അ​ധി​കൃ​ത​രു​ടെ അ​നാ​സ്ഥ​യി​ൽ  പത്തനാപുരം പോലീസ് ക്വാട്ടേഴ്സ്  ഇഴജന്തുക്കളുടെ താവളമാകുന്നു

പ​ത്ത​നാ​പു​രം: മ​ര​പ്പ​ട്ടി​യു​ടെ​യും, വി​ഷ​പാ​മ്പു​ക​ളു​ടെ​യും വ​ള​ർ​ത്ത​ൽ​കേ​ന്ദ്ര​മാ​യി പ​ത്ത​നാ​പു​രം പോ​ലീ​സ് സ്റ്റേ​ഷ​ൻ കോ​ട്ടേ​ഴ്സു​ക​ൾ. അ​ധി​കൃ​ത​രു​ടെ അ​നാ​സ്ഥ​യി​ൽ മ​ഴ​യും വെ​യി​ലു​മേ​റ്റ് മേ​ൽ​കൂ​ര​ക​ളും ഭി​ത്തി​ക​ളും ത​ക​ർ​ന്ന് ചോ​ർ​ന്ന് ഒ​ലി​ച്ചും കാ​ട് മൂ​ടി​യും കെ​ട്ടി​ട​ങ്ങ​ൾ വാ​സ​യോ​ഗ്യ​മ​ല്ലാ​താ​യി​രി​ക്ക​യാ​ണ്.​പ​ത്ത​നാ​പു​രം പോ​ലീ​സ് സ്റ്റേ​ഷ​നി​ൽ അ​ൻ​പ​തി​ല​ധി​കം ജീ​വ​ന​ക്കാ​രാ​ണു​ള്ള​ത്.​

ഇ​വ​രി​ൽ വ​നി​താ ജീ​വ​ന​ക്കാ​ര​ട​ക്കം മി​ക്ക​വ​രും ദൂ​രെ സ്ഥ​ല​ങ്ങ​ളി​ൽ നി​ന്നാ​ണ് ജോ​ലി​ക്കെ​ത്തു​ന്ന​ത്.​സ​ർ​ക്കി​ളി​നും,എ​സ്.​ഐ​യ്ക്കും താ​മ​സ​ത്തി​നാ​യി പു​തി​യ ര​ണ്ട് കെ​ട്ടി​ട​ങ്ങ​ൾ മാ​ത്ര​മാ​ണ് ഉ​ള്ള​ത്. രാ​ത്രി കാ​ല​ങ്ങ​ളി​ൽ ജോ​ലി​യെ​ടു​ക്കു​ന്ന വ​നി​താ പോ​ലീ​സു​കാ​ര​ട​ക്കം സ്റ്റേ​ഷ​ൻ കെ​ട്ടി​ട​ത്തി​ന്റെ മു​ക​ളി​ല​ത്തെ കു​ടു​സു​മു​റി​യാ​ണ് ഉ​പ​യോ​ഗി​ക്കു​ന്ന​ത്.

യൂ​ണി​ഫോം മാ​റു​ന്ന​തി​നോ പ്രാ​ഥ​മി​ക ആ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നോ വേ​ണ്ടു​ന്ന സൗ​ക​ര്യ​മി​ല്ലെ​ന്ന​താ​ണ് വാ​സ്ത​വം.​പ​ഴ​യ കോ​ട്ടേ​ഴ്സു​ക​ളി​ൽ ചി​ല​ത് ക​ഴി​ഞ്ഞ ര​ണ്ട് വ​ർ​ഷം മു​ൻ​പ് വ​രെ ചി​ല ജീ​വ​ന​ക്കാ​ർ ഉ​പ​യോ​ഗി​ച്ചി​രു​ന്നു.​എ​ന്നാ​ൽ കൂ​ടു​ത​ൽ ത​ക​ർ​ച്ച​യാ​യ​തോ​ടെ ഇ​പ്പോ​ൾ ആ​രും ഉ​പ​യോ​ഗി​ക്കു​ന്നി​ല്ല. കോ​ട്ടേ​ഴ്സു​ക​ളി​ൽ ചി​ല​തി​ൽ തൊ​ണ്ടി സാ​ധ​ന​ങ്ങ​ൾ സൂ​ക്ഷി​ച്ചി​രി​ക്ക​യാ​ണ്.​

കാ​ട് മൂ​ടി​യ​തി​നാ​ൽ കോ​ട്ടേ​ഴ്സി​ലേ​ക്ക് ക​ട​ക്കാ​നാ​കാ​ത്ത സ്ഥി​തി വി​ശേ​ഷ​മാ​ണ്.​ഉ​ഗ്ര​വി​ഷ​മു​ള്ള പാ​മ്പു​ക​ളെ​യും മ​ര​പ​ട്ടി​ക​ളെ​യും ഇ​വി​ടെ കാ​ണാം. മു​ൻ​പ് പ്ഞ്ചാ​യ​ത്തി​ൽ നി​ന്നും തൊ​ഴി​ലു​റ​പ്പ് തൊ​ഴി​ലാ​ളി​ക​ളെ കൊ​ണ്ട് കാ​ട് നീ​ക്കം ചെ​യ്തി​രു​ന്നു.​എ​ന്നാ​ൽ ഇ​പ്പോ​ൾ അ​തും ഇ​ല്ലാ​താ​യി.​പോ​ലീ​സ് സ്റ്റേ​ഷ​നോ​ട് ചേ​ർ​ന്നു​ള്ള കാ​ട് മു​ടി ന​ശി​ക്കു​ന്ന കോ​ട്ടേ​ഴ്സു​ക​ൾ ന​വീ​ക​രി​ക്കു​ക​യോ പൊ​ളി​ച്ച് നീ​ക്കം ചെ​യ്ത് പു​തി​യ കെ​ട്ടി​ടം പ​ണി​യു​ക​യോ വേ​ണ​മെ​ന്ന ആ​വ​ശ്യം ശ​ക്ത​മാ​ണ്.