അ​റ​വ് മാ​ടു​ക​ളു​ടെ അ​വ​ശി​ഷ്ട​ങ്ങ​ളും കക്കൂസ് മാലിന്യങ്ങളും  ക​നാ​ലി​ൽ ത​ള്ളു​ന്നു;  ദുർഗന്ധവും ജ​ല​രോ​ഗ​ങ്ങ​ൾ പ​ക​രു​മോ​യെ​ന്ന ആ​ശ​ങ്ക​യിൽ നാ​ട്ടു​കാ​ർ

അ​ടൂ​ർ: അ​റ​വ് മാ​ടു​ക​ളു​ടെ അ​വ​ശി​ഷ്ട​ങ്ങ​ൾ ക​നാ​ൽ വെ​ള്ള​ത്തി​ൽ കെ​ട്ടി​ക്കി​ട​ന്ന് ദു​ർ​ഗ​ന്ധം വ​മി​ക്കു​ന്നു. കെ​ഐ​പി 14-ാം മൈ​ൽ വ​ഴി ക​ട​ന്നു പോ​കു​ന്ന പ്ര​ധാ​ന ക​നാ​ലി​ന്‍റെ ഷ​ട്ട​റി​ൽ മാ​ലി​ന്യ​ങ്ങ​ൾ അ​ടി​ഞ്ഞു കി​ട​ന്നാ​ണ് ദു​ർ​ഗ​ന്ധം വ​മി​ക്കു​ന്ന​ത്. അ​ടൂ​ർ ന​ഗ​ര​സ​ഭ​യി​ൽ വി​വി​ധ ഭാ​ഗ​ങ്ങ​ളി​ൽ ക​ശാ​പ്പ് ചെ​യ്യു​ന്ന അ​റ​വു​മാ​ടു​ക​ളു​ടെ അ​വ​ശി​ഷ്ട​ങ്ങ​ളാ​ണ് ക​നാ​ലി​ൽ ത​ള്ളു​ന്ന​ത്.

ന​ഗ​ര​സ​ഭ ഭാ​ഗ​ത്താ​ണ് ക​നാ​ൽ മ​ലി​ന​പ്പെ​ടു​ത്തു​ന്ന​തി​നു​ള്ള ശ്ര​മം ന​ട​ക്കു​ന്ന​ത്. കോ​ഴി​ക്ക​ട​ക​ളി​ൽ നി​ന്നു​ള്ള മാ​ലി​ന്യ​ങ്ങ​ൾ പ്ലാ​സ്റ്റി​ക് ക​വ​റു​ക​ളി​ൽ പൊ​തി​ഞ്ഞ് ക​നാ​ലി​ൽ ത​ള്ളു​ന്നു​ണ്ട്. ഇ​ങ്ങ​നെ കൊ​ണ്ടി​ടു​ന്ന ക​വ​റു​ക​ളി​ൽ വെ​ള്ളം ക​യ​റി വീ​ർ​ത്ത് ക​ടു​ത്ത ദു​ർ​ഗ​ന്ധ​മാ​ണ് വ​മി​ക്കു​ന്ന​ത്. അ​ടൂ​ർ ന​ഗ​ര​സ​ഭ​യി​ൽ സ്ലോ​ട്ട​ർ ഹൗ​സ് ഇ​ല്ലാ​ത്ത​തി​നാ​ലാ​ണ് അ​റ​വ് മാ​ടു​ക​ളു​ടെ അ​വ​ശി​ഷ്ട​ങ്ങ​ൾ ഏ​റെ​യും ക​നാ​ലി​ൽ ത​ള്ളു​ന്ന​ത്.

കൂ​ടാ​തെ രാ​ത്രി​കാ​ല​ങ്ങ​ളി​ൽ ശൗ​ചാ​ല​യ മാ​ലി​ന്യ​ങ്ങ​ൾ ടാ​ങ്ക​ർ ലോ​റി​ക​ളി​ൻ കൊ​ണ്ടു​വ​ന്ന് ക​നാ​ലി​ൽ ഒ​ഴു​ക്കു​ന്നു​ണ്ട്. വേ​ന​ൽ ക​ടു​ത്ത​തോ​ടെ സ​മീ​പ​വാ​സി​ക​ൾ കു​ളി​ക്കു​ന്ന​തി​നും തു​ണി​ക​ൾ അ​ല​ക്കു​ന്ന​തി​നും ക​നാ​ൽ വെ​ള്ള​ത്തെ​യാ​ണ് ആ​ശ്ര​യി​ക്കു​ന്ന​ത്. ക​നാ​ൽ വെ​ള്ളം സ​മീ​പ പാ​ട​ശേ​ഖ​ര​ങ്ങ​ളി​ലും കൈ​ത്തോ​ടു​ക​ളി​ലും ഒ​ഴു​കി​യെ​ത്തു​ന്ന​തി​ലൂ​ടെ​യാ​ണ് സ​മീ​പ​ത്തെ കി​ണ​റു​ക​ളി​ലെ ജ​ല ല​ഭ്യ​ത ഉ​റ​പ്പ് വ​രു​ത്തു​ന്ന​ത്.

എ​ന്നാ​ൽ മാ​ലി​ന്യം ക​ല​രു​ന്ന വെ​ള്ളം ഉ​പ​യോ​ഗി​ക്കു​ന്ന​തു മൂ​ലം ജ​ല​രോ​ഗ​ങ്ങ​ൾ പ​ക​രു​മോ​യെ​ന്ന ആ​ശ​ങ്ക​യി​ലാ​ണ് നാ​ട്ടു​കാ​ർ. ദു​ർ​ഗ​ന്ധം മൂ​ലം ക​നാ​ലി​ന്‍റെ ഇ​രു​ക​ര​ക​ളി​ലു​മു​ള്ള വീ​ട്ടു​കാ​ർ​ക്ക് ക​ഴി​ഞ്ഞ് കൂ​ടാ​ൻ പ​റ്റാ​ത്ത് സ്ഥി​തി​യാ​ണു​ള്ള​ത്. വ​ഴി​യാ​ത്ര​ക്കാ​ർ മൂ​ക്ക് അ​ട​ച്ചു​പി​ടി​ച്ചു വേ​ണം ഇ​ത് വ​ഴി ന​ട​ക്കാ​ൻ.