പ്രഖ്യാപിക്കുന്നതിന് മുടക്കൊന്നും ഇല്ലല്ലോ, വല്ലതുമൊക്കെ നടപ്പിലാക്കണം; കോട്ടയം  ഡിപ്പോയിൽ പ്രതിസന്ധി രൂക്ഷം

കോ​ട്ട​യം: ഇ​ന്നു മു​ത​ൽ കെഎസ്ആ​ർ​ടി​സി​യു​ടെ എ​ല്ലാ ഡി​പ്പോ​ക​ളി​ൽ​നി​ന്നും കൂ​ടു​ത​ൽ സ​ർ​വീ​സു​ക​ൾ ന​ട​ത്തു​മെ​ന്ന പ്ര​ഖ്യാ​പ​നം വ​ന്നെ​ങ്കി​ലും ഡി​പ്പോ​ക​ളി​ൽ പ്ര​തി​സ​ന്ധി രൂ​ക്ഷം. ബ​സു​ക​ൾ പ​ല​തും അ​റ്റ​കു​റ്റ​പ്പ​ണി തീ​ർ​ത്ത് ഇ​റ​ക്കേ​ണ്ട​തു​ണ്ട്.

എം ​പാ​ന​ൽ ജീ​വ​ന​ക്കാ​ർ ഇ​ല്ലാ​ത്ത​തി​നാ​ൽ ക​ണ്ട​ക്ട​ർ​മാ​രു​ടെ​യും ഡ്രൈ​വ​ർ​മാ​രു​ടെ​യും കു​റ​വ് വ​ലി​യ തോ​തി​ലു​ണ്ട്. ഈ ​സാ​ഹ​ച​ര്യ​ത്തി​ൽ പ്ര​ഖ്യാ​പ​നം സാ​ധ്യ​മാ​യി മു​ന്പു​ള്ള​തു​പോ​ലെ എ​ല്ലാ സ​ർ​വീ​സു​ക​ളും ആ​രം​ഭി​ക്കാ​ൻ ഇ​നി​യും സ​മ​യ​മെ​ടു​ക്കും.

ഇ​പ്പോ​ൾ ത​ന്നെ ബ​സു​ക​ളു​ടെ കു​റ​വ് യാ​ത്ര​ക്കാ​രെ വ​ല​യ്ക്കു​ക​യാ​ണ്. വൈ​കു​ന്നേ​ര​ങ്ങ​ളി​ൽ വ​ലി​യ തി​ര​ക്കാ​ണ് അ​നു​ഭ​വ​പ്പെ​ടു​ന്ന​ത്. ന​വം​ബ​ർ 12ന് ​പു​റ​ത്തി​റ​ക്കി​യ ഉ​ത്ത​ര​വ് പ്ര​കാ​രം ഒ​ന്പ​തു യാ​ത്ര​ക്കാ​രെ വ​രെ​യാ​ണ് ഇ​ന്ന​ലെ​വ​രെ ബ​സി​ൽ നി​ർ​ത്തി​ യാ​ത്ര ചെ​യ്തു​കൊ​ണ്ടി​രു​ന്ന​ത്.

ഇ​ന്നു മു​ത​ൽ 15 പേ​രെ വ​രെ നി​ർ​ത്തി​ യാ​ത്ര ചെ​യ്യി​ക്കാ​മെ​ന്ന​ത് യാ​ത്ര​ക്കാ​രു​ടെ കാ​ത്തി​രി​പ്പ് കു​റ​യ​ക്കും. നി​ല​വി​ൽ മ​ണി​ക്കൂ​റു​ക​ൾ ഇ​ട​വി​ട്ടാ​ണ് പ​ല റൂ​ട്ടു​ക​ളി​ലും ഇ​പ്പോ​ൾ ബ​സു​ക​ളു​ള്ള​ത്.

സീ​റ്റ് ഒ​ഴി​വി​ല്ലാ​ത്ത​തി​നാ​ൽ ഇ​ട​യ്ക്കു​ള്ള സ്റ്റോ​പ്പു​ക​ളി​ൽ കാ​ത്തു നി​ൽ​ക്കു​ന്ന​വ​ർ​ക്ക് ബ​സി​ൽ ക​യ​റാ​ൻ ക​ഴി​യാ​ത്ത സാ​ഹ​ച​ര്യ​മാ​ണു​ണ്ടാ​യി​രു​ന്ന​ത്. എ​ല്ലാ സ​ർ​വീ​സു​ക​ളും പു​ന​രാ​രം​ഭി​ച്ചാ​ൽ മാ​ത്ര​മാ​ണ് യാ​ത്ര​ക്കാ​രു​ടെ ബു​ദ്ധി​മു​ട്ട് പ​രി​ഹ​രി​ക്കാ​നാ​കു​ന്ന​ത്.

കോ​ട്ട​യം ഡി​പ്പോ​യി​ൽ ലോ​ക്ഡൗ​ണി​നു മു​ൻ​പ് ദി​വ​സ​വും 75 ഷെ​ഡ്യൂ​ളു​ക​ളാ​ണ് ഉ​ണ്ടാ​യി​രു​ന്ന​ത്. ഇ​ന്നു മു​ത​ൽ അ​തി​ൽ കൂ​ടു​ത​ൽ സ​ർ​വീ​സു​ക​ളും നി​ര​ത്തി​ലി​റ​ങ്ങു​മെ​ന്ന പ്ര​തീ​ക്ഷ​യി​ലാ​ണ് യാ​ത്ര​ക്കാ​രും.

ബ​സു​ക​ൾ കൂ​ടു​ത​ലെ​ത്തു​ന്ന​ത് ഇ​പ്പോ​ൾ സൃ​ഷ്ടി​ക്കു​ന്ന തി​ര​ക്ക് വ​ലി​യ രീ​തി​യി​ൽ കു​റ​യ്ക്കാ​ൻ കാ​ര​ണ​മാ​ക്കു​മെ​ന്നും ക​രു​തു​ന്നു.

ബെല്ലടിക്കുന്നുണ്ട്, ആരും ഫോൺ എടുക്കുന്നില്ല
കോ​ട്ട​യം: കെഎസ്ആ​ർ​ടി​സി കോ​ട്ട​യം ഡി​പ്പോ​യി​ലേ​ക്ക് ബ​ന്ധ​പ്പെ​ടാ​ൻ നി​ർ​വാ​ഹ​മി​ല്ലാ​തെ വ​ല​ഞ്ഞ് യാ​ത്ര​ക്കാ​ർ. ദി​വ​സ​ങ്ങ​ളാ​യി ഡി​പ്പോ​യി​ലെ ഫോ​ണ്‍ നി​ശ്ച​ല​മാ​ണെ​ന്നും ബെ​ല്ല​ടി​ച്ചി​ട്ടും ആ​രും പ്ര​തി​ക​രി​ക്കു​ന്നി​ല്ലെ​ന്നു​മാ​ണ് പ​രാ​തി.

ബ​സു​ക​ൾ കു​റ​വു​ള്ള സാ​ഹ​ച​ര്യ​ത്തി​ൽ സു​ര​ക്ഷി​ത​മാ​യി യാ​ത്ര ചെ​യ്യു​ന്ന​തി​നാ​യി പു​ന​രാ​രം​ഭി​ച്ച ബ​സ് സ​ർ​വീ​സു​ക​ളു​ടെ സ​മ​യം തി​ര​ക്കി നി​ര​വ​ധി​യാ​ളു​ക​ളാ​ണ് ഡി​പ്പോ​യി​ലെ ഫോ​ണി​ലേ​ക്ക് വി​ളി​ക്കു​ന്ന​ത്.

എ​ന്നാ​ൽ ബെ​ല്ല​ടി​ക്കു​ക മാ​ത്ര​മാ​ണു​ള്ള​ത്. നി​ര​വ​ധി ത​വ​ണ വി​ളി​ച്ചാ​ലും ആ​രും പ്ര​തി​ക​രി​ക്കു​ന്നില്ലെ ന്നാ​ണ് യാ​ത്ര​ക്കാ​ർ പ​റ​യു​ന്ന​ത്. ജി​ല്ല​യു​ടെ വി​വി​ധ പ്ര​ദേ​ശ​ങ്ങ​ളി​ൽ നി​ന്നു​മാ​ണ് കെഎ​സ്ആ​ർ​ടി​സി കോ​ട്ട​യം ഡി​പ്പോ​യി​ലേ​ക്ക് വി​വ​ര​ങ്ങ​ൾ അ​ന്വേ​ഷി​ച്ച് ഫോ​ണ്‍ വി​ളി​ക്കു​ന്ന​ത്.

വി​ദൂ​ര സ​ർ​വീ​സു​ക​ളി​ൽ യാ​ത്ര ചെ​യ്യു​ന്ന​വ​രാ​ണ് കൂ​ടു​ത​ലാ​യും യാ​ത്ര​യ്ക്കു മു​ന്പ് ഡി​പ്പോ​യി​ൽ വി​ളി​ച്ച് ബ​സി​ന്‍റെ സ​മ​യ​വും ദൂ​ര​പ​രി​ധി​യെ​ക്കു​റി​ച്ചും തി​ര​ക്കു​ന്ന​ത്.

എ​ന്നാ​ൽ ഫോ​ണി​ൽ ഉ​ദ്യോ​ഗ​സ്ഥ​ർ പ്ര​തി​ക​രി​ക്കാ​നി​ല്ലാ​ത്ത​ത് യാ​ത്ര​ക്കാ​ർ​ക്ക് വ​ലി​യ ബു​ദ്ധി​മു​ട്ടാ​ണ് സൃ​ഷ്ടി​ക്കു​ന്ന​ത്. ബ​സു​ക​ളു​ടെ സ​മ​യ വി​വ​ര​മ​റി​യാ​തെ എ​ത്തു​ന്ന​വ​ർ മ​ണി​ക്കൂ​റു​ക​ളാ​ണ് ഇ​പ്പോ​ൾ ഇ​വി​ടെ കാ​ത്തി​രി​ക്കേ​ണ്ടി​വ​രു​ന്ന​ത്.