ബിജു ഇത്തിത്തറ
കടുത്തുരുത്തി: ഫോണിൽ നെറ്റ് കിട്ടുന്നില്ല, അധ്യാപകൻ ഓണ്‍ലൈൻ ക്ലാസ്‌സെടുക്കുന്നത് വീടിന്‍റെ ടെറസിലിരുന്ന്. പിറവം ഹോളി കിംഗ്സ് പബ്ലിക് സ്കൂളിലെ അധ്യാപകൻ അരുണാശ്ശേരി പുത്തൻപുരയ്ക്കൽ ഷിനോമോൻ ജോസഫാണ് ക്ലാസെടുക്കാൻ കുടയും പിടിച്ചു വാർക്കപ്പുറത്ത് സ്ഥലം കണ്ടെത്തിയത്.
ആറ് മുതൽ പത്ത് വരെ ക്ലാസ്‌സിലെ ഇംഗ്ലീഷ് അധ്യാപകനായ ഇദ്ദേഹത്തിന് നെറ്റ് വർക്ക് പ്രശ്നങ്ങളുള്ളതിനാൽ തടസങ്ങളില്ലാതെ ക്ലാസ്‌സെടുക്കാൻ കഴിയുന്നില്ല. വീടിനുള്ളിൽ ഒരു നെറ്റ് വർക്കിനും റേഞ്ച് കിട്ടില്ലെന്ന് ഇദേഹം പറയുന്നു.
റേഞ്ച് അൽപമെങ്കിലും കിട്ടുന്നത് വീടിന്‍റെ മുകളിലാണ്. എന്നാൽ ഇതും ഇടയ്ക്കൊക്കെ കാട്ടാകും. ക്ലാ‌സെടുക്കുന്ന സമയത്ത് പലപ്പോഴും മഴയായതിനാൽ ഒരു കയ്യിൽ കുടയും പിടിച്ചു വേണം ക്ലാസെ‌ടുക്കാനെന്നും ഇദേഹം പറയുന്നു.
തടസങ്ങളില്ലാതെ ക്ലാസ് എടുക്കാൻ കഴിയാത്തതിനാൽ വിദ്യാർഥികൾ പരാതിപ്പെടാറുണ്ടെന്നും ഇദേഹം പറയുന്നു. അമ്മ ത്രേസ്യാമ്മയ്ക്കൊപ്പമാണ് ഷിനോമോൻ കഴിയുന്നത്.
