ഉറക്കമളച്ച് കാഞ്ഞിരുന്നത് വെറുതേയായില്ല; തെ​ക്ക​ൻ കേ​ര​ള​ത്തെ വി​റ​പ്പി​ച്ച മോ​ഷ്ടാ​വ് മൊ​ട്ട​ജോ​സ് ഒടുവിൽ നാട്ടുകാരുടെ പിടിയിൽ; മോഷണം നടത്തിയ വീട്ടിൽ ജോസ് എഴുതിയ കുറിപ്പ് ഇങ്ങനെ…

പ​ര​വൂ​ർ: തെക്കൻ കേരളത്തെയാകെ മു​ൾ​മു​ന​യി​ൽ നി​ർ​ത്തി​യ കു​പ്ര​സി​ദ്ധ മോ​ഷ്ടാ​വ് മൊ​ട്ട ജോ​സ് പി​ടി​യി​ൽ. ഇ​ന്ന​ലെ രാത്രിയിൽ കു​റു​മ​ണ്ട​ൽ ക​ല്ലും കു​ന്ന് പ്ര​ദേ​ശ​ത്ത് മോഷണം നടത്തി രക്ഷപെടാൻ ശ്രമിക്കവേ നാട്ടുകാർ ജോ​സി​നെ ഓടിച്ചിട്ട് പിടികൂടിയത്.

പിന്നീട് ഇയാളെ പോ​ലീ​സി​ന് കൈമാറി. ഒ​രാ​ഴ്ച മു​ൻ​പ് പ​ര​വൂ​ർ ദ​യാ​ബ്ജി ജം​ഗ്ഷ​നി​ലു​ള്ള അ​നി​താ ഭ​വ​നി​ൽ നി​ന്നും അ​ൻ​പ​ത് പ​വ​നും അ​ര​ല​ക്ഷം രൂ​പ​യും ക​വ​ർ​ന്ന ജോ​സ് പ​രി​സ​ര​ത്ത് ത​ന്നെ​യു​ള്ള ആ​ൾ​പ്പാ​ർ​പ്പി​ല്ലാ​ത്ത വീ​ട്ടി​ൽ വീ​ണ്ടും മോ​ഷ​ണ​ത്തി​ന് ക​യ​റു​ക​യും അ​വി​ടെ​ത്ത​ന്നെ ഒ​ളി​വി​ൽ ക​ഴി​ഞ്ഞ് മ​റ്റ് മോ​ഷ​ണ​ങ്ങ​ൾ ആ​സൂ​ത്ര​ണം ചെ​യ്തു​വ​രി​ക​യാ​യി​രു​ന്നു.

അ​ട​ച്ചു​പൂ​ട്ടി​കി​ട​ന്ന വീ​ട്ടി​ൽ ആ​ള​ന​ക്കം ക​ണ്ട​തി​നെ തു​ട​ർ​ന്ന് ക​ഴി​ഞ്ഞ​ദി​വ​സം നാ​ട്ടു​കാ​ർ വി​വ​ര​മ​റി​യി​ച്ച​ത​നു​സ​രി​ച്ച് പോ​ലീ​സ് എ​ത്തി​യെ​ങ്കി​ലും ഇ​യാ​ൾ അ​വി​ടെ നി​ന്നും ര​ക്ഷ​പെ​ടു​ക​യാ​യി​രു​ന്നു. പോ​കു​ന്ന​തി​നു മു​ന്പ് താ​ൻ മോ​ഷ​ണം ന​ട​ത്തി​യ വീ​ട്ടു​കാ​ർ​ക്കാ​യി സി​നി​മാ സ്റ്റൈ​ലി​ൽ ഒ​രു കു​റി​പ്പ് എ​ഴു​തി​വ​ച്ചി​രു​ന്നു.

‘നി​ങ്ങ​ൾ അ​ടു​ത്ത പ്രാ​വ​ശ്യം പോ​കു​ന്പോ​ൾ എ​നി​ക്കി​വി​ടെ പൈ​സ​യും സ്വ​ർ​ണ​വും വെ​ച്ചേ​ക്ക​ണം. ഇ​ല്ലെ​ങ്കി​ൽ ഞാ​ൻ ഇ​നി​യും ഇ​വി​ടെ ക​യ​റും. നി​ങ്ങ​ൾ വീ​ടു പൂ​ട്ടി പോ, ​ഗേ​റ്റു പൂ​ട്ടി പോ ​എ​ന്നു ക​ള്ള​ൻ’- ഇ​ങ്ങ​നെ​യാ​യി​രു​ന്നു കു​റി​പ്പ്.

ഒ​ളി​വി​ൽ താ​മ​സി​ച്ച വീ​ട്ടി​ൽ ആ​ഹാ​രം പാ​കം ചെ​യ്ത് ക​ഴി​ക്കു​ക​യും നി​ര​വ​ധി നാ​ശ​ന​ഷ്ട​ങ്ങ​ൾ വ​രു​ത്തു​ക​യും ചെ​യ്യു​ക പ​തി​വാ​ണ്. ക​ഴി​ഞ്ഞ ഏ​താ​നും ദി​വ​സ​ങ്ങ​ളാ​യി പ്ര​ദേ​ശ​വാ​സി​ക​ൾ ഊ​ണും ഉ​റ​ക്ക​വു​മു​പേ​ക്ഷി​ച്ച് ജോ​സി​നെ പി​ടി​ക്കാ​ൻ ജാ​ഗ്ര​താ സ​മി​തി രൂ​പീ​ക​രി​ച്ച് പോ​ലീ​സി​നോ​ടൊ​പ്പം ചേ​ർ​ന്ന് അ​ന്വേ​ഷ​ണം ന​ട​ത്തി​വ​രി​ക​യാ​യി​രു​ന്നു.

ഇ​തി​നി​ട​യി​ൽ നി​ര​വ​ധി സ്ഥ​ല​ങ്ങ​ളി​ൽ ഇ​യാ​ളെ കാ​ണു​ക​യും ത​ല​നാ​രി​ഴ​ക്ക് ര​ക്ഷ​പെ​ട്ടു​വ​രി​ക​യാ​യി​രു​ന്നു. ക​ഴി​ഞ്ഞ ദി​വ​സ​വും നാ​ട്ടു​കാ​ർ അ​ന്വേ​ഷ​ണം ന​ട​ത്തി​വ​രു​ന്ന​തി​നി​ട​യി​ൽ മോ​ഷ​ണം ന​ട​ത്തി​യ ശേ​ഷം മ​തി​ൽ ചാ​ടി ര​ക്ഷ​പ്പെ​ടാ​ൻ ശ്ര​മി​ക്ക​വെ നാ​ട്ടു​കാ​രു​ടെ കൈ​യി​ൽ അ​ക​പ്പെ​ടു​ക​യാ​യി​രു​ന്നു. വീ​ണ്ടും ഓ​ടി ര​ക്ഷ​പെ​ടാ​ൻ ജോ​സ് ശ്ര​മി​ച്ചെ​ങ്കി​ലും പ്ര​ദേ​ശ​വാ​സി​ക​ൾ ഓ​ടി​ച്ചി​ട്ട് പി​ടി​ച്ച് പോ​ലീ​സി​നു കൈ​മാ​റി. ഇ​യാ​ളെ പി​ടി​കൂ​ടി ന​ട​ത്തി​യ പ​രി​ശോ​ധ​ന​യി​ൽ അ​ടി​വ​സ്ത്ര​ത്തി​നു​ള്ളി​ൽ സ്വ​ർ​ണാ​ഭ​ര​ണ​ങ്ങ​ൾ ഉ​ണ്ടാ​യി​രു​ന്നെ​ന്നും നാ​ട്ടു​കാ​ർ പ​റ​ഞ്ഞു.

പൊ​ലീ​സ് ക​സ്റ്റ​ഡി​യി​ൽ എ​ടു​ത്ത ജോ​സി​നെ പാ​രി​പ്പ​ള്ളി മെ​ഡി​ക്ക​ൽ കോ​ളേ​ജി​ൽ ആ​രോ​ഗ്യ പ​രി​ശോ​ധ​ന ന​ട​ത്തി. വി​ശ​ദ​മാ​യ ചോ​ദ്യം ചെ​യ്യ​ലി​നു ശേ​ഷം ജോ​സി​നെ പി​ന്നീ​ട് കോ​ട​തി​യി​ൽ ഹാ​ജ​രാ​ക്കു​മെ​ന്ന് പോ​ലീ​സ് പ​റ​ഞ്ഞു.

ഒ​രാ​ഴ്ച മു​ന്പാ​ണ് ജ​യി​ൽ ശി​ക്ഷ ക​ഴി​ഞ്ഞ് ജോ​സ് പു​റ​ത്തി​റ​ങ്ങി​യ​ത്. അ​ടു​ക്ക​ള വാ​തി​ൽ തീ​യി​ട്ട് വീ​ട്ടി​നു​ള്ളി​ൽ ക​യ​റി മോ​ഷ്ടി​ക്കു​ക​യെ​ന്ന​താ​ണ് മൊ​ട്ട ജോ​സി​ന്‍റെ രീ​തി. തീ ​പു​റ​ത്തു കാ​ണാ​തി​രി​ക്കാ​ൻ ചു​ടു​ക​ട്ട​ക​ൾ വ​യ്ക്കും. ആ​ൾ​താ​മ​സ​മി​ല്ലാ​ത്ത വീ​ടു​ക​ളി​ൽ വാ​തി​ൽ കു​ത്തി​പ്പൊ​ളി​ച്ചാ​ണ് ക​യ​റു​ക. അ​തു കൊ​ണ്ടു​ത​ന്നെ പ​ല​പ്പോ​ഴും മോ​ഷ്ടാ​വ് ആ​രെ​ന്നു പോ​ലീ​സി​ന് പി​ടി കി​ട്ടാ​റു​ണ്ട്.