സ്നേ​ഹം ന​ടി​ച്ച് പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ക്കാന്‍ പ്ര​തി രാ​ത്രി “ക​ള്ള​ൻ” വേഷമിടും; പ്ര​ദേ​ശ​വാ​സി​ക​ളെ​യും പോ​ലീ​സി​നെ​യും വ​ട്ടംക​റ​ക്കി​യ ‘മാ​റാ​ട് കള്ളന്റെ’ ലീലാവിലാസങ്ങള്‍ ഇങ്ങനെ…

കോ​ഴി​ക്കോ​ട്:​പ്ര​ദേ​ശ​വാ​സി​ക​ളെ​യും പോ​ലീ​സി​നെ​യും വ​ട്ടം ക​റ​ക്കി​യ “മാ​റാ​ട് ക​ള്ള​ൻ’ പി​ടി​യി​ൽ .പ​യ്യാ​ന​ക്ക​ൽ മു​ല്ല​ത്ത് വീ​ട്ടി​ൽ ആ​ദ​ർ​ശ് (22 ) ആ​ണ് പി​ടി​യി​ലാ​യ​ത്.

ഒ​രു മാ​സ​മാ​യി ക​ള്ള​ൻ മാ​റാ​ട് , ബേ​പ്പൂ​ർ ഭാ​ഗ​ങ്ങ​ളി​ൽ വീ​ടി​ന്‍റെ വാ​തി​ലി​ൽ ത​ട്ടു​ക​യും പു​റ​ത്ത് പൈ​പ്പ് തു​റ​ന്നി​ടു​ക​യും വീ​ടു​ക​ൾ​ക്ക് ക​ല്ലെ​റി​യു​ക​യും ചെ​യ്ത് ജ​ന​ങ്ങ​ളു​ടെ ഉ​റ​ക്കം കെ​ടു​ത്തി​യി​രു​ന്നു.

ഒ​രു സ്ഥ​ല​ത്ത് വീ​ടി​ന്‍റെ വാ​തി​ലി​ൽ മു​ട്ടി​യ ശേ​ഷം അ​വി​ടെ നി​ന്നും സ്വ​ന്തം ബൈ​ക്കി​ൽ ര​ക്ഷ​പ്പെ​ട്ട് മ​റ്റൊ​രി​ട​ത്ത് ഇ​ത് ആ​വ​ർ​ത്തി​ക്കു​ന്ന​താ​യി​രു​ന്നു രീ​തി .

പോ​ലീ​സി​ന്‍റെ ക​ണ്ണു​വെ​ട്ടി​ക്കാ​ന്‌ ഊ​ടു​വ​ഴി​ക​ൾ തെ​ര​ഞ്ഞെ​ടു​ക്കു​ക എ​ന്ന​താ​യി​രു​ന്നു ഇ​യാ​ളു​ടെ രീ​തി. വ​രു​ന്ന വ​ഴി​യി​ൽ ക​യ്യി​ൽ ക​രു​തി​യ ക​ല്ല് റോ​ഡി​ന്‍റെ ഇ​രു​വ​ശ​ത്തു​മു​ള്ള വീ​ടു​ക​ൾ​ക്ക് നേ​രെ എ​റി​യും.

ആ​ളി​ല്ലാ​ത്ത വീ​ടാ​ണെ​ങ്കി​ൽ പു​റ​ത്തെ പൈ​പ്പ് തു​റ​ന്നി​ടും . ക​ള്ള​നെ തെ​ര​യു​ന്ന പ്ര​ദേ​ശ​വാ​സി​ക​ൾ സ്വ​യം സ​മ്പ​ർ​ക്ക​നി​യ​ന്ത്ര​ണം ലം​ഘി​ക്കേ​ണ്ട അ​വ​സ്ഥ യി​ൽ വ​രെ കാ​ര്യ​ങ്ങ​ൾ എ​ത്തി.

സി​റ്റി പോ​ലീ​സ് ക​മ്മീ​ഷ​ണ​ർ എ.​വി. ജോ​ർ​ജി​ന്‍റെ നി​ർ​ദ്ദേ​ശ​പ്ര​കാ​രം സൗ​ത്ത് അ​സി​സ്റ്റ​ന്‍റ് ക​മ്മീ​ഷ​ണ​ർ എ.​ജെ.​ബാ​ബു​വി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക അ​ന്വേ​ഷ​ണ സം​ഘ​മാ​ണ് ക​ള്ള​നെ പി​ടി​കൂ​ടി​യ​ത്.

സ്നേ​ഹം ന​ടി​ച്ച് പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീ​ഡി​പ്പി​ക്കാ​നാ​ണ് പ്ര​തി രാ​ത്രി ഏ​ഴോ​ടെ “ക​ള്ള​ൻ” വേ​ഷ​മി​ടു​ന്ന​ത്. ക​ഴി​ഞ്ഞ ദി​വ​സം മാ​റാ​ട് പോ​ലീ​സ് ഇ​ന്സ്പെ​ക്ട​ർ കെ. ​വി​നോ​ദി​ന്‍റെ നി​ർ​ദ്ദേ​ശ​പ്ര​കാ​രം ക​ള്ള​നെ പി​ടി​കൂ​ടാ​ൻ പു​റ​ത്തി​റ​ങ്ങാ​തെ എ​ല്ലാ​വ​രും അ​വ​ര​വ​രു​ടെ വീ​ടു​ക​ളി​ൽ ഇ​രു​ന്നു .

റോ​ഡി​ലൊ​ന്നും ആ​ളു​ക​ളെ കാ​ണാ​താ​യ​തി​ൽ പ​ന്തി​കേ​ട് തോ​ന്നി​യ പ്ര​തി വീ​ടി​ന്‍റെ കു​ളി​മു​റി​യി​ൽ ക​യ​റി ഒ​ളി​ച്ചി​രു​ന്നു. കു​ളി​ക്കാ​ൻ വ​ന്ന സ്ത്രീ​യു​ടെ നി​ല​വി​ളി കേ​ട്ട് വീ​ട്ടു​കാ​ർ ഓ​ടി​വ​ന്ന​പ്പോ​ൾ പ്ര​തി ഓ​ടി ര​ക്ഷ​പ്പെ​ട്ടു.

സ്ത്രീ​യി​ൽ നി​ന്നും വീ​ട്ടു​കാ​രി​ൽ നി​ന്നും അ​ന്വേ​ഷ​ണ സം​ഘം വി​വ​ര​ങ്ങ​ൾ ശേ​ഖ​രി​ച്ചു. സി​സി​ടി​വി​യി​ൽ പ​തി​ഞ്ഞ പ്ര​തി​യു​ടെ ചി​ത്രം കൂ​ടി​യാ​യ​പ്പോ​ൾ പ്ര​തി​യെ തി​രി​ച്ച​റി​ഞ്ഞു. പോ​ലീ​സ് താ​മ​സ സ്ഥ​ല​ത്തെ​ത്തി പ്ര​തി​യെ​പി​ടി​കൂ​ടി.

ല​ഹ​രി​ക്ക് അ​ടി​മ​പ്പെ​ട്ട യു​വാ​ക്ക​ൾ അ​ല​ഞ്ഞു ന​ട​ന്ന​തും പ്ര​തി​ക്ക് സ​ഹാ​യ​മാ​യ​ത്.​ഇ​ങ്ങ​നെ രാ​ത്രി ന​ട​ന്ന ആ​റു​പേ​ർ​ക്കെ​തി​രേ പോ​ലീ​സ് ലോ​ക്ക് ഡൗ​ൺ ലം​ഘി​ച്ച​തി​ന് കേ​സ് ര​ജി​സ്റ്റ​ർ ചെ​യ്തി​ട്ടു​ണ്ട്.

മാ​റാ​ട് സ​ബ് ഇ​ൻ​സ്പെ​ക്ട​ർ ബി.​ടി. സ​ന​ൽ​കു​മാ​ർ, കെ.​വി.​ശ​ശി​കു​മാ​ർ, സീ​നി​യ​ർ സി​പി​ഒ പി. ​അ​ജി​ത്ത്കു​മാ​ർ, സി. ​അ​രു​ൺ കു​മാ​ർ, പി. ​സ​രീ​ഷ് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്നു. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ 14 ദി​വ​സ​ത്തേ​ക്ക് റി​മാ​ൻ​ഡ് ചെ​യ്തു.