ജീ​വി​ത നാടകത്തിൽ ദുരന്തനായികയായി കെ.പി.എ.സി ശാന്തി; നട്ടെല്ല് തകർന്ന് അച്ഛൻ കിടപ്പിൽ, മൂന്ന് വർഷം മുമ്പ് അമ്മ മരിച്ചു; ജീവിതം കൂട്ടിമുട്ടിക്കാൻ പാടുപെടുന്നു

 പാ​പ്പ​നം​കോ​ട് രാ​ജ​ൻ

തി​രു​വ​ന​ന്ത​പു​രം :  നൂ​റു​ക​ണ​ക്കി​ന് വേ​ദി​ക​ളി​ൽ ചെ​ങ്കൊ​ടി​പി​ടി​ച്ച് അ​ര​ങ്ങു​ത​ക​ർ​ത്ത കെ.​പി.​എ.​സി. ശാ​ന്തി​യു​ടെ ജീ​വി​തം ദു​ര​ന്ത​നാ​ട​കം പോ​ലെ.  ആ​യി​ര​ത്തി​ല​ധി​കം വേ​ദി​ക​ളി​ൽ നി​ങ്ങ​ളെ​ന്നെ ക​മ്മ്യൂ​ണി​സ്റ്റാ​ക്കി എ​ന്ന നാ​ട​ക​ത്തി​ലെ നാ​യി​ക മാ​ല​യ്ക്ക് വേ​ഷ പ​ക​ർ​ച്ച ന​ൽ​കി​യ ശാ​ന്തി​യാ​ണ് ജീ​വി​തം കൂ​ട്ടി​മു​ട്ടി​ക്കു​വാ​ൻ പെ​ടാ​പാ​ടു​പ്പെ​ടു​ന്ന​ത്.  ക​ഴി​ഞ്ഞ അ​ഞ്ചു​വ​ർ​ഷ​ത്തി​ല​ധി​ക​മാ​യി ശാ​ന്തി​യു​ടെ അ​ച്ഛ​ൻ നാ​രാ​യ​ണ​ൻ നാ​യ​ർ (61) ന​ട്ടെ​ല്ല് ത​ക​ർ​ന്ന് കി​ട​പ്പി​ലാ​ണ്. കെ​ട്ടി​ട നി​ർ​മ്മാ​ണ തൊ​ഴി​ലാ​ളി​യാ​യി​രു​ന്ന നാ​രാ​യ​ണ​ൻ നാ​യ​ർ ജോ​ലി​ക്കി​ടെ ര​ണ്ടാം നി​ല​യി​ൽ നി​ന്നും വീ​ണാ​ണ് കി​ട​പ്പി​ലാ​യ​ത്.

മൂ​ന്നു​വ​ർ​ഷ​ങ്ങ​ൾ​ക്ക് മു​ന്പ് അ​മ്മ മ​രി​ച്ചു. സ്വ​ന്ത​മാ​യി​യു​ണ്ടാ​യി​രു​ന്ന വീ​ട് അ​ച്ഛ​ന്‍റെ ചി​കി​ത്സ​യ്ക്കു​വേ​ണ്ടി വി​റ്റു. പി​ന്നീ​ട് വാ​ട​ക വീ​ട്ടി​ലാ​യി താ​മ​സം. ഇ​തി​ന​കം അ​ച്ഛ​ന്‍റെ ചി​കി​ത്സ​യ്ക്കാ​യി ല​ക്ഷ​ങ്ങ​ളാ​ണ് ചെ​ല​വാ​യ​ത്. വീ​ട്ടി​ൽ ആ​രു​മി​ല്ലാ​ത്ത​തി​നാ​ൽ അ​ച്ഛ​നെ പ​രി​പാ​ല​ക്കാ​ൻ നാ​ട​കം ഉ​പേ​ക്ഷി​ക്കേ​ണ്ടി​വ​ന്നു. അ​തോ​ടെ ആ​കെ​യു​ണ്ടാ​യി​രു​ന്ന വ​രു​മാ​ന​വും നി​ല​ച്ചു. ഇ​പ്പോ​ൾ ക​ര​മ​ന മേ​ലാ​റ​ന്നൂ​ർ ദു​ർ​ഗ്ഗ​ദേ​വി ക്ഷേ​ത്ര​ത്തി​നു​സ​മീ​പ​മാ​ണ് താ​മ​സം. ബ​ന്ധു​ക്ക​ളും നാ​ട്ടു​കാ​രു​മാ​ണ് സ​ഹാ​യി​ക്കു​ന്ന​ത്. വാ​ട​ക മു​ട​ങ്ങി​യി​ട്ട് മാ​സ​ങ്ങ​ളാ​യി.

പ​ര​സ​ഹാ​യ​മി​ല്ലാ​തെ അ​ച്ഛ​ന് പ്രാ​ഥ​മി​കകൃ​ത്യം പോ​ലും നി​ർ​വ​ഹി​ക്കാ​നാ​കി​ല്ല.  ഇ​ട​യ്ക്കി​ടെ ആ​ശു​പ​ത്രി​യി​ൽ ആം​ബു​ല​ൻ​സി​ലാ​ണ് കൊ​ണ്ടു​പോ​കു​ന്ന​ത്. മ​രു​ന്നു​ക​ൾ വാ​ങ്ങാ​നും വീ​ട്ടാ​വ​ശ്യ​ങ്ങ​ൾ​ക്കു​മാ​യി വീ​ട്ടു​പ​ക​ര​ണ​ങ്ങ​ൾ വ​രെ വി​ൽ​ക്കേ​ണ്ടി വ​ന്നു. സ​ഹാ​യം അ​ഭ്യ​ർ​ത്ഥി​ച്ച് പ​ല വാ​തി​ലു​ക​ൾ മു​ട്ടി​യെ​ങ്കി​ലും ഒ​രു പ്ര​യോ​ജ​ന​വു​മു​ണ്ടാ​യി​ല്ലെ​ന്ന് ശാ​ന്തി പ​റ​ഞ്ഞു.

പ​ഴ​യ സി​പി​എം പ്ര​വ​ർ​ത്ത​ക​നാ​യ അ​ച്ഛ​ന്‍റെ ദു​രി​ത​മ​റി​ഞ്ഞ് ചി​ല പാ​ർ​ട്ടി​ക്കാ​ർ കു​റ​ച്ചു പ​ണം സ്വ​രൂ​പി​ച്ച് ന​ൽ​കി. ചി​കി​ത്സ​യെ തു​ട​ർ​ന്ന് അ​ടു​ത്ത​ക്കാ​ല​ത്താ​യി അ​ച്ഛ​ൻ നാ​രാ​യ​ണ​ൻ നാ​യ​ർ എ​ണീ​റ്റ് അ​ൽ​പ്പം ന​ട​ന്നു തു​ട​ങ്ങി​യെ​ങ്കി​ലും പ​ഴ​കി ദ്ര​വി​ച്ച ക​ട്ടി​ലി​ൽ നി​ന്നും വീ​ണ്  വീ​ണ്ടും കി​ട​പ്പി​ലാ​യ​ത് മ​റ്റൊ​രു ദു​ര​ന്ത​മാ​യി. കെ.​പി.​എ.​സി. നാ​ട​ക സം​ഘ​ത്തി​നു പു​റ​മെ വ​യ​ലാ​ർ നാ​ട​വേ​ദി, കൊ​ല്ലം ഗാ​യ​ത്രി, കൊ​ല്ലം ചൈ​ത​ന്യ എ​ന്നീ നാ​ട​ക ഗ്രൂ​പ്പു​ക​ൾ​ക്കു​വേ​ണ്ടി​യും അ​ഭി​ന​യി​ച്ചി​ട്ടു​ണ്ട്.

നി​ങ്ങ​ളെ​ന്നെ ക​മ്മ്യൂ​ണി​സ്റ്റാ​ക്കി എ​ന്ന നാ​ട​ക​ത്തി​നു പു​റ​മെ തു​ലാ​ഭാ​രം, അ​ധി​നി​വേ​ശം എ​ന്നീ നാ​ട​ക​ങ്ങ​ളി​ലും അ​ഭി​ന​യി​ച്ചി​ട്ടു​ണ്ട്. നി​ങ്ങ​ളെ​ന്നെ ക​മ്മ്യൂ​ണി​സ്റ്റാ​ക്കി എ​ന്ന നാ​ട​ക​ത്തി​ലെ അ​ഭി​ന​യം ക​ണ്ട് നാ​ട​കാ​ചാ​ര്യ​ൻ കെ.​ടി. മു​ഹ​മ്മ​ദും കെ.​പി.​എ.​സി. സു​ലോ​ച​ന​യും കെ​ട്ടി​പ്പി​ടി​ച്ച് അ​ഭി​ന​ന്ദി​ച്ച​ത് ജീ​വി​ത​ത്തി​ൽ മ​റ​ക്കാ​നാ​വാ​ത്ത നി​മി​ഷ​മാ​യി ശാ​ന്തി ഓ​ർ​ക്കു​ന്നു.

ദൂ​ര​ദ​ർ​ശ​നി​ൽ സം​പ്ര​ക്ഷ​പ​ണം ചെ​യ്ത ചി​ല സീ​രി​യ​ലു​ക​ളി​ലും അ​ഭി​ന​യി​ച്ചു. ഇ​പ്പോ​ഴും  സീ​രി​യ​ലി​ലും സി​നി​മ​യി​ലും അ​ഭി​ന​യി​ക്കാ​ൻ മോ​ഹ​മു​ണ്ട്. അ​ങ്ങ​നെ അ​വ​സ​ര​ങ്ങ​ൾ ല​ഭി​ച്ചാ​ൽ അ​ച്ഛ​ന്‍റെ ചി​കി​ത്സ​യ്ക്ക് താ​ങ്ങാ​വു​മെ​ന്ന പ്ര​തീ​ക്ഷ​യും ഈ ​ന​ടി​ക്കു​ണ്ട്. സുമനസുകൾ തന്നെ കൈ​വി​ടി​ല്ലെ​ന്ന പ്ര​തീ​ക്ഷ​യി​ൽ ജീ​വി​തം ത​ള്ളി നീ​ക്കു​ക​യാ​ണ് ഈ ​ക​ലാ​കാ​രി.