മട്ടന്നൂർ: ശിവപുരത്ത് മുസ്‌ലിം ലീഗ് ഓഫീസിനുനേരെ അക്രമം. മുസ്‌ലിം ലീഗ് മാലൂർ പഞ്ചായത്ത് കമ്മിറ്റി ഓഫീസ് പ്രവർത്തിക്കുന്ന സി.എച്ച്. സ്മാരക സൗധത്തിനു നേരെയായിരുന്നു അക്രമം. കെട്ടിടത്തിന്‍റെ രണ്ടാം നിലയിൽ പ്രവർത്തിക്കുന്ന ഓഫീസിന്‍റെ ചുമരിലാണ് വെള്ള പെയിന്‍റ് പോലെയുള്ള സാധനങ്ങൾ ഒഴിച്ചു വികൃതമാക്കിയത്. .
ലീഗ് നേതാക്കളുടെ പരാതിയെ തുടർന്നു മാലൂർ പോലീസ് സ്ഥലത്തെത്തി അന്വേഷണം നടത്തി. സംഭവത്തിൽ മുസ്‌ലിംലീഗ് മാലൂർ പഞ്ചായത്ത് പ്രസിഡന്‍റ് പി.എം. ആബൂട്ടിയും സെക്രട്ടറി വി.പി. ഉമ്മറും പ്രതിഷേധിച്ചു.
