കാ​റി​ൽ പി​ൻ​തു​ട​ർ​ന്നെ​ത്തി തോ​ക്കു​ചൂ​ണ്ടി ഒ​ന്ന​ര ല​ക്ഷം ത​ട്ടി​യെ​ടു​ത്തെ​ന്നു പ​രാ​തി; കാഞ്ഞിരപ്പള്ളിയിൽ നടന്ന തട്ടിപ്പിനെക്കറിച്ച് പോലീസിന്‍റെ  നിഗമം ഇങ്ങനെ… 

കോ​ട്ട​യം: കാ​ഞ്ഞി​ര​പ്പ​ള്ളി​ക്ക​ടു​ത്ത് 26-ാം മൈ​ലി​ൽ വ​ച്ച് ആ​നി​ക്കാ​ട് സ്വ​ദേ​ശി​യെ പ​രി​ച​യം ഭാ​വി​ച്ചു​കൊ​ണ്ടു​പോ​യി ഒ​ന്ന​ര ല​ക്ഷം രൂ​പ മൊ​ബൈ​ൽ ബാ​ങ്കിം​ഗ് മു​ഖേ​ന ത​ട്ടി​യെ​ടു​ത്ത​താ​യി പ​രാ​തി. ഇ​ന്ന​ലെ​യാ​ണ് സം​ഭ​വം. കാ​ഞ്ഞി​ര​പ്പ​ള്ളി പോ​ലീ​സ് കേ​സെ​ടു​ത്ത് അ​ന്വേ​ഷ​ണം ഉൗ​ർ​ജി​ത​മാ​ക്കി. നാ​ലം​ഗ സം​ഘ​മാ​ണ് പ​ണം ത​ട്ടി​യെ​ടു​ത്ത​തി​നു പി​ന്നി​ൽ. വ​സ്തു ക​ച്ച​വ​ട​ക്കാ​രാ​ണോ ഇ​തി​നു പി​ന്ന​ലെ​ന്നു പോ​ലീ​സ് സം​ശ​യി​ക്കു​ന്നു.

ആ​നി​ക്കാ​ട് സ്വ​ദേ​ശി ആ​ന്‍റ​ണി സ​ഖ​റി​യാ​സ് എ​ന്ന​യാ​ളെ​യാ​ണ് ത​ട്ടി​ക്കൊ​ണ്ടു​പോ​യ​ത്. കാ​ഞ്ഞി​ര​പ്പ​ള്ളി പേ​ട്ട ക​വ​ല​യി​ൽ വ​ച്ച് പ​രി​ച​യം ന​ടി​ച്ച് ഒ​രാ​ൾ ആ​ന്‍റ​ണി സ​ഖ​റി​യാ​യു​ടെ ക​റി​ൽ ക​യ​റി. 26-ാം മൈ​ലി​ലേ​ക്ക് എ​ന്നു പ​റ​ഞ്ഞാ​ണ് ക​യ​റി​യ​ത്. അ​ൽ​പം ക​ഴി​ഞ്ഞ​പ്പോ​ൾ മ​റ്റു നാ​ല് പ്ര​തി​ക​ൾ കാ​റി​ൽ പി​ൻ​തു​ട​ർ​ന്നു.

ആ​ളൊ​ഴി​ഞ്ഞ ഭാ​ഗ​ത്ത് എ​ത്തി​യ​പ്പോ​ൾ പി​ന്നി​ലൂ​ടെ വ​ന്ന കാ​ർ ആ​ന്‍റ​ണി സ​ഖ​റി​യാ​യു​ടെ കാ​റി​നെ വി​ല​ങ്ങി. പി​ന്നീ​ട് തോ​ക്കു ചൂ​ണ്ടി ആ​ന്‍റ​ണി സ​ഖ​റി​യാ​യെ വി​ര​ട്ടി ആ​ദ്യം കാ​ൽ ല​ക്ഷം രൂ​പ​യും പി​ന്നീ​ട് ഒ​ന്നേ​കാ​ൽ ല​ക്ഷ​വും മൊ​ബൈ​ൽ ബാ​ങ്കിം​ഗ് മു​ഖേ​ന മ​റ്റൊ​രാ​ളു​ടെ അ​ക്കൗ​ണ്ടി​ലേ​ക്ക് ട്രാ​ൻ​സ്ഫ​ർ ചെ​യ്യി​ച്ചു​വെ​ന്നാ​ണ് പ​രാ​തി. ആ​ന്‍റ​ണി സ​ഖ​റി​യാ​സി​ന്‍റെ പ​രാ​തി​യി​ൽ കാ​ഞ്ഞി​ര​പ്പ​ള്ളി പോ​ലീ​സ് കേ​സെ​ടു​ത്തു.

അ​തേ സ​മ​യം വ​സ്തു ക​ച്ച​വ​ടം സം​ബ​ന്ധി​ച്ച ത​ർ​ക്ക​മോ ക​മ്മീ​ഷ​ൻ ഇ​ട​പാ​ടോ ആ​ണ് ഇ​തി​നു പി​ന്നി​ലെ​ന്നു പോ​ലീ​സ് സം​ശ​യി​ക്കു​ന്നു. പ്ര​തി​ക​ളെ ക​ണ്ടെ​ത്താ​ൻ ഉൗ​ർ​ജി​ത​മാ​യ അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.