അമാൻ (ജോർദാൻ): ആറ് തവണ ലോക ബോക്സിംഗ് ചാന്പ്യൻപട്ടം നേടിയ ഇന്ത്യയുടെ വനിതാ സൂപ്പർ താരം മേരി കോം 2020 ടോക്കിയോ ഒളിന്പിക്സിനുള്ള യോഗ്യത സ്വന്തമാക്കി. ഏഷ്യൻ ബോക്സിംഗ് ചാന്പ്യൻഷിപ്പിൽ സെമിയിൽ പ്രവേശിച്ചതോടെയാണിത്.
ഫിലിപ്പീൻസിന്റെ ഐറിഷ് മഗ്നോയെ കീഴടക്കിയാണ് മേരി കോം സെമിയിൽ കടന്നത്. മുപ്പത്തേഴുകാരിയായ ഇന്ത്യൻ താരം സെമിയിൽ ചൈനയുടെ യുവാൻ ചാങിനെ നേരിടും. 2012 ലണ്ടൻ ഒളിന്പിക്സിൽ മേരി കോം വെങ്കലം നേടിയിരുന്നു.
