കു​ഴ​ൽ​പ്പ​ണ​ക്കേ​സി​ൽ അ​ന്ത​ർസം​സ്ഥാ​ന ബ​ന്ധം; പോ​ലീ​സ്  റിപ്പോർട്ടിൽ പറ‍യുന്ന മറ്റ് കാര്യങ്ങൾ ഇങ്ങനെയൊക്കെ

സ്വ​ന്തം ലേ​ഖ​ക​ൻ
തൃ​ശൂ​ർ: കു​ഴ​ൽ​പ്പ​ണ​ക്ക​വ​ർ​ച്ച​ക്കേ​സി​ൽ അ​ന്ത​ർ സം​സ്ഥാ​ന ബ​ന്ധ​ങ്ങ​ൾ ഉ​ണ്ടെ​ന്ന് പോ​ലീ​സ് എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​നു ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു. പ്ര​തി​ക​ൾ​ക്കു ബി​ജെ​പി ബ​ന്ധ​മു​ണ്ടെ​ന്ന പ​രാ​മ​ർ​ശം​പോ​ലും പോ​ലീ​സി​ന്‍റെ റി​പ്പോ​ർ​ട്ടി​ൽ ഇ​ല്ല.

പ​രാ​തി​ക്കാ​ര​നാ​യ ധ​ർ​മ​രാ​ജ​ൻ ക​ട​ത്തി​ക്കൊ​ണ്ടു​വ​ന്ന പ​ണം കൈ​പ്പ​റ്റി​യി​ട്ടു​ണ്ടെ​ന്ന് ബി​ജെ​പി നേ​താ​വ് കു​റ്റ​സ​മ്മ​തം ന​ട​ത്തി​യി​ട്ടു​ണ്ടെ​ന്ന് പോ​ലീ​സ് പ​റ​യു​ന്നു​ണ്ടെ​ങ്കി​ലും ഇ​ക്കാ​ര്യം റി​പ്പോ​ർ​ട്ടി​ൽ ഇ​ല്ല.

അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി ന​ട​ന്ന വി​വ​ര ശേ​ഖ​ര​ണ​ത്തി​ന്‍റെ ഭാ​ഗ​മാ​യി പോ​ലീ​സ് ബി​ജെ​പി നേ​താ​വി​നെ​യും വി​ളി​പ്പി​ച്ചി​രു​ന്നു. ബി​സി​ന​സ് ആ​വ​ശ്യ​ങ്ങ​ൾ​ക്കും മ​റ്റു​മാ​യി പ​ണം വാ​യ്പ​യാ​യി വാ​ങ്ങി​യ​താ​ണെ​ന്നാ​ണ് ഇ​ദ്ദേ​ഹം അ​റി​യി​ച്ച​ത്.

എ​ന്നാ​ൽ ഇ​ക്കാ​ര്യ​ത്തി​ൽ കൂ​ടു​ത​ൽ അ​ന്വേ​ഷ​ണം ന​ട​ത്താ​നാ​ണ് തീ​രു​മാ​നം. പ​രാ​തി​യി​ലും എ​ഫ്ഐ​ആ​റി​ലും രേ​ഖ​പ്പെ​ടു​ത്തി​യ​തി​നേ​ക്കാ​ൾ തു​ക ക​ണ്ടെ​ടു​ത്തി​ട്ടു​ണ്ടെ​ന്നും പൊ​ലീ​സ് വ്യ​ക്ത​മാ​ക്കു​ന്നു.

25 ല​ക്ഷം രൂ​പ ക​വ​ർ​ച്ച ചെ​യ്യ​പ്പെ​ട്ടെ​ന്നാ​യി​രു​ന്നു ധ​ർ​മ്മ​രാ​ജ​ന്‍റെ പ​രാ​തി. എ​ഫ്ഐ​ആ​റി​ൽ രേ​ഖ​പ്പെ​ടു​ത്തി​യി​രി​ക്കു​ന്ന​ത് ഈ ​തു​ക​യാ​ണ്. എ​ന്നാ​ൽ മൂ​ന്ന​ര​ക്കോ​ടി രൂ​പ കാ​റി​ൽ ഉ​ണ്ടാ​യി​രു​ന്ന​താ​യി ക​ണ്ടെ​ത്തി​യി​ട്ടു​ണ്ട്.

കേ​സ​ന്വേ​ഷ​ണ​ത്തി​ൽ എ​ൻ​ഫോ​ഴ്സ്മെ​ന്‍റ് ഇ​ട​പെ​ട​ലു​ക​ൾ ഉ​ണ്ടാ​കു​മെ​ന്ന് ആ​ശ​ങ്ക​യു​ള്ള പോ​ലീ​സ് അ​ന്വേ​ഷ​ണ​വും ന​ട​പ​ടി​ക​ളും അ​തി​വേ​ഗം പൂ​ർ​ത്തി​യാ​ക്കാ​നു​ള്ള നീ​ക്ക​ത്തി​ലാ​ണ്.

ക​വ​ർ​ച്ച സം​ഘ​ത്തി​ന് വി​വ​രം ചോ​ർ​ത്തി ന​ൽ​കി​യ റ​ഷീ​ദി​നെ പൊ​ലീ​സ് ചോ​ദ്യം ചെ​യ്തി​രു​ന്നു. വി​വി​ധ​യാ​ളു​ക​ളെ പ​ണം ഏ​ൽ​പി​ച്ച​താ​യാ​ണ് റ​ഷീ​ദ് മൊ​ഴി ന​ൽ​കി​യ​ത്.

ക​വ​ർ​ച്ച ചെ​യ്ത പ​ണം പ​ല​ർ​ക്കാ​യി വീ​തി​ച്ചെ​ന്നു മൊ​ഴി
തൃ​ശൂ​ർ: കൊ​ട​ക​ര കു​ഴ​ൽപ്പ​ണ കേ​സി​ൽ ക​വ​ർ​ച്ച ചെ​യ്ത പ​ണം പ​ല​ർ​ക്കാ​യി വീ​തി​ച്ചെ​ന്നു പ്ര​തി​ക​ളി​ൽ ഒ​രാ​ളായ റഷീദിന്‍റെ മൊ​ഴി.

ക​വ​ര്‍​ച്ച കേ​സി​ന്‍റെ അ​ന്വേ​ഷ​ണം അ​വ​സാ​ന ഘ​ട്ട​ത്തി​ലേ​ക്ക് ക​ട​ക്കു​ന്ന സ​മ​യ​ത്താ​ണ് കൂ​ടു​ത​ൽ പേ​ർ സം​ഭ​വ​ത്തി​ൽ ഉ​ൾ​പ്പെ​ട്ടി​ട്ടു​ണ്ടോ എ​ന്ന് സം​ശ​യം ഉ​ണ​ർ​ത്തു​ന്ന ഈ ​മൊ​ഴി പു​റ​ത്തു​വ​രു​ന്ന​ത്. ഇ​തി​നി​ടെ ക​വ​ര്‍​ച്ച തു​ക​യി​ലെ നാ​ല് ല​ക്ഷം രൂ​പ കൂ​ടി പ്ര​തി​ക​ള്‍ ഹാ​ജ​രാ​ക്കി. ബ​ഷീ​റും ര​ഞ്ജി​ത്തു​മാ​ണ് പ​ണം ഹാ​ജ​രാ​ക്കി​യ​ത്.