മാ​യാ​മു​ര​ളി​യു​ടെ കൊ​ല​പാ​ത​കം; പ്ര​തി എ​ന്നു സം​ശ​യി​ക്കു​ന്ന പേ​രൂ​ർ​ക്ക​ട സ്വ​ദേ​ശി  പ്ര​തി പി​ടി​യി​ൽ

കാ​ട്ടാ​ക്ക​ട : കാ​ട്ടാ​ക്ക​ട​യി​ൽ ദു​രൂ​ഹ സാ​ഹ​ച​ര്യ​ത്തി​ൽ യു​വ​തി മ​രി​ച്ച സം​ഭ​വ​ത്തി​ൽ മ​ര​ണ​പ്പെ​ട്ട യു​വ​തി​യു​ടെ പ​ങ്കാ​ളി കൂ​ടി​യാ​യ പ്ര​തി എ​ന്നു സം​ശ​യി​ക്കു​ന്ന പേ​രൂ​ർ​ക്ക​ട സ്വ​ദേ​ശി ര​ഞ്്ജി​ത്ത് തമിഴ്നാട്ടിൽ പിടിയിലായി. കാ​ട്ടാ​ക്ക​ട ഡി​വൈ​എ​സ് പി​യു​ടെ നേ​ത്യ​ത്വ​ത്തി​ൽ അ​ന്വേ​ഷ​ണ സം​ഘം രൂ​പീ​ക​രി​ച്ച ഷാ​ഡോ സം​ഘ​മാ​ണ് ഇ​യാ​ളെ ക​മ്പം തേ​നി ഭാ​ഗ​ത്തു നി​ന്നും കഴിഞ്ഞദിവസം പി​ടി​കൂ​ടി​യ​ത്.

ക​മ്പം തേ​നി ഭാ​ഗ​ത്ത് ഇ​യാ​ൾ ഉ​ണ്ടെ​ന്ന വി​വ​രം ല​ഭിച്ച​തി​നെ തു​ട​ർ​ന്നാ​ണ് ഷാ​ഡോ ടീം ​ഇ​യാ​ളെ പി​ടി​കൂ​ടി​യ​ത്. ര​ഞ്ജി​ത്തി​നെ ചോ​ദ്യം ചെ​യ്തു വ​രി​ക​യാ​ണെ​ന്നും കൊ​ലപാ​ത​ക​ത്തി​ന്‍റെ കാ​ര​ണം ചോ​ദ്യം ചെ​യ്യ​ലി​ലൂ​ടെ മാ​ത്ര​മേ വ്യ​ക്ത​മാ​കൂ എ​ന്നും ഇയാളുടെ അറസ്റ്റ് ഇന്ന് രേഖപ്പെടുത്തുമെന്നും കാ​ട്ടാ​ക്ക​ട ഡി​വൈ​എ​സ്പി ജ​യ​കു​മാ​ർ അ​റി​യി​ച്ചു.

ഇയാളെപേ​രൂ​ർ​ക്ക​ട സ്വ​ദേ​ശി മാ​യ മു​ര​ളി​യെ​യാ​ണ് മേ​യ് ഒന്പതിന് ഇ​വ​ർ താ​മ​സി​ക്കു​ന്ന കാ​ട്ടാ​ക്ക​ട മു​തി​യാ​വി​ള വാ​ട​ക വീ​ടി​നോ​ട് ചേ​ർ​ന്ന റ​ബർ തോ​ട്ട​ത്തി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. മാ​യ​യു​ടെ കൂടെ താമസിച്ചിരുന്ന ര​ഞ്ജി​ത്തി​നെ സം​ഭ​വ ദി​വ​സം മു​ത​ൽ കാ​ണാ​താ​യ​തും ദു​രൂ​ഹ​ത​യാ​ണെ​ന്ന് നാ​ട്ടു​കാ​ർ പ​റ​ഞ്ഞി​രു​ന്നു.

ഇ​തി​നി​ട​യ്ക്കാ​ണ് ഇ​യാ​ൾ ഓ​ടി​ച്ചി​രു​ന്ന ഓ​ട്ടോ കാ​ട്ടാ​ക്ക​ട​യ്ക്ക് സ​മീ​പം ചൂ​ണ്ടു​പ​ല​ക​യി​ൽ ആ​ളൊ​ഴി​ഞ്ഞ സ്ഥ​ല​ത്ത് ഉ​പേ​ക്ഷി​ക്ക​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. ര​ഞ്ജിത്തി​നെ​തി​രെ പോ​ലീ​സ് ലു​ക്ക് ഔ​ട്ട് നോ​ട്ടീ​സ് പു​റ​പ്പെ​ടു​വി​ച്ചി​രു​ന്നു. ഇ​യാ​ൾ പേ​രൂ​ർ​ക്ക​ട​യി​ലെ ഹോ​ട്ട​ലി​ൽ നി​ന്നും ആ​ഹാ​രം ക​ഴി​ക്കു​ന്ന​തി​ന്‍റെ സി​സി​ടി​വി ദ്യ​ശ്യ​ങ്ങ​ൾ പോ​ലീ​സി​ന് ല​ഭി​ച്ചി​രു​ന്നു. തു​ട​ർ​ന്ന് ഇ​വി​ടെ പ​രി​ശോ​ധ​ന ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. പോ​ലീ​സ് അ​ന്വേ​ഷ​ണം ശ​ക്ത​മാ​യ​തി​നെ തു​ട​ർ​ന്ന് അ​വി​ടെ നി​ന്നും ര​ക്ഷ​പ്പെ​ട്ടു ക​മ്പ​ത്ത് എ​ത്തി.

എ​ട്ടു വ​ർ​ഷം മു​മ്പ് മാ​യാ മു​ര​ളി​യു​ടെ ആ​ദ്യ ഭ​ർ​ത്താ​വ് ഒ​രു അ​പ​ക​ട​ത്തി​ൽ മ​രി​ച്ചി​രു​ന്നു. ശേ​ഷം ഒ​രു വ​ർ​ഷം മു​ൻ​പാ​ണ് കു​ട​പ്പ​ന​ക്കു​ന്ന് സ്വ​ദേ​ശി ര​ഞ്ജി​ത്തു​മാ​യി ഒ​രു​മി​ച്ചു താ​മ​സം തു​ട​ങ്ങി​യ​ത്. കാ​ട്ടാ​ക്ക​ട മു​തി​യ​വി​ള​യി​ൽ വാ​ട​ക വീ​ട്ടി​ലാ​യി​രു​ന്നു ഇ​രു​വ​രു​ടേ​യും താ​മ​സം. ഇ​തി​നി​ടെ​യാ​ണ് മേയ് ഒന്പതിന് യു​വ​തി​യു​ടെ മൃ​ത​ദേ​ഹം വീ​ടി​നോ​ട് ചേ​ർ​ന്ന റ​ബ്ബ​ർ തോ​ട്ട​ത്തി​ൽ നി​ന്നും ക​ണ്ടെ​ത്തി​യ​ത്. ക​ണ്ണി​ലും നെ​ഞ്ചി​ലും പ​രി​ക്കേ​റ്റ നി​ല​യി​ലാ​യി​രു​ന്നു മൃ​ത​ദേ​ഹം.