നേരെ ചൊവ്വേ അല്ലെങ്കിൽ പാർക്ക് വേണ്ട; കാ​മു​കീ​കാ​മു​കന്മാ​രു​ടെ സ​ല്ലാ​പ കേ​ന്ദ്രമായി ച​ങ്ങ​നാ​ശേ​രി മു​നി​സി​പ്പ​ൽ പാ​ർ​ക്ക്; അതിരുവിട്ട പ്രവൃത്തികൾ മൂലം  കുടുംബമായെത്തുന്നവർ പാർക്കിനെ കൈയൊഴിഞ്ഞ അവസ്ഥ

ച​ങ്ങ​നാ​ശേ​രി: ച​ങ്ങ​നാ​ശേ​രി പൂ​വ​ക്കാ​ട്ടു​ചി​റ​യി​ലു​ള്ള മു​നി​സി​പ്പ​ൽ പാ​ർ​ക്ക് അ​സാന്മാ​ർ​ഗി​ക​ത​യു​ടെ പ​ര​സ്യ താ​വ​ള​മാ​യി. നി​യ​ന്ത്രി​ക്കേ​ണ്ട അ​ധി​കാ​രി​ക​ൾ ക​ണ്ടി​ട്ടും ക​ണ്ടി​ല്ലെ​ന്നു ന​ടി​ക്കു​ന്നു. അ​തി​രു​വി​ട്ട സ​ല്ലാ​പ​ങ്ങ​ൾ കു​ട്ടി​ക​ളു​മാ​യെ​ത്തു​ന്ന മാ​താ​പി​താ​ക്ക​ൾ​ക്ക് ബു​ദ്ധി​മു​ട്ടാ​യ​തോ​ടെ കു​ടും​ബ​ങ്ങ​ൾ ഈ ​പാ​ർ​ക്കി​ൽ എ​ത്താ​താ​യി. ക​ഴി​ഞ്ഞ കു​റേ​ക്കാ​ല​മാ​യാ​ണ് ഈ ​മു​നി​സി​പ്പ​ൽ പാ​ർ​ക്ക് കാ​മു​കീ​കാ​മു​കന്മാ​രു​ടെ സ​ല്ലാ​പ കേ​ന്ദ്ര​മാ​യ​ത്.

കോ​ട്ട​യം, പ​ത്ത​നം​തി​ട്ട, ആ​ല​പ്പു​ഴ, കൊ​ല്ലം ജി​ല്ല​ക​ളി​ലെ വി​വി​ധ ഹ​യ​ർ​സെ​ക്ക​ൻ​ഡ​റി സ്കൂ​ളു​ക​ൾ, കോ​ള​ജു​ക​ൾ, ടെ​ക്നി​ക്ക​ൽ സ്ഥാ​പ​ന​ങ്ങ​ൾ എ​ന്നി​വി​ട​ങ്ങ​ളി​ൽ നി​ന്നു​ള്ള വി​ദ്യാ​ർ​ഥി, വി​ദ്യാ​ർ​ഥി​നി​ക​ളാ​ണ് ഇ​വി​ടെ സ​ല്ലാ​പ​ത്തി​നെ​ത്തു​ന്ന​ത്. ന​ഗ​ര​വാ​സി​ക​ൾ​ക്ക് സാ​യാ​ഹ്ന​ങ്ങ​ളി​ൽ ഉ​ല്ല​സി​ക്കാ​നാ​യി ആ​രം​ഭി​ച്ച പാ​ർ​ക്കാ​ണ് ഇ​ന്ന് അ​ധാ​ർ​മി​ക​ത​യു​ടെ താ​വ​ള​മാ​യി വ​ള​രു​ന്ന​ത്.

സ്കൂ​ളി​ലും കോ​ള​ജി​ലും പോ​കു​ന്ന​തി​നാ​യി യൂ​ണി​ഫോ​മ​ണി​ഞ്ഞ് ബാ​ഗും ചേ​ാറും എ​ടു​ത്ത് വീ​ട്ടി​ൽ നി​ന്നി​റ​ങ്ങു​ന്ന ചി​ല ആ​ണ്‍​കു​ട്ടി​ക​ളും പെ​ണ്‍​കു​ട്ടി​ക​ളു​മാ​ണ് ഈ ​പാ​ർ​ക്കി​ൽ എ​ത്തു​ന്ന​ത്. ചി​ല കേ​ന്ദ്ര​ങ്ങ​ളി​ലെ​ത്തി ഇ​വ​ർ യൂ​ണി​ഫോം മാ​റി വേ​റെ വ​സ്ത്ര​ങ്ങ​ൾ അ​ണി​ഞ്ഞാ​ണ് പാ​ർ​ക്കി​ൽ പ്ര​വേ​ശി​ക്കു​ന്ന​ത്. പ​ത്തു​രൂ​പ ഗേ​റ്റ് പാ​സ് വാ​ങ്ങി അ​ക​ത്തു​ക​ട​ന്നാ​ൽ പി​ന്നെ പാ​ർ​ക്ക് അ​വ​രു​ടെ വി​ഹാ​ര കേ​ന്ദ്ര​മാ​യി മാ​റു​ക​യാ​ണ്. ജോ​ഡി​ക​ളാ​യി തി​രി​ഞ്ഞ് ഇ​രി​പ്പി​ട​ങ്ങ​ളി​ൽ സ്ഥാ​നം പി​ടി​ച്ചാ​ണ് പ്ര​ണ​യ സ​ല്ലാ​പ​ങ്ങ​ളി​ലും കാ​മ​കേ​ളി​ക​ളി​ലും വി​രാ​ജി​ക്കു​ന്ന​ത്.

സ്കൂ​ളും കോ​ള​ജും വി​ടു​ന്ന മൂ​ന്ന​ര​യോ​ടെ ചി​ല​ർ മ​ട​ങ്ങും. മ​റ്റു ചി​ല​ർ പാ​ർ​ക്ക് അ​ട​യ്ക്കു​ന്ന​തു​വ​രെ ഇ​വി​ടെ ക​ഴി​ഞ്ഞു കൂ​ടും. പ​ര​സ്യ ചും​ബ​ന​ങ്ങ​ളും ആ​ലിം​ഗ​ന​ങ്ങ​ളും മ​രം​ചു​റ്റി പ്രേ​മ​വും സെ​ൽ​ഫി എ​ടു​ക്ക​ലും ഇ​വി​ടെ പു​തു​മ​യ​ല്ലാ​ത്ത കാ​ഴ്ച​യാ​ണ്. മ​റ്റാ​രും ക​ണ്ടാ​ലും ഇ​വ​ർ​ക്ക് ല​ജ്ജ​യു​മി​ല്ല​ത്രേ. കു​ടും​ബ​മാ​യി എ​ത്തു​ന്ന​വ​ർ ഈ ​കേ​ളീ​വി​ലാ​സ​ങ്ങ​ൾ ക​ണ്ട് മു​ഖം തി​രി​ക്കും. പി​ന്നെ ഈ ​പാ​ർ​ക്കി​ലേ​ക്കി​ല്ലെ​ന്ന പ്ര​തി​ജ്ഞ എ​ടു​ത്താ​ണ് പോ​കു​ന്ന​ത്.

പ​ടി​ഞ്ഞാ​റു ഭാ​ഗ​ത്തു​ള്ള ട്രെ​യി​ൻ ബോ​ഗി​ക​ളും അ​നാ​ശാ​സ്യ കേ​ന്ദ്ര​മാ​യി​ട്ടു​ണ്ട്. പാ​ർ​ക്കി​ൽ ക്രി​മി​ന​ൽ സം​ഘ​ങ്ങ​ളും ക​ഞ്ചാ​വ്, മ​യ​ക്കു​മ​രു​ന്നു സം​ഘ​ങ്ങ​ളും പ്ര​വ​ർ​ത്തി​ക്കു​ന്ന​താ​യും പ​രാ​തി​യു​ണ്ട്.പാ​ർ​ക്കി​ലെ ജീ​വ​ന​ക്കാ​ർ എ​തി​ർ​ത്താ​ൽ അ​വ​രു​ടെ നേ​രെ ത​ട്ടി​ക്ക​യ​റു​മെ​ന്നു മാ​ത്ര​മ​ല്ല, അ​ക്ര​മം​വ​രെ നേ​രി​ടേ​ണ്ടി വ​രു​ന്ന​താ​യാ​ണ് പ​റ​യു​ന്ന​ത്. പോ​ലീ​സ് എ​ത്തി ഇ​ക്കൂ​ട്ട​രെ ചോ​ദ്യം ചെ​യ്താ​ലും പ്രാ​യ​പൂ​ർ​ത്തി​യാ​യ​വ​രാ​ണെ​ന്നു​ള്ള നി​യ​മ​വ​ശ​ങ്ങ​ൾ പ​റ​ഞ്ഞ് ഇ​വ​ർ പോ​ലീ​സി​നെ മ​ട​ക്കി അ​യ​ക്കു​ക​യാ​ണ് പ​തി​വ്.

നി​യ​മ​സാ​ക്ഷ​ര​ത​യി​ലും സാം​സ്കാ​രി​ക രം​ഗ​ത്തും ത​ല​യു​യ​ർ​ത്തി നി​ൽ​ക്കു​ന്ന ച​ങ്ങ​നാ​ശേ​രി ന​ഗ​ര​ത്തി​ൽ പാ​ർ​ക്കി​ന്‍റെ മ​റ​വി​ൽ അ​ധാ​ർ​മി​ക​ത വ​ള​രു​ന്ന​ത് അ​നു​വ​ദി​ക്കാ​നാ​വി​ല്ലെ​ന്നാ​ണ് ന​ഗ​ര​വാ​സി​ക​ൾ ചൂ​ണ്ടി​ക്കാ​ട്ടു​ന്ന​ത്. നേ​രെ ചൊ​വ്വേ ന​ട​ത്താ​ൻ സാ​ധി​ക്കു​ന്നി​ല്ലെ​ങ്കി​ൽ ഇ​ങ്ങ​നെ​യൊ​രു പാ​ർ​ക്ക് പ്ര​വ​ർ​ത്തി​ക്ക​ണ​മോ എ​ന്ന അ​ഭി​പ്രാ​യ​വും ഉ​യ​ർ​ന്നു​ട്ടു​ണ്ട്.

Related posts