കൊച്ചി: സംസ്ഥാനത്ത് പെട്രോളിന് നേരിയ വർധന രേഖപ്പെടുത്തിയപ്പോൾ മാറ്റമില്ലാതെ തുടർന്നു ഡീസൽ വില. പെട്രോളിന് 10 പൈസയുടെ വർധനയാണ് ഇന്ന് രേഖപ്പെടുത്തിയിട്ടുള്ളത്. ഇതോടെ കൊച്ചിയിൽ പെട്രോൾ വില ലിറ്ററിന് 84.35 രൂപയായി. ഡീസൽ വില 77.82 രൂപയായി തുടരുകയാണ്.
ഇന്നലെ പെട്രോളിന് ആറ് പൈസയുടെ വർധനവാണ് ഉണ്ടായത്. ഡീസൽ വില ഇന്നലെയും വർധിച്ചിരുന്നില്ല. തിരുവനന്തപുരത്ത് പെട്രോൾ വില 85.73 രൂപയും ഡീസൽ വില 79.12 രൂപയുമാണ്. കോഴിക്കോട് പെട്രോളിന് 84.41 രൂപയും ഡീസലിന് 77.90 രൂപയുമാണ്.
