ആലപ്പുഴ ന​ഗ​ര​ത്തി​ലെ ഓ​ണ​ക്ക​ച്ച​വ​ടം; ഇതര​ സം​സ്ഥാ​ന വ്യാ​പാ​രി​ക​ൾ ഭീ​ഷ​ണി​യെ​ന്ന് സ്ഥി​രം വ്യാ​പാ​രി​ക​ൾ

ആ​ല​പ്പു​ഴ: സ്ഥി​രം വ്യാ​പാ​രി​ക​ൾ​ക്ക് ഭീ​ഷ​ണി​യാ​യി അ​ന്യ​സം​സ്ഥാ​ന ക​ച്ച​വ​ട​ക്കാ​ർ ന​ഗ​ര​ത്തി​ൽ പെ​രു​കു​ന്നു. നി​കു​തി ര​ജി​സ്ട്രേ​ഷ​ൻ എ​ടു​ത്തും നി​കു​തി​യ​ട​ച്ചും ക​ച്ച​വ​ടം ചെ​യ്യു​ന്ന അം​ഗീ​കൃ​ത വ്യാ​പാ​രി​ക​ൾ​ക്ക് ഇ​തു​മൂ​ലം ക​ച്ച​വ​ടം ന​ഷ്ട​പ്പെ​ടു​ന്ന​തി​ൽ പ്ര​തി​ഷേ​ധം ശ​ക്ത​മാ​കു​ന്നു.

ഓ​ണ​ക്ക​ച്ച​വ​ടം ല​ക്ഷ്യ​മി​ട്ടാ​ണ് ന​ഗ​ര​ത്തി​ൽ പ്ര​ത്യേ​കി​ച്ച് മു​ല്ല​യ്ക്ക​ൽ തെ​രു​വി​ൽ ഇതര ​സം​സ്ഥാ​ന വ്യാ​പാ​രി​ക​ൾ വ​ഴി​യോ​ര ക​ച്ച​വ​ട​വു​മാ​യി രം​ഗ​ത്തെ​ത്തി​യി​ട്ടു​ള്ള​ത്. ന​ഗ​ര​സ​ഭ​യ്ക്ക് യാ​തൊ​രു​വി​ധ​ത്തി​ലു​ള്ള നി​കു​തി​യും ന​ൽ​കാ​തെ​യാ​ണ് വ​ർ​ഷം തോ​റും അ​ന്യ​സം​സ്ഥാ​ന​ക്കാ​ർ ന​ഗ​ര​ത്തി​ലെ വ്യാ​പാ​ര മേ​ഖ​ല കൈ​യ​ട​ക്കി സ്ഥി​രം വ്യാ​പാ​രി​ക​ളു​ടെ ക​ച്ച​വ​ടം പി​ടി​ച്ച​ട​ക്കു​ന്ന​ത്. ല​ക്ഷ​ക്ക​ണ​ക്കി​ന് രൂ​പ​യു​ടെ ക​ച്ച​വ​ട​മാ​ണ് ഓ​ണ​ക്കാ​ല​ത്ത് മു​ല്ല​യ്ക്ക​ൽ തെ​രു​വി​ൽ ന​ട​ക്കു​ന്ന​ത്.

നി​കു​തി​യി​ന​ത്തി​ൽ യാ​തൊ​രു​വി​ധ നേ​ട്ട​വും ന​ഗ​ര​സ​ഭ​യ്ക്കോ ഭ​ര​ണ​കൂ​ട​ത്തി​നോ ഇ​തു​മൂ​ല​മു​ണ്ടാ​കു​ന്നി​ല്ല. ഗു​ണ​മേന്മ ഉ​റ​പ്പി​ല്ലാ​ത്ത സാ​ധ​ന​ങ്ങ​ൾ പൊ​തു​വി​പ​ണി​യേ​ക്കാ​ൾ വി​ല​ക്കു​റ​ച്ചാ​ണ് ഇ​വ​ർ വി​ൽ​ക്കു​ന്ന​ത്. ഇ​തു​മൂ​ലം ആ​ളു​ക​ൾ ഇ​വ​രി​ലേ​ക്ക് ആ​ക​ർ​ഷി​ക്ക​പ്പെ​ടു​ന്നു. അ​തേ​സ​മ​യം നി​കു​തി​യും വാ​ട​ക​യും വൈ​ദ്യു​തി ബി​ല്ലും അ​ട​ച്ച് പ്ര​വ​ർ​ത്തി​ക്കു​ന്ന ക​ട​ക​ൾ​ക്ക് ഇ​ത്ത​ര​ത്തി​ൽ വി​ല​കു​റ​ച്ച് സാ​ധ​ന​ങ്ങ​ൾ ന​ൽ​കാ​നാ​കി​ല്ല. ഈ ​സാ​ഹ​ച​ര്യം മു​ത​ലെ​ടു​ത്താ​ണ് ഇതര ​സം​സ്ഥാ​ന​ക്കാ​ർ ന​ഗ​ര​ത്തി​ൽ പി​ടി​മു​റു​ക്കി​യി​രി​ക്കു​ന്ന​ത്.

അ​തേ​സ​മ​യം ചി​ല ക​ച്ച​വ​ട​ക്കാ​ർ അ​വ​രു​ടെ വ്യാ​പാ​ര​വു​മാ​യി ബ​ന്ധ​മി​ല്ലാ​ത്ത ക​ച്ച​വ​ട​ക്കാ​രെ വാ​ട​ക വാ​ങ്ങി​യ​ശേ​ഷം ക​ട​യു​ടെ മു​ന്നി​ൽ ക​ച്ച​വ​ടം ചെ​യ്യാ​ൻ അ​നു​വ​ദി​ക്കു​ന്ന പ്ര​വ​ണ കാ​ണു​ന്നു​ണ്ടെ​ന്ന് കേ​ര​ള വ്യാ​പാ​രി വ്യ​വ​സാ​യി സ​മി​തി ആ​രോ​പി​ക്കു​ന്നു. പ്ര​ശ്ന​ത്തി​ന് പ​രി​ഹാ​രം കാ​ണാ​ൻ ജി​ല്ലാ ഭ​ര​ണ​കൂ​ടം അ​ടി​യ​ന്തി​ര​മാ​യി ഇ​ട​പെ​ട​ണ​മെ​ന്നാ​ണ് വ്യാ​പാ​രി വ്യ​വ​സാ​യി സ​മി​തി​യു​ടെ ആ​വ​ശ്യം. പ​രി​ഹാ​ര​മു​ണ്ടാ​യി​ല്ലെ​ങ്കി​ൽ പ്ര​ത്യ​ക്ഷ സ​മ​ര​പ​രി​പാ​ടി​ക​ളാ​രം​ഭി​ക്കാ​നും സം​ഘ​ട​ന​യ്ക്ക് തീ​രു​മാ​ന​മു​ണ്ട്.