പ്രശസ്ത ഛായാഗ്രാഹകന് മെല്ലി ഇറാനി (94) അന്തരിച്ചു. ചെന്നൈയിലായിരുന്നു അന്ത്യം. അനുഭവങ്ങള് പാളിച്ചകള്, യക്ഷി, വാഴ്വേമായം, അരനാഴികനേരം, ശരപഞ്ജരം തുടങ്ങിയ ക്ലാസിക് മലയാള ചലച്ചിത്രങ്ങളുടെ ഛായാഗ്രാഹകനായിരുന്നു മെല്ലി ഇറാനി.
ഇന്ത്യന് സിനിമയിലെ ആദ്യകാല കാമറാമാനായ ആദി എം. ഇറാനിയുടെ മകനാണ് മെല്ലി. 1932 ഓഗസ്റ്റ് അഞ്ചിന് മുംബൈയിലായിരുന്നു ജനനം. പിതാവില്നിന്നാണ് ഛായാഗ്രഹണം അഭ്യസിച്ചത്. 1961ല് ജ്ഞാനസുന്ദരി എന്ന ചലച്ചിത്രത്തിലൂടെയാണ് സ്വതന്ത്ര ഛായാഗ്രാഹകനായി മലയാളത്തില് അരങ്ങേറിയത്.
പ്രഗല്ഭ സംവിധായകന് കെ.എസ്. സേതുമാധവന്റെ ആദ്യസിനിമയായിരുന്നു അത്. സംവിധായകന് ഹരിഹരന്റെയും പ്രിയപ്പെട്ട കാമറമാനായിരുന്നു മെല്ലി ഇറാനി. മലയാള സിനിമാചരിത്രത്തിലെ പല അവിസ്മരണീയ കഥാപാത്രങ്ങളെയും ജനഹൃദയങ്ങളിലേക്ക് എത്തിച്ചത് മെല്ലി ഇറാനിയുടെ ഫ്രെയിമുകളായിരുന്നു. ദൃശ്യഭംഗിയുള്ള ഗാനചിത്രീകരണമായിരുന്നു മെല്ലി ഇറാനിയുടെ മറ്റൊരു സവിശേഷത.
