മ​ണ്ണാ​ർ​ക്കാ​ട് താ​ലൂ​ക്കി​ലെ പാ​റ​മ​ട​ക്ക​യ​ങ്ങ​ൾ അ​പ​ക​ട​ ഭീ​ഷ​ണിയാകുന്നു​; അപകടങ്ങൾ ആവർത്തിച്ചിട്ടും  അധികൃതർക്ക് മൗനം

മ​ണ്ണാ​ർ​ക്കാ​ട്: താ​ലൂ​ക്കി​ന്‍റെ കി​ഴ​ക്ക​ൻ, പ​ടി​ഞ്ഞാ​റ​ൻ മേ​ഖ​ല​ക​ളി​ൽ സ്ഥി​തി​ചെ​യ്യു​ന്ന പാ​റ​മ​ട​ക്ക​യ​ങ്ങ​ൾ അ​പ​ക​ട​ഭീ​ഷ​ണി​യാ​കു​ന്ന​താ​യി പ​രാ​തി. വ​ർ​ഷ​ങ്ങ​ൾ​ക്കു​മു​ന്പ് പാ​റ പൊ​ട്ടി​ച്ചെ​ടു​ത്ത​തി​നെ തു​ട​ർ​ന്നു​ണ്ടാ​യ​താ​ണ് ഈ ​വ​ൻ​കു​ഴി​ക​ൾ. വേ​ന​ൽ​ക്കാ​ല​മാ​യ​തോ​ടെ താ​ലൂ​ക്കി​ൽ പു​ഴ​ക​ളി​ലും തോ​ടു​ക​ളി​ലും ഒ​ഴു​ക്കു​നി​ല​ച്ചു​തോ​ടെ കു​ടി​വെ​ള്ള​ക്ഷാ​മ​വും രൂ​ക്ഷ​മാ​ണ്.

ഈ ​സാ​ഹ​ച​ര്യ​ത്തി​ൽ പാ​റ​മ​ട​ക്ക​യ​ങ്ങ​ളി​ലെ വെ​ള്ളം ഉ​പ​യോ​ഗി​ക്കേ​ണ്ട സ്ഥി​തി​യാ​ണ്. നി​ല​വി​ൽ മി​ക്ക​വ​രും കു​ളി​ക്കു​ന്ന​തി​നും മ​റ്റും ഇ​വ​യെ​യാ​ണ് ആ​ശ്ര​യി​ക്കു​ന്ന​ത്. വെ​ള്ളം നി​റ​ഞ്ഞു​കി​ട​ക്കു​ന്ന ഇ​ത്ത​രം പാ​റ​മ​ട കു​ള​ങ്ങ​ളി​ലേ​ക്ക് നി​ര​വ​ധി​പേ​രാ​ണ് കു​ളി​ക്കാ​നും തു​ണി​ക​ഴു​കു​ന്ന​തി​നു​മാ​യി എ​ത്തു​ന്ന​ത്.

മു​ൻ​കാ​ല​ങ്ങ​ളി​ൽ ഇ​ത്ത​രം പാ​റ​മ​ട​ക്ക​യ​ങ്ങ​ളി​ൽ ഉ​ണ്ടാ​യ അ​പ​ക​ട​ങ്ങ​ളി​ൽ മ​ര​ണ​ങ്ങ​ളു​മു​ണ്ടാ​യി​ട്ടു​ണ്ട്. അ​ല​ന​ല്ലൂ​ർ, വെ​ട്ട​ത്തൂ​ർ, ത​ച്ച​നാ​ട്ടു​ക​ര, നാ​ട്ടു​ക​ൽ, ക​രി​ങ്ക​ല്ല​ത്താ​ണി എ​ന്നി​വി​ട​ങ്ങ​ളി​ൽ ഇ​ത്ത​രം കു​ള​ങ്ങ​ൾ ഏ​റെ​യാ​ണ്.

ക​ഴി​ഞ്ഞ​ദി​വ​സം കോ​ട്ടോ​പ്പാ​ടം മം​ഗ​ല​ത്ത് സ്കൂ​ൾ വി​ദ്യാ​ർ​ഥി കു​ളി​ക്കാ​നി​റ​ങ്ങു​ന്ന​തി​നി​ടെ കാ​ൽ​വ​ഴു​തി വീ​ണ് മ​ര​ണ​മ​ട​ഞ്ഞി​രു​ന്നു. ക​ട​ന്പ​ഴി​പ്പു​റം, കാ​രാ​കു​റി​ശി എ​ന്നി​വി​ട​ങ്ങ​ളി​ലും പാ​റ​മ​ട കു​ള​ങ്ങ​ൾ ഏ​റെ​യാ​ണ്. ഇ​വി​ട​ങ്ങ​ളി​ൽ മു​ന്ന​റി​യി​പ്പു ബോ​ർ​ഡു​ക​ളോ നി​ർ​ദേ​ശ​ങ്ങ​ളോ പ്ര​ദ​ർ​ശി​പ്പി​ക്കാ​ത്ത​തി​നാ​ൽ അ​പ​ക​ട സാ​ധ്യ​ത​യും ഏ​റെ​യാ​ണ്.

പാ​റ​മ​ട​ക​ളി​ൽ വെ​ള്ളം കെ​ട്ടി​നി​ല്ക്കു​ന്ന​തി​നാ​ൽ ഇ​തി​ന്‍റെ ആ​ഴ​വും വ്യാ​പ്തി​യും ആ​ർ​ക്കും അ​റി​യി​ല്ല. വേ​ന​ൽ​ക്കാ​ല​വും സ്കൂ​ൾ അ​വ​ധി​യു​മാ​യ​തോ​ടെ പാ​റ​മ​ട​ക്ക​യ​ങ്ങ​ളി​ൽ വി​ദ്യാ​ർ​ഥി​ക​ൾ കു​ളി​ക്കാ​നെ​ത്തു​ന്ന​ത് പ​തി​വാ​ണ്. ഓ​രോ പ്ര​ദേ​ശ​ത്തെ​യും പാ​റ​മ​ട​ക്ക​യ​ങ്ങ​ൾ പ്ര​ദേ​ശ​ത്തു​കാ​രി​ൽ ഭീ​തി പ​ര​ത്തു​ക​യാ​ണ്.