കണ്ണൂർ: ടി.പി. ചന്ദ്രശേഖരൻ വധക്കേസ് പ്രതി മുഹമ്മദ് ഷാഫിയെ പുകഴ്ത്തിയുള്ള പാട്ട് വൈറലാകുന്നതിനോടൊപ്പം വ്യാപക വിമർശനങ്ങളും സമൂഹമാധ്യമങ്ങളിൽ ഏറ്റുവാങ്ങുന്നു.
തന്നെ പുകഴ്ത്തുന്ന പാട്ട് ഷാഫി തന്നെയാണ് സമൂഹമാധ്യമങ്ങളിൽ പോസ്റ്റ് ചെയ്തിരിക്കുന്നത്.
” ചൊക്ലി ദേശത്ത് എന്നെന്നും കരുത്തായി നമ്മുടെ ഷാഫിക്കായായി….
എന്നെന്നും പാർട്ടിയെ ഓർത്ത്…എന്നെന്നും കനവ് കാണുന്ന…
സുഹൃത്തുക്കൾക്കായി ജന്മം നൽകീടുന്ന ഷാഫിക്ക…
‘ ഇങ്ങനെ പോകുന്നു ഷാഫിയെ പുകഴ്ത്തിയുള്ള പാട്ടിന്‍റെ വരികൾ. മൈക്കിൽ ഈ പാട്ടു പാടുന്പോൾ സമീപത്ത് മുഹമ്മദ് ഷാഫി ഇരുന്ന് ആസ്വദിക്കുന്നതും കാണാം. ഒരു സ്വകാര്യ ചടങ്ങിലാണ് സംഭവം.
ടി.പി. വധക്കേസിലെ പ്രതികൾക്ക് വഴിവിട്ട് പരോൾ നല്കുന്നതായി കെ.കെ. രമ ആരോപിച്ചിരുന്നു.
സർക്കാരിനും മുഖ്യമന്ത്രിക്കും വേണ്ടപ്പെട്ടവർ ആയതിനാലാണ് പരോൾ അനുവദിക്കുന്നതെന്നും രമ ആരോപിച്ചിരുന്നു.
