റോഡിന്‍റെ വശങ്ങളിൽ അ​റ​വു​മാ​ലി​ന്യ​വും ശു​ചി​മു​റി മാ​ലി​ന്യ​വും ത​ള്ളിയ നിലയിൽ; കേ​ള​മം​ഗ​ലം​കാ​ർ​ക്ക് ദു​രി​തം

എ​ട​ത്വ: അ​റ​വു​മാ​ലി​ന്യ​ങ്ങ​ളും ശു​ചി​മു​റി മാ​ലി​ന്യ​ങ്ങ​ളും ത​ള്ളി​യ​തോ​ടെ ത​ക​ഴി പ​ഞ്ചാ​യ​ത്ത് ഏ​ഴാം​വാ​ർ​ഡ് നി​വാ​സി​ക​ൾ​ക്ക് ദു​രി​തം. കേ​ള​മം​ഗ​ലം പ​ടി​ഞ്ഞാ​റ് ത​ക​ഴി പാ​ലം മു​ത​ൽ കി​ഴ​ക്കോ​ട്ട് പ​റ​ത്ത​റ​പാ​ലം വ​രെ​യു​ള്ള റോ​ഡി​ന്‍റെ ഇ​രു​വ​ശ​ത്തും അ​റ​വു​ശാ​ല​ക​ളി​ലെ ഉ​ൾ​പ്പെ​ടെ​യു​ള്ള മാ​ലി​ന്യ​ങ്ങ​ൾ ചാ​ക്കു​ക​ണ​ക്കി​നാ​ണ് നി​ക്ഷേ​പി​ച്ചി​രി​ക്കു​ന്ന​ത്.

ദു​ർ​ഗ​ന്ധം മൂ​ലം ഇ​തു​വ​ഴി സ​ഞ്ച​രി​ക്കാ​ൻ പോ​ലു​മാ​കു​ന്നി​ല്ല. പു​തു​വ​ർ​ഷ​ദി​ന​ത്തി​ൽ പു​ല​ർ​ച്ചെ മൂ​ന്നോ​ടെ വാ​ഹ​ന​ത്തി​ൽ കൊ​ണ്ടു​വ​ന്ന് മാ​ലി​ന്യം ഇ​ടു​ക​യാ​യി​രു​ന്നു എ​ന്നാ​ണ് നാ​ട്ടു​കാ​രു​ടെ ആ​രോ​പ​ണം. പ്ര​ദേ​ശ​വാ​സി​ക​ളെ ക​ണ്ട​തോ​ടെ വാ​ഹ​ന​വു​മാ​യി എ​ത്തി​യ​വ​ർ ര​ക്ഷ​പ്പെ​ട്ടു.കേ​ള​മം​ഗ​ലം ഒ​ന്നാം​പാ​ല​ത്തി​ലും അ​വി​ടെ​യു​ള്ള തോ​ട്ടി​ലു​മാ​യി ചീ​ഞ്ഞ കോ​ഴി​വേ​സ്റ്റും മാ​ടി​നെ അ​റു​ത്ത വേ​സ്റ്റും ചാ​ക്കു​കെ​ട്ടു​ക​ളി​ലാ​ക്കി​യാ​ണ് നി​ക്ഷേ​പി​ച്ചി​രി​ക്കു​ന്ന​ത്.

കൂ​ടാ​തെ റോ​ഡി​ന്‍റെ ഇ​രു​സൈ​ഡു​ക​ളി​ലും ക​ക്കൂ​സ് മാ​ലി​ന്യ​ങ്ങ​ൾ ടാ​ങ്ക​ർ​ലോ​റി​ക​ളി​ൽ കൊ​ണ്ടു​വ​ന്ന് പാ​ട​ശേ​ഖ​ര​ങ്ങ​ളി​ലേ​യ്ക്കു നി​ക്ഷേ​പി​ച്ചി​രി​ക്കു​ക​യാ​ണ്. ഞാ​യ​റാ​ഴ്ച രാ​ത്രി​യി​ലും ത​ക​ഴി പാ​ല​ത്തി​നു കി​ഴ​ക്കേ​ക​ര​യി​ൽ അ​റ​വു​മാ​ലി​ന്യം ഉ​ൾ​പ്പ​ടെ ചാ​ക്കു​ക​ളി​ലാ​ക്കി ത​ള്ളി​യി​രു​ന്നു.

ആ​ല​പ്പു​ഴ​എ​ട​ത്വ സം​സ്ഥാ​ന​പാ​ത​യി​ൽ ത​ക​ഴി പാ​ല​ത്തി​നു കി​ഴ​ക്കേ ക​ര​യി​ലും പ​ന്പാ​ന​ദി​യി​ലു​മാ​ണ് മാ​ലി​ന്യം നി​ക്ഷേ​പി​ച്ച​ത്. അ​റ​വു​മൃ​ഗ​ങ്ങ​ളു​ടെ അ​വ​ശി​ഷ്ട​വും, കോ​ഴി വേ​സ്റ്റും, ഹോ​ട്ട​ൽ മാ​ലി​ന്യ​ങ്ങ​ളും ചാ​ക്കി​ൽ നി​റ​ച്ചും അ​ല്ലാ​തെ​യു​മാ​ണ് ത​ള്ളി​യി​രി​ക്കു​ന്ന​ത്. ആ​ഴ്ച​ക​ൾ​ക്ക് മു​ന്പു ത​ക​ഴി പാ​ല​ത്തി​ൽ​നി​ന്ന് ഒ​ന്ന​ര കി​ലോ​മീ​റ്റ​ർ കി​ഴ​ക്കു​മാ​റി ചെ​ക്കി​ടി​ക്കാ​ട് പ​റ​ത്ത​റ പാ​ല​ത്തി​ലും തോ​ട്ടി​ലു​മാ​യി മാ​ലി​ന്യം ത​ള്ളി​യി​രു​ന്നു.

നാ​ട്ടു​കാ​രു​ടെ അ​ന്വേ​ഷ​ണ​ത്തി​ൽ മാ​ലി​ന്യ ചാ​ക്കി​ൽ​നി​ന്ന് കാ​ർ​ത്തി​ക​പ്പ​ള്ളി​യി​ലെ ഒ​രു സ്വ​കാ​ര്യ ഹോ​ട്ട​ലി​ന്‍റെ ബി​ല്ല് ല​ഭി​ക്കു​ക​യും, മാ​ലി​ന്യം ത​ള്ളി​യ ക​രാ​റു​കാ​ര​നെ ക​ണ്ടെ​ത്തു​ക​യും ചെ​യ്തി​രു​ന്നു. എ​ന്നാ​ൽ ത​ക​ഴി പ​ഞ്ചാ​യ​ത്ത് ക​ടു​ത്ത ന​ട​പ​ടി സ്വീ​ക​രി​ക്കാ​തെ ഇ​യാ​ൾ​ക്ക് താ​ക്കീ​ത് ന​ൽ​കി പ​റ​ഞ്ഞു​വി​ടു​ക​യാ​യി​രു​ന്നു. ഇ​തി​നെ​തി​രേ വ്യാ​പ​ക പ​രാ​തി നി​ല​നി​ൽ​ക്കു​ന്പോ​ഴാ​ണ് വീ​ണ്ടും അ​റ​വു​മാ​ലി​ന്യ​ങ്ങ​ൾ ത​ള്ളി​യ​ത്.