കോട്ടയം മെഡിക്കൽ കോളജിൽ രോഗിയുമായി വന്ന വാഹനം അത്യാഹിത വിഭാഗത്തിലേക്ക് ഓടിച്ചു കയറ്റി;  ഭയന്ന് രോഗികളും ജീവനക്കാരും

ഗാ​ന്ധി​ന​ഗ​ർ: മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടെ അ​ത്യാ​ഹി​ത വി​ഭാ​ഗ​ത്തി​ലേ​ക്കു രോ​ഗി​യു​മാ​യി വ​ന്ന വാ​ഹ​നം പ്ര​വേ​ശി​ച്ച​തു ഭീ​തി പ​ര​ത്തി. ഇ​ന്ന​ലെ രാ​ത്രി പത്തിനാ​യി​രു​ന്നു സം​ഭ​വം. എ​റ​ണാ​കു​ള​ത്തുനി​ന്ന് ഒ​രു രോ​ഗി​യു​മാ​യി വ​ന്ന സ്വ​കാ​ര്യ കാ​റാ​ണ് ആ​ശു​പ​ത്രി​ക്ക് അ​ക​ത്തേ​ക്ക് പ്ര​വേ​ശി​പ്പി​ച്ച​ത്.

കാ​ർ പോ​ർ​ച്ച് ക​ഴി​ഞ്ഞ് അ​ക​ത്തേ​ക്ക് പ്ര​വേ​ശി​ക്കു​ന്ന​തു ക​ണ്ടതോടെ സു​ര​ക്ഷാ ജീ​വ​ന​ക്കാ​ര​ൻ വി​ല​ക്കി​യെ​ങ്കി​ലും ഡ്രൈ​വ​ർ കാ​ര്യ​മാ​ക്കി​യി​ല്ല. തു​ട​ർ​ന്നു കാ​ർ അ​ക​ത്തേ​ക്ക് ക​യ​റി വ​രു​ന്ന​ത് ക​ണ്ട ജീ​വ​ന​ക്കാ​രും മ​റ്റ് രോ​ഗി​ക​ളോ​ടൊ​പ്പം വ​ന്ന​വ​രും ബ​ഹ​ള​മു​ണ്ടാ​ക്കി​യ​തി​നെ തു​ട​ർ​ന്ന് കാ​ർ നി​ർ​ത്തി ഡ്രൈ​വ​ർ പു​റ​ത്തി​റ​ങ്ങു​ക​യാ​യി​രു​ന്നു.

അ​ത്യാ​ഹി​ത വി​ഭാ​ഗ​ത്തി​ന് സ​മീ​പം പു​തി​യ ഒ​പി കൗ​ണ്ട​റിന്‍റെയും കൂ​ട്ടി​രി​പ്പു​കാ​ർ​ക്കു​ള്ള വി​ശ്ര​മ​കേ​ന്ദ്ര​ത്തി​ന്‍റെയും നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​തി​നാ​ൽ ഈ ​ഭാ​ഗ​ത്ത് വ​രു​ത്തി​യ ട്രാ​ഫി​ക് പ​രി​ഷ്കാ​ര​മാ​ണ് ഇ​ത്ത​ര​ത്തി​ൽ രോ​ഗി​യു​മാ​യി വ​രു​ന്ന സ്വ​കാ​ര്യ വാ​ഹ​ന​ങ്ങ​ൾ അ​ത്യാ​ഹി​ത വി​ഭാ​ഗ​ത്തി​ന​ക​ത്തേ​ക്ക് പ്ര​വേ​ശി​ക്കു​ന്ന​തി​നു കാ​ര​ണം.

ഒ​പി​യു​ടെ നി​ർ​മാ​ണം പൂ​ർ​ത്തീക​രി​ക്കു​ന്ന​തു വ​രെ മാ​ത്ര​മാ​ണ് വാ​ഹ​ന പ്ര​വേ​ശ​ന സം​വി​ധാ​ന​മെ​ങ്കി​ലും ചി​ല സ​മ​യ​ങ്ങ​ളി​ൽ ആ​ശ​ങ്ക പ​ര​ത്താ​റു​ണ്ട്. ഡ്യൂ​ട്ടി​യി​ലു​ള്ള സു​ര​ക്ഷ ഉ​ദ്യോ​ഗ​സ്ഥ​രു​ടെ നി​ർ​ദേ​ശ​ങ്ങ​ൾ ചി​ല ഡ്രൈ​വ​ർ​മാ​ർ പാ​ലി​ക്കാ​ത്ത​താ​ണ് ഭീ​തി പ​ട​ർ​ത്തു​ന്ന വി​ധം വാ​ഹ​ന​ങ്ങ​ൾ അ​ക​ത്തേക്ക് പ്ര​വേ​ശി​ക്കു​വാ​ൻ കാ​ര​ണ​മാ​കു​ന്ന​തെ​ന്നും പ​റ​യു​ന്നു.