മാ​ള​യെ അ​ട​യാ​ള​പ്പെ​ടു​ത്തി​യ നൂറുവർഷം പഴക്കമുള്ള പൈ​തൃ​ക ശി​ല സം​ര​ക്ഷി​ക്ക​ണമെന്ന് പൈ​തൃ​ക സ്നേ​ഹി​ക​ളും നാ​ട്ടു​കാ​രും

മാ​ള: റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി പൊ​തു​മ​രാ​മ​ത്ത് വ​കു​പ്പ് എ​ടു​ത്തു മാ​റ്റി​യ മാ​ള​യെ അ​ട​യാ​ള​പ്പെ​ടു​ത്തി​യ നൂ​റു വ​ർ​ഷ​ത്തി​ല​ധി​കം പ​ഴ​ക്ക​മു​ള്ള ശി​ല സം​ര​ക്ഷി​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. മാ​ള ജം​ഗ്ഷ​നി​ൽ സ്ഥാ​പി​ച്ചി​രു​ന്ന മാ​ള – പൂ​ജ്യം എ​ന്ന് രേ​ഖ​പ്പെ​ടു​ത്തി​യ അ​ഞ്ച​ടി ഉ​യ​ര​വും ഒ​ന്ന​ര അ​ടി വീ​തി​യും ഒ​ര​ടി ക​ന​വു​മു​ള്ള ര​ണ്ടു ക​രി​ങ്ക​ൽ ഫ​ല​ക​മാ​ണു ര​ണ്ടുവ​ർ​ഷം മു​മ്പ് ടൗ​ൺ റോ​ഡ് വി​ക​സ​ന​ത്തി​ന്‍റെ ഭാ​ഗ​മാ​യി ഇ​ള​ക്കി മാ​റ്റി​യ​ത്.​

അ​തി​ൽ ഒ​ന്ന് ടൗ​ണി​ലെ കാ​ന നി​ർ​മാ​ണ​ത്തി​നാ​യി എ​ടു​ത്തു മാ​റ്റി​യ മ​ണ്ണി​നൊ​പ്പം മാ​ള ക​ട​വി​ൽ നി​ക്ഷേ​പി​ച്ചി​രു​ന്നെ​ങ്കി​ലും മ​ണ്ണു ലേ​ലം ചെ​യ്ത് എ​ടു​ത്ത​വ​ർ ക​രി​ങ്ക​ല്ലി​ന്‍റെ ഫ​ല​കം അ​വി​ടെ ത​ന്നെ ഉ​പേ​ക്ഷി​ക്കു​ക​യാ​യി​രു​ന്നു. മ​റ്റൊ​ന്ന് റോ​ഡ​രി​കി​ൽ അ​നാ​ഥ​മാ​യി കി​ട​ക്കു​ന്നു​ണ്ട്. ഈ ​ക​രി​ങ്ക​ൽ ഫ​ല​കം സ്ഥാ​പി​ക്കു​ന്ന കാ​ല​യ​ള​വി​ൽ അ​ന്ന​ത്തെ മാ​ള ടൗ​ണി​ന്‍റെ വി​സ്തൃ​തി 50 മീ​റ്റ​ർ ചു​റ്റ​ള​വി​ൽ ഒ​തു​ങ്ങു​ന്ന​താ​യി​രു​ന്നു.

ഒ​രു കാ​ല​ത്ത് യ​ഹൂ​ദ​രു​ടെ പ്ര​ധാ​ന ക​ച്ച​വ​ട കേ​ന്ദ്ര​വു​മാ​യി​രു​ന്നു ഇ​വി​ടം. എ​ന്നാ​ൽ, പി​ന്നീ​ട് യ​ഹൂ​ദ​ർ ഇ​സ്രാ​യേ​ലി​ലേ​ക്ക് ത​രി​ച്ചുപോ​കു​ന്ന​തി​ന്‍റെ ഭാ​ഗ​മാ​യി അ​വ​രു​ടെ ക​ച്ച​വ​ട സ്ഥാ​പ​ന​ങ്ങ​ളും മ​റ്റും പ്ര​ദേ​ശ​വാ​സി​ക​ൾ​ക്കു വി​ല്പന ന​ട​ത്തി​യും യ​ഹൂ​ദ സി​ന​ഗോ​ഗും സി​മി​ത്തേ​രി​യു​മെ​ല്ലാം മാ​ള ഗ്രാ​മ​പ​ഞ്ചാ​യ​ത്തി​നെ ക​രാ​ർ പ്ര​കാ​രം ഏ​ൽ​പ്പി​ക്കു​ക​യു​മാ​യി​രു​ന്നു​.

അ​ടു​ത്ത കാ​ല​ത്ത് യ​ഹൂ​ദ സി​ന​ഗോ​ഗും സെ​മി​ത്തേ​രി​യും പൈ​തൃ​ക സ്മാ​ര​ക​ങ്ങ​ളാ​യി പ്ര​ഖ്യാ​പി​ക്കു​ക​യും മു​സി​രിസ് പൈ​ തൃ​ക പ​ദ്ധ​തി​യി​ൽ ഉ​ൾ​പ്പെ​ടു​ത്തി സം​ര​ക്ഷ​ണ ജോ​ലി​ക​ൾ ന​ട​ന്നു കൊ​ണ്ടി​രി​ക്കു​ക​യുമാ​ണ്.

ആ ​ച​രി​ത്ര സ്മാ​ര​ക​ങ്ങ​ളെ​ക്കാ ളും പ​ഴ​ക്ക​മു​ള്ള​തും ചി​രി​ത്രം വി​ളി​ച്ചോ​തു​ന്ന​തു​മാ​യ ഈ ​ശി​ല​ക​ളും സം​ര​ക്ഷി​ച്ച് അ​വ സ്ഥി​തി ചെ​യ്തി​രു​ന്ന റോ​ഡ​രി​കി​നോ​ട് ചേ​ർ​ന്നുത​ന്നെ പു​ന​സ്ഥാ​പി​ക്ക​ണ​മെ​ന്നാ​ണു പൈ​തൃ​ക സ്നേ​ഹി​ക​ളും നാ​ട്ടു​കാ​രും ആ​വ​ശ്യ​പ്പെ​ടു​ന്ന​ത്.