ഇന്ത്യന്‍ ക്രിക്കറ്റ് ടീം നായകന്‍ വിരാട് കോഹ്ലിയുടെ ഫിറ്റ്നസ് ചലഞ്ച് ഏറ്റെടുത്ത് പ്രധാനമന്ത്രി നരേന്ദ്ര മോദി. തന്റെ വ്യായാമത്തിന്റെ വീഡിയോ ട്വിറ്ററില്‍ പോസ്റ്റ് ചെയ്തുകൊണ്ട് ഇതാണ് തന്റെ പുലര്‍കാല വ്യായാമങ്ങള്‍ എന്ന് മോദി ട്വിറ്ററില്‍ കുറിക്കുകയും ചെയ്തു.
കൃത്രിമമായി നിര്‍മ്മിച്ച പഞ്ചഭൂതങ്ങളായ പൃഥ്വി, അഗ്‌നി, ജലം, വായു, ആകാശം എന്നിവയുടെ ട്രാക്കിലൂടെ നടക്കുന്നതിന്റെ ദൃശ്യങ്ങളും വീഡിയോയിലുണ്ട്. ഇതിനുശേഷം വലിയ ഒരു പാറക്കല്ലില്‍ ഇരുന്നാണ് മോദി വ്യായാമം ചെയ്യുന്നത്.
കോഹ്ലിയുടെ വെല്ലുവിളി താന്‍ ഏറ്റെടുത്തതുപോലെ താന്‍ കര്‍ണാടക മുഖ്യമന്ത്രി കുമാരസ്വാമിയെ വെല്ലുവിളിക്കുന്നതായും മോദി കൂട്ടിച്ചേര്‍ത്തു. ടേബിള്‍ ടെന്നീസ് താരം മാനിക ബത്രയേയും മോദി വെല്ലുവിളിച്ചിട്ടുണ്ട്.
കേന്ദ്ര കായിക മന്ത്രി രാജ്യവര്‍ധന്‍ സിംഗ് റാത്തോഡാണ് ഫിറ്റ്നസ് ചാലഞ്ച് തുടങ്ങിവെച്ചത്. രാജ്യത്തിന്റെ ആരോഗ്യ സംരക്ഷണത്തിനെന്ന രീതിയിലാണ് കായിക മന്ത്രി ചലഞ്ച് തുടങ്ങിയത്. കോഹ്ലിയുടെ ഫിറ്റ്നസ് ചലഞ്ച് ഏറ്റെടുക്കുമെന്ന് മോദി അറിയിച്ചിതിനു പിന്നാലെ വിമര്‍ശനവുമായി പ്രതിപക്ഷം രംഗത്തെത്തിയിരുന്നു. രാജ്യത്തെ പെട്രോള്‍, ഡീസല്‍ വില വര്‍ധനവ് കുറയ്ക്കാന്‍ താന്‍ മോദിയെ വെല്ലുവിളിക്കുന്നു എന്നാണ് രാഹുല്‍ അദ്ദേഹത്തോട് അന്ന് പറഞ്ഞത്.
എന്നാല്‍ പ്രധാനമന്ത്രി നരേന്ദ്രമോദിയുടെ ഫിറ്റ്നെസ് ചലഞ്ച് വീഡിയോയ്ക്ക് കലക്കന്‍ മറുപടിയാണ് കര്‍ണാടക മുഖ്യമന്ത്രി എച്ച്.ഡി കുമാരസ്വാമി നല്‍കിയിരിക്കുന്നത്. ട്വിറ്റീല്‍ കുമാരസ്വാമി പ്രധാനമന്ത്രിയെ മികച്ച രീതിയില്‍ ട്രോളിയിട്ടുണ്ട്.
മുഖ്യമന്ത്രിയുടെ ഔദ്യോഗിക ട്വിറ്റര്‍ അക്കൗണ്ടില്‍ നിന്നായിരുന്നു കുമാരസ്വാമിയുടെ മറുപടി. ”എന്റെ ആരോഗ്യം സംബന്ധിച്ച് താങ്കള്‍ക്ക് ഇത്രയും ഉത്കണ്ഠ ഉണ്ടെന്നറിഞ്ഞതില്‍ ഏറെ സന്തോഷം. ഫിസിക്കല്‍ ഫിറ്റ്നെസ് എല്ലാവര്‍ക്കും അത്യാവശ്യമാണ് എന്ന് തന്നെയാണ് ഞാനും വിശ്വസിക്കുന്നത്. യോഗയും ട്രെഡ്മിലും എന്റെ ഡെയ്ലി വര്‍ക്കൗട്ടിന്റെ ഭാഗവുമാണ്.
എന്നാല്‍ ഇപ്പോള്‍ എന്റെ ഉത്കണ്ഠ സംസ്ഥാനത്തിന്റെ ഡവലപ്മെന്റ് ഫിറ്റ്നെസുമായി ബന്ധപ്പെട്ടാണ്. അതിന് താങ്കളുടെ എല്ലാവിധ സഹകരണവും പ്രതീക്ഷിക്കുന്നു” എന്നായിരുന്നു കുമാരസ്വാമിയുടെ മറുപടി. എന്നാല്‍ ഫിറ്റ്നെസ് ചലഞ്ച് ഏറ്റെടുക്കുമോ ഇല്ലയോ എന്ന കാര്യത്തില്‍ കുമാരസ്വാമി ട്വീറ്റില്‍ മറുപടിയൊന്നും പറഞ്ഞിട്ടില്ല.
Here are moments from my morning exercises. Apart from Yoga, I walk on a track inspired by the Panchtatvas or 5 elements of nature – Prithvi, Jal, Agni, Vayu, Aakash. This is extremely refreshing and rejuvenating. I also practice
breathing exercises. #HumFitTohIndiaFit pic.twitter.com/km3345GuV2— Narendra Modi (@narendramodi) June 13, 2018
I am delighted to nominate the following for the #FitnessChallenge:
Karnataka’s CM Shri @hd_kumaraswamy.
India’s pride and among the highest medal winners for India in the 2018 CWG, @manikabatra_TT.
The entire fraternity of brave IPS officers, especially those above 40.
— Narendra Modi (@narendramodi) June 13, 2018
Dear @narendramodi ji
I am honoured& thankU very much for d concern about my health
I believe physical fitness is imptnt for all&support d cause. Yoga-treadmill r part of my daily workout regime.
Yet, I am more concerned about devlpment fitness of my state&seek ur support for it.— CM of Karnataka (@CMofKarnataka) June 13, 2018
