്ത് രാ​ജി​ന്‍റെ മൃ​ത​ദേ​ഹം ശ​നി​യാ​ഴ്ച പോ​ലീ​സ് ക​ണ്ടെ​ത്തി​യ​ത്.

മൃ​ത​ദേ​ഹ​ത്തി​നു സ​മീ​പ​ത്തു​നി​ന്ന് സാ​നി​ട്ടൈ​സ​റി​ന്‍റെ ഒ​ഴി​ഞ്ഞ കു​പ്പി​യും ക​ണ്ടെ​ത്തി​യി​രു​ന്നു. സാ​നി​ട്ടൈ​സ​ർ ദേ​ഹ​ത്ത് ഒ​ഴി​ച്ചു തീ ​കൊ​ളു​ത്തു​ക​യാ​യി​രു​ന്നു എ​ന്നാ​ണ് പ്രാ​ഥ​മി​ക നി​ഗ​മ​നം.

വി​ശ​ദാ​യ പ​രി​ശോ​ധ​ന​യ്ക്കു​ശേ​ഷ​മേ ഇ​ക്കാ​ര്യം ഉ​റ​പ്പി​ക്കാ​നു​വെ​ന്നും പോ​ലീ​സ് പ​റ​ഞ്ഞു.

കാ​റി​ന്‍റെ വാ​ട​ക​യും മ​റ്റൊ​രാ​ൾ​ക്കു ഒ​ന്പ​തു ല​ക്ഷം രൂ​പ​യും ന​ല്കാ​മെ​ന്നു പ​റ​ഞ്ഞി​രു​ന്ന ദി​വ​സ​മാ​ണ് പ്ര​ശാ​ന്തി​നെ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. പ്ര​ശാ​ന്ത് പ​ല​രി​ൽ നി​ന്നാ​യി വ​ൻ തു​ക കൈ​പ്പ​റ്റി​യി​ട്ടു​ണ്ടെ​ന്നു പോ​ലീ​സി​നു വ്യ​ക്ത​മാ​യ വി​വ​രം ല​ഭി​ച്ചി​ട്ടു​ണ്ട്.

80 ല​ക്ഷം രൂ​പ വാ​യ്പ​യാ​യി വാ​ങ്ങി​യി​ട്ടു​ണ്ടെ​ന്ന് ഞീ​ഴൂ​ർ സ്വ​ദേ​ശി ഗാ​ന്ധി​ന​ഗ​ർ പോ​ലീ​സി​ൽ മൊ​ഴി ന​ൽ​കി​യി​രു​ന്നു. ഇ​തു​കൂ​ടാ​തെ വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്തു പ​ല​രി​ൽ​നി​ന്നും ഇ​യാ​ൾ പ​ണം വാ​ങ്ങി​യി​ട്ടു​ള്ള​താ​യും പ​റ​യു​ന്നു. ഇ​ക്കാ​ര്യ​ങ്ങ​ളും പോ​ലീ​സ് അ​ന്വേ​ഷി​ച്ചു വ​രി​ക​യാ​ണ്.

പ​ല​പ്പോ​ഴും ഒ​ന്നി​ല​ധി​കം കാ​റു​ക​ൾ ഇ​യാ​ൾ ഉ​പ​യോ​ഗി​ച്ചി​രു​ന്ന​താ​യും കാ​റു​ക​ൾ സു​ഹൃ​ത്തു​ക്ക​ളു​ടെ​താ​ണെ​ന്നു​മാ​ണ് ഇ​യാ​ൾ പ​റ​ഞ്ഞി​രു​ന്ന​ത്.

അ​വ​സാ​നം ഉ​പ​യോ​ഗി​ച്ച വാ​ട​ക​യ്ക്കെ​ടു​ത്ത ഇ​ന്നോ​വാ കാ​റി​ൽ​നി​ന്ന് ഡോ​ക​ട​ർ​മാ​ർ ഉ​പ​യോ​ഗി​ക്കു​ന്ന സ്റ്റെ​ത​സ്കോ​പ്പും പോ​ലീ​സി​നു ല​ഭി​ച്ചി​രു​ന്നു.

കോ​വി​ഡ് പ്ര​വ​ർ​ത്ത​ന​വു​മാ​യി ബ​ന്ധ​പ്പെ​ട്ട് താ​ല്കാ​ലി​ക അ​ടി​സ്ഥാ​ന​ത്തി​ൽ ആ​രോ​ഗ്യ പ്ര​വ​ർ​ത്ത​ക​നാ​യി ജോ​ലി ചെ​യ്തു വ​രു​ന്ന​തി​നി​ട​യി​ൽ വെ​ള​ളി​യാ​ഴ്ച രാ​വി​ലെ പത്തിനു ​വീ​ട്ടി​ൽ​നി​ന്നു ജോ​ലി​ക്കു പോ​യ ഇ​യാ​ൾ രാ​ത്രി വൈ​കി​യും വീ​ട്ടി​ൽ തി​രി​ച്ചെ​ത്തി​യി​രു​ന്നി​ല്ല.

തി​രു​വ​ല്ല​യി​ലെ സ്വ​കാ​ര്യ സ്ഥാ​പ​ന​ത്തി​ൽ​നി​ന്നും വാ​ട​ക​യ്ക്കെ​ടു​ത്ത ഇ​ന്നോ​വ കാ​ർ സ്വ​യം ഓ​ടി​ച്ചാ​ണ് ജോ​ലി​ക്കു പോ​യി​രു​ന്ന​ത്. വെ​ള്ളി​യാ​ഴ്ച വൈ​കു​ന്നേ​രം 5.30 വ​രെ ബ​ന്ധു​ക്ക​ളു​മാ​യി ഇ​യാ​ൾ ഫോ​ണി​ൽ ബ​ന്ധ​പ്പെ​ട്ടി​രു​ന്നു.

പി​ന്നീ​ട് ഫോ​ണ്‍ സ്വി​ച്ച് ഓ​ഫ് ആ​യി. അ​തേ​സ​മ​യം കാ​റി​ന്‍റെ വാ​ട​ക ല​ഭി​ക്കാ​തെ വ​ന്ന​തോ​ടെ​യും പ്ര​ശാ​ന്തി​നെ ഫോ​ണി​ൽ ല​ഭി​ക്കാ​തെ വ​ന്ന​തോ​ടെ​യും കാ​റി​ന്‍റെ ഉ​ട​മ കാ​ർ ഗൂ​ഗി​ൾ സേ​ർ​ച്ചി​ലൂ​ടെ ക​ണ്ടെ​ത്തി എ​ടു​ത്തു​കൊ​ണ്ടു പോ​കു​ന്ന​തി​നി​ടെ ഗാ​ന്ധി​ന​ഗ​ർ പോ​ലീ​സ് ഗാ​ന്ധി​ന​ഗ​ർ ജം​ഗ്ഷ​നി​ലെ പെ​ട്രോ​ൾ പ​ന്പി​നു സ​മീ​പം ത​ട​ഞ്ഞ് ക​സ്റ്റ​ഡി​യി​ലെ​ടു​ത്തി​രു​ന്നു.

കാ​റുട​മ​സ്ഥ​ന്‍റെ മൊ​ഴി​യു​ടെ അ​ടി​സ്ഥാ​ന​ത്തി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്. പോ​ലീ​സ് ഇ​യാ​ളു​ടെ സു​ഹൃത്തു​ക്ക​ൾ ഉ​ൾ​പ്പെ​ടെ​യു​ള്ള​വ​രി​ൽ നി​ന്നും വി​വ​ര​ങ്ങ​ൾ ശേ​ഖ​രി​ച്ചു വ​രി​ക​യാ​ണ്.