സം​സ്ഥാ​ന സെ​ക്ര​ട്ട​റി​യേ​റ്റ്: പി​ണ​റാ​യി​യു​ടെ അ​നി​ഷ്ടം പി.​ജ​യ​രാ​ജ​ന് വി​ന​യാ​യി 

എം.​ജെ ശ്രീ​ജിത്ത്
തി​രു​വ​ന​ന്ത​പു​രം: പു​തി​യ സി.​പി.​എം സം​സ്ഥാ​ന സെ​ക്ര​ട്ട​റി​യേ​റ്റി​ൽ ഇ​ത്ത​വ​ണ ഉ​ൾ​പ്പെ​ടു​മെ​ന്ന് പ്ര​തീ​ക്ഷി​ച്ചി​രു​ന്ന ക​ണ്ണൂ​ർ ജി​ല്ലാ സെ​ക്ര​ട്ട​റി പി ​ജ​യ​രാ​ജ​ൻ ഒ​ഴി​വാ​ക്ക​പ്പെ​ട്ട​തി​ന് പി​ന്നി​ൽ ക​ണ്ണൂ​രി​ലെ ഷു​ഹൈ​ബ് കൊ​ല​പാ​ത​ക​വും വ്യ​ക്തി​പൂ​ജ വി​വാ​ദ​വും. സം​സ്ഥാ​ന സ​മി​തി​യി​ൽ മു​തി​ർ​ന്ന അം​ഗ​ങ്ങ​ളി​ൽ പ്ര​മു​ഖ​നാ​യ പി ​ജ​യ​രാ​ജ​ൻ ഇ​ത്ത​വ​ണ സം​സ്ഥാ​ന സെ​ക്ര​ട്ട​റി​യേ​റ്റി​ൽ ഉ​ൾ​പ്പെ​ടു​മെ​ന്ന് അ​ദ്ദേ​ഹ​ത്തോ​ട് അ​ടു​പ്പ​മു​ള്ള​വ​രും ക​ണ്ണൂ​രി​ലെ സി​പി​എം നേ​തൃ​ത്വ​വും ഏ​റെ​ക്കു​റെ ഉ​റ​പ്പി​ച്ചി​രു​ന്ന​താ​ണ്.

എ​ന്നാ​ൽ പി ​ജ​യ​രാ​ജ​നെ ഉ​ൾ​പ്പെ​ടു​ത്തേ​ണ്ടെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​നും സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​നും ത​മ്മി​ൽ ഏ​റെ​ക്കു​റെ ധാ​ര​ണ​യി​ലെ​ത്തി​യി​രു​ന്നു. യു​ത്ത് കോ​ണ്‍​ഗ്ര​സ് പ്ര​വ​ർ​ത്ത​ക​ൻ ഷു​ഹൈ​ബി​ന്‍റെ കൊ​ല​പാ​ത​കം സം​സ്ഥാ​ന സ​ർ​ക്കാ​രി​നെ ഇ​പ്പോ​ഴും വേ​ട്ട​യാ​ടി​കൊ​ണ്ടി​രി​ക്കു​ക​യാ​ണ്. കൊ​ല​പാ​ത​ക​ത്തി​ലെ മു​ഖ്യ​പ്ര​തി​യാ​യ ആ​കാ​ശ് തി​ല്ല​ങ്ക​രി അ​ട​ക്ക​മു​ള്ള​വ​ർ പി ​ജ​യ​രാ​ജ​നു​മാ​യി അ​ടു​ത്ത ബ​ന്ധ​മു​ള്ള​വ​രാ​ണ്.

ഈ ​കൊ​ല​പാ​ത​ക​ത്തി​ൽ ശ​ക്ത​മാ​യ പ്ര​തി​ഷേ​ധം ഉ​യ​ർ​ന്ന സാ​ഹ​ച​ര്യ​ത്തി​ൽ ആ​കാ​ശ് ഉ​ൾ​പ്പെ​ട​യു​ള്ള​വ​ർ​ക്ക് അ​നു​കൂ​ല​മാ​യി സം​സാ​രി​ച്ച​തും പോ​ലീ​സ് അ​ന്വേ​ഷ​ണ​ത്തെ ക​ടു​ത്ത ഭാ​ഷ​യി​ൽ വി​മ​ർ​ശി​ച്ച​തും മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ അ​നി​ഷ്ട​ത്തി​ന് കാ​ര​ണ​മാ​യി​രു​ന്നു. ഇ​തു സി.​പി.​എം സം​സ്ഥാ​ന സ​മ്മേ​ള​ന വേ​ദി​യി​ൽ വ​ച്ചു ത​ന്നെ പി​ണ​റാ​യി പ്ര​ക​ടി​പ്പി​ച്ചി​രു​ന്നു. സം​സ്ഥാ​ന സ​മ്മേ​ള​ന ച​ർ​ച്ച​യി​ക്കി​ട​യി​ൽ പി ​ജ​യ​രാ​ജ​നെ മാ​റ്റി നി​ർ​ത്തി പി​ണ​റാ​യി ക​ടു​ത്ത ഭാ​ഷ​യി​ൽ ശാ​സി​ച്ചി​രു​ന്നു.

ആ​ഭ്യ​ന്ത​ര വ​കു​പ്പി​നെ വി​മ​ർ​ശി​ച്ച പി ​ജ​യ​രാ​ജ​ന്‍റെ ന​ട​പ​ടി​യി​ൽ കോ​ടി​യേ​രി ബാ​ല​കൃ​ഷ്ണ​നും എ​തി​ർ​പ്പു പ്ര​ക​ടി​പ്പി​ക്കു​ക​യും ജ​യ​രാ​ജ​ന്‍റെ പ്ര​സ്താ​വ​ന​യെ ത​ള്ളി​പ്പ​റ​യു​ക​യും ചെ​യ്തി​രു​ന്നു. ഇ​തു കൂ​ടാ​തെ ജ​യ​രാ​ജ​നെ പു​ക​ഴ്ത്തി കൊ​ണ്ട് പു​റ​ത്തി​റ​ങ്ങി​യ പാ​ട്ടി​നെ വ്യ​ക്തി​പൂ​ജ​യാ​യി ക​ണ്ട് അ​തി​നെ ക​ടു​ത്ത ഭാ​ഷ​യി​ൽ സം​സ്ഥാ​ന നേ​തൃ​ത്വം വി​മ​ർ​ശി​ക്കു​ക​യും ത​ള്ളി​പ്പ​റ​യു​ക​യും ചെ​യ്തി​രു​ന്നു.

സ്വ​യം മ​ഹ​ത് വ​ത്കി​രി​ക്കാ​നു​ള്ള ശ്ര​മ​മാ​ണെ​ന്നും ഇ​തി​നെ പ്രോ​ത്സാ​ഹി​പ്പി​ക്കു​ന്ന ന​ട​പ​ടി​യാ​യി ക​ണ്ട് അ​ച്ച​ട​ക്ക ന​ട​പ​ടി എ​ന്ന നി​ല​യി​ൽ പ​ര​സ്യ ശാ​സ​ന ന​ൽ​കു​ക​യും ചെ​യ്തി​രു​ന്നു. സം​സ്ഥാ​ന സെ​ക്ര​ട്ട​റി​യേ​റ്റി​ൽ വി.​വി ദ​ക്ഷി​ണാ​മൂ​ർ​ത്തി​യു​ടെ മ​ര​ണ​ത്തെ തു​ട​ർ​ന്ന് ഒ​രൊ​ഴി​വ് ഉ​ണ്ടാ​യി​രു​ന്നു. സ്വാ​ഭാ​വി​ക​മാ​യും ഈ ​ഒ​ഴി​വി​ലേ​യ്ക്ക് പി ​ജ​യ​രാ​ജ​ൻ വ​രു​മെ​ന്ന ത​ര​ത്തി​ൽ വാ​ർ​ത്ത​യും പു​റ​ത്തു വ​ന്നു.

സീ​നി​യോ​റി​റ്റി ഉ​ൾ​പ്പ​ടെ എ​ല്ലാം മ​റി​ക​ട​ന്ന് സെ​ക്ര​ട്ട​റി​യേ​റ്റി​ൽ ഇ​ടം പി​ടി​ച്ച​ത് എ​റ​ണാ​കു​ളം ജി​ല്ലാ സെ​ക്ര​ട്ട​റി പി ​രാ​ജീ​വും കൊ​ല്ലം ജി​ല്ലാ സെ​ക്ര​ട്ട​റി കെ.​എ​ൻ ബാ​ല​ഗോ​പാ​ലും. ജി​ല്ലാ സെ​ക്ര​ട്ട​റി​മാ​രി​ൽ ഏ​റ്റ​വും മി​ക​ച്ച​വ​രെ​യാ​ണ് സെ​ക്ര​ട്ട​റി​യേ​റ്റി​ൽ ഉ​ൾ​പ്പെ​ടു​ത്തി​യ​തെ​ന്ന വാ​ർ​ത്ത​യും പു​റ​ത്തു വ​ന്ന​തും ജ​യ​രാ​ജ​നേ​യും അ​ദ്ദേ​ഹ​ത്തി​ന്‍റെ അ​ടു​പ്പ​ക്കാ​രേ​യും ഞെ​ട്ടി​ച്ചി​രി​ക്കു​ക​യാ​ണ്.

ക​ണ്ണൂ​രി​ൽ നി​ന്നു​ള്ള സെ​ക്ര​ട്ട​റി​യേ​റ്റ് അം​ഗ​ങ്ങ​ൾ കൂ​ടു​ത​ലാ​യ​തി​നാ​ലാ​ണ് പി ​ജ​യ​രാ​ജ​നെ ഒ​ഴി​വാ​ക്കി​യ​തെ​ന്ന വാ​ദ​വും ഇ​തി​ന​കം പു​റ​ത്തു​വ​ന്നി​ട്ടു​ണ്ട്. എ​ന്നാ​ൽ ഇ​തൊ​ന്നു​മ​ല്ല പി​ണ​റാ​യി​യു​ടെ അ​തൃ​പ്തി​യാ​ണ് ജ​യ​രാ​ജ​ന്‍റെ സെ​ക്ര​ട്ട​റി​യേ​റ്റ് പ്ര​വേ​ശ​ന​ത്തെ ത​ട​ഞ്ഞ​തെ​ന്ന് വ്യ​ക്ത​മാ​ണ്.

ക​ണ്ണൂ​രി​ലെ പാ​ർ​ട്ടി​യു​ടെ സ​മീ​പ​കാ​ല​ത്തെ പോ​ക്കി​ൽ മു​ഖ്യ​മ​ന്ത്രി​യ്ക്കും കേ​ന്ദ്ര നേ​തൃ​ത്വ​ത്തി​നും ക​ടു​ത്ത അ​തൃ​പ്തി​യാ​ണ്. ഇ​ക്കാ​ര്യം സം​സ്ഥാ​ന സ​മി​തി​യി​ലും സ​മ്മേ​ള​ന​ങ്ങ​ളി​ലു​മെ​ല്ലാം പ്ര​തി​ഫ​ലി​ച്ചി​രു​ന്നു. പാ​ർ​ട്ടി നേ​തൃ​ത്വ​ത്തി​ന് മു​ക​ളി​ലേ​യ്ക്ക് ജി​ല്ലാ നേ​തൃ​ത്വം വ​ള​രു​ന്ന​ത് അം​ഗീ​ക​രി​ക്കാ​ൻ ക​ഴി​യി​ല്ലെ​ന്ന ശ​ക്ത​മാ​യ നി​ല​പാ​ടി​ലാ​ണ് സം​സ്ഥാ​ന കേ​ന്ദ്ര​നേ​തൃ​ത്വ​ങ്ങ​ൾ.