തെ​ര​ഞ്ഞെ​ടു​പ്പാ​യാ​ൽ പ്രചാരണം കൊഴുപ്പിക്കാൻ പാ​ര​ഡി വേ​ണം; പാ​ട്ടു​ക​ളു​മാ​യി  ന​ജീ​ബും ക​രീ​മും ത​യാ​ർ

തൊ​ടു​പു​ഴ: തെ​ര​ഞ്ഞെ​ടു​പ്പാ​യാ​ൽ വ​ണ്ണ​പ്പു​റം സ്വ​ദേ​ശി​ക​ളാ​യ ന​ജീ​ബി​നും ക​രീ​മി​നും തി​ര​ക്കോ​ട് തി​ര​ക്കാ​ണ്. വി​വി​ധ പാ​ർ​ട്ടി സ്ഥാ​നാ​ർ​ഥി​ക​ളു​ടെ പ്ര​ചാര​ണം കൊ​ഴു​പ്പി​ക്കാ​നു​ള്ള പാ​ര​ഡി​പ്പാ​ട്ടു​ക​ൾ ഇ​വ​രി​ൽ നി​ന്നാ​ണ് പ​ല മ​ണ്ഡ​ല​ത്തി​ലെ​യും വോ​ട്ട​ർ​മാ​ർ ഈ ​തെ​ര​ഞ്ഞെ​ടു​പ്പു കാ​ല​ത്തും കേ​ൾ​ക്കാ​ൻ പോ​കു​ന്ന​ത്. ലോ​ക്സ​ഭാ തെ​ര​ഞ്ഞെ​ടു​പ്പ് അ​ടു​ത്ത​തോ​ടെ ത​ക​ർ​പ്പ​ൻ പാ​ട്ടു​ക​ളു​ടെ പാ​ര​ഡി​ക​ളു​മാ​യി തെര​ഞ്ഞെ​ടു​പ്പ് പ്ര​ചാ​ര​ണ രം​ഗം കൊ​ഴു​പ്പി​ക്കാ​നു​ള്ള മ​ത്സ​ര​ത്തി​ലാ​ണ് മു​ന്ന​ണി​ക​ൾ. ഇ​തോ​ടെ​യാ​ണ് പാ​ര​ഡി ഗാ​നരം​ഗ​ത്ത് ശ്ര​ദ്ധേ​യ​രാ​യ ഇ​രു​വ​ർ​ക്കും തി​ര​ക്കാ​യ​ത്.

ഇ​രു​പ​തു വ​ർ​ഷ​ത്തോ​ള​മാ​യി തെര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് രാഷ്‌ട്രീ​യ പാ​ർ​ട്ടി​ക​ൾ​ക്കാ​യി പാ​ര​ഡി പ്പാ​ട്ടു​ക​ൾ ത​യാ​റാ​ക്കി ന​ൽ​കി രം​ഗ​ത്തു​ണ്ട് സു​ഹൃ​ത്തു​ക്ക​ളാ​യ ന​ജീ​ബും ക​രീ​മും. തെര​ഞ്ഞെ​ടു​പ്പ് കാ​ല​മാ​യാ​ൽ പാ​ർ​ട്ടി ഏ​തെ​ന്നു നോ​ക്കാ​തെ​യാ​ണ് പാ​ര​ഡി ഗാ​ന​ങ്ങ​ൾ ഉ​ൾ​പ്പെ​ടെ​യു​ള്ള തെര​ഞ്ഞെ​ടു​പ്പ് പ്ര​ചാ​ര​ണഗാ​ന​ങ്ങ​ൾ​ക്കാ​യി വേ​ലി​ക്ക​ക​ത്ത് വി.​ഐ. ന​ജീ​ബി​ന്‍റെ വ​ണ്ണ​പ്പു​റ​ത്തെ ഫോ​ണോ മ​ൾ​ട്ടി​മീ​ഡി​യ സ്റ്റു​ഡി​യോ തേ​ടി ദൂ​രെ സ്ഥ​ല​ങ്ങ​ളി​ൽ​നി​ന്നു​പോ​ലും പാ​ർ​ട്ടി പ്ര​വ​ർ​ത്ത​ക​ർ എ​ത്തു​ന്നു.

കൂ​ട്ടു​കാ​ര​നാ​യ ക​ണ്ണി​ക്കാ​ട്ട് ക​രീ​മാ​ണ് പാ​ര​ഡി ഗാ​ന​ങ്ങ​ളു​ടെ ര​ച​യി​താ​വ്. ചി​ട്ട​പ്പെ​ടു​ത്തി ന​ൽ​കി റി​ക്കാ​ർ​ഡ് ചെ​യ്യു​ന്ന​തു​വ​രെ​യു​ള്ള ചു​മ​ത​ല ന​ജീ​ബി​നാ​ണ് .പ​ഴ​യ​കാ​ല ഹി​റ്റ് ഗാ​ന​ങ്ങ​ൾ മു​ത​ൽ ന്യൂ ​ജ​ന​റേ​ഷ​ൻ പാ​ട്ടു​ക​ൾ വ​രെ സ്റ്റു​ഡി​യോ​യി​ൽ പാ​ര​ഡി​യാ​യി പു​ന​ർ​ജ​നി​ക്കു​ന്നു. മാ​പ്പി​ള​പ്പാ​ട്ടു​ക​ളു​ടെ ഈ​ണ​ത്തി​ലു​ള്ള പാ​ര​ഡി ഗാ​ന​ങ്ങ​ളും പ്ര​ചാ​ര​ണം കൊ​ഴു​പ്പി​ക്കാ​ൻ ഇ​റ​ക്കാ​റു​ണ്ട്.

ഭ​ര​ണനേ​ട്ട​ങ്ങ​ൾ ഉ​യ​ർ​ത്തി​ക്കാ​ട്ടി ഭ​ര​ണ​പ​ക്ഷം പാ​ര​ഡിപ്പാ​ട്ടു​ക​ൾ ഇ​റ​ക്കി അ​ര​ങ്ങ് കൊ​ഴു​പ്പി​ക്കു​ന്പോ​ൾ ഭ​ര​ണ​ത്തി​ലെ കോ​ട്ട​ങ്ങ​ൾ തു​റ​ന്നു​കാ​ട്ടി​യാ​ണ് പ്ര​തി​പ​ക്ഷം പാ​ര​ഡിപ്പാ​ട്ടു​ക​ൾ ഇ​റ​ക്കു​ന്ന​ത്. ആ​രെ​യും വ്യ​ക്തി​പ​ര​മാ​യി അ​ധി​ക്ഷേ​പി​ക്കു​ന്ന ത​ര​ത്തി​ലു​ള്ള പ​രാ​മ​ർ​ശ​ങ്ങ​ളൊ​ന്നും വ​രി​ക​ളി​ൽ ഉ​ൾ​പ്പെ​ടു​ത്താ​റി​ല്ലെ​ന്നു ന​ജീ​ബ് പ​റ​യു​ന്നു.

ഒ​രു പാ​ര​ഡി ഗാ​നം എ​ഴു​തി റിക്കാർഡ് ചെ​യ്തു കൊ​ടു​ക്കു​ന്ന​തി​നു അ​യ്യാ​യി​രം രൂ​പ​യാ​ണ് ഈ​ടാ​ക്കു​ന്ന​ത്. പാ​ര​ഡി ഗാ​ന​ങ്ങ​ൾ ആ​വ​ശ്യ​മു​ള്ള ദൂ​രെ സ്ഥ​ല​ങ്ങ​ളി​ൽ​നി​ന്നു​ള്ള പ്ര​വ​ർ​ത്ത​ക​ർ ഇ​-മെ​യി​ൽ വ​ഴി​യും വാ​ട്സാ​പ് വ​ഴി​യും സ്ഥാ​നാ​ർ​ഥി​യു​ടെ പേ​രും ചി​ഹ്ന​വും വി​ഷ​യ​വും ഇ​വി​ടേ​ക്ക് അ​യ​യ്ക്കു​ക​യാ​ണു ചെ​യ്യാ​റു​ള്ള​ത്. 24 മ​ണി​ക്കൂ​റി​നു​ള്ളി​ൽ പാ​ട്ടു ത​യാ​റാ​ക്കി ഇ ​മെ​യി​ലി​ലൂ​ടെ സ്റ്റു​ഡി​യോ​യി​ൽ​നി​ന്നു തി​രി​കെ അ​യ​ച്ചു​കൊ​ടു​ക്കും.

വ​ണ്ണ​പ്പു​റ​ത്ത് ത​ന്നെ​യു​ള്ള ഗാ​യ​ക​രാ​ണു പാ​ട്ടു​ക​ൾ പാ​ടു​ന്ന​ത്. ഇ​ത്ത​വ​ണ ന​ജീ​ബി​ന്‍റെ മ​ക​ൾ സ്കൂ​ൾ വി​ദ്യാ​ർ​ഥി​നി​യാ​യ ഐ​ഷാ റു​ക്സാ​ന​യും ഗാ​നം ആ​ല​പി​ക്കു​ന്നു​ണ്ട്. പാ​ര​ഡി ഗാ​ന​ങ്ങ​ൾ​ക്കു പു​റ​മെ സ്വ​ന്ത​മാ​യി ഈ​ണം ന​ൽ​കി​യും പാ​ട്ടു​ക​ൾ ത​യാ​റാ​ക്കു​ന്ന ക​രീം സി​നി​മ​യ്ക്കു വേ​ണ്ടി​യും പാ​ട്ടു​ക​ൾ എ​ഴു​തി​യി​ട്ടു​ണ്ട്.
ഇ​ടു​ക്കി മ​ണ്ഡ​ല​ത്തി​ലെ ഇ​ട​തു സ്വ​ത​ന്ത്ര സ്ഥാ​നാ​ർ​ഥി ജോ​യ്സ് ജോ​ർ​ജി​നു വേ​ണ്ടി​യാ​ണ് ഇ​പ്പോ​ൾ പാ​ര​ഡി ഗാ​ന​ങ്ങ​ൾ എ​ഴു​തി​പൂ​ർ​ത്തി​യാ​ക്കി​യ​ത്.

ഇ​തി​ന്‍റെ റിക്കാ​ർ​ഡിം​ഗ് ന​ട​ന്നു വ​രി​ക​യാ​ണ്. അ​മ​ർ അ​ക്ബ​ർ അ​ന്തോ​ണി എ​ന്ന ചി​ത്ര​ത്തി​ലെ ‘മ​ഞ്ഞാ​ടും മാ​മ​ല താ​ഴ​ത്ത്’, ഹ​ണീ​ബി 2 എ​ന്ന ചി​ത്ര​ത്തി​ലെ ‘ജി​ല്ലം ജി​ല്ലം ജി​ല്ലാ​ന, താ​നാ സേ​ർ​ന്ത കൂ​ട്ടം എ​ന്ന ത​മി​ഴ് ചി​ത്ര​ത്തി​ലെ ‘സൊ​ഡ​ക്ക് മേ​ലെ’ തു​ട​ങ്ങി​യ ഹി​റ്റ് ഗാ​ന​ങ്ങ​ളു​ടെ പാ​ര​ഡി​ക​ൾ ഇ​ത്ത​വ​ണ ജോ​യ്സ് ജോ​ർ​ജി​നാ​യി പ്ര​ചാ​ര​ണ​വാ​ഹ​ന​ത്തി​ൽ നി​ന്ന് അ​ല​യ​ടി​ക്കും.

ഇ​ടു​ക്കി മ​ണ്ഡ​ല​ത്തി​ലെ യു​ഡി​എ​ഫ് സ്ഥാ​നാ​ർ​ഥി ഡീ​ൻ കു​ര്യാ​ക്കോ​സി​നാ​യും പ്ര​ത്യേ​കം പാ​ര​ഡി​പ്പാ​ട്ട് ത​യാ​റാ​ക്കാ​നു​ള്ള ചു​മ​ത​ല​യും ഇ​രു​വ​രെ​യും തേ​ടി​യെ​ത്തി​യി​ട്ടു​ണ്ട്. വോ​ട്ട​ർ​മാ​രെ ആ​വേ​ശം കൊ​ള്ളി​ക്കാ​ൻ ഇ​തും ഉ​ട​ൻ പു​റ​ത്തി​റ​ക്കും. ഇ​ത്ത​വ​ണ മ​ല​പ്പു​റം, ആ​ല​പ്പു​ഴ തു​ട​ങ്ങി​യ മ​ണ്ഡ​ല​ങ്ങ​ളി​ൽ നി​ന്നും പാ​ര​ഡി ഗാ​ന​ങ്ങ​ൾ ആ​വ​ശ്യ​പ്പെ​ട്ട് പാ​ർ​ട്ടി പ്ര​വ​ർ​ത്ത​ക​രെ​ത്തി.