പെ​ട്രോ​ൾ പമ്പു​ക​ളി​ൽ അ​ടി​ക്ക​ടി അ​ക്ര​മ​ങ്ങ​ളു​ണ്ടാ​കു​ന്ന സാ​ഹ​ച​ര്യ​ത്തി​ൽ  രാത്രിയിൽ ജോ​ലി ചെ​യ്യാ​ൻ ജീ​വ​ന​ക്കാ​ർക്ക് ഭയം

കോ​ട്ട​യം: അ​ടി​ക്ക​ടി അ​ക്ര​മ​ങ്ങ​ളു​ണ്ടാ​കു​ന്ന സാ​ഹ​ച​ര്യ​ത്തി​ൽ രാ​ത്രി​കാ​ല​ങ്ങ​ളി​ൽ പെ​ട്രോ​ൾ പ​ന്പു​ക​ളി​ൽ ജോ​ലി ചെ​യ്യാ​ൻ ജീ​വ​ന​ക്കാ​ർ ഭ​യ​പ്പെ​ടു​ന്നു. ക​ഴി​ഞ്ഞ ദി​വ​സം പാ​ന്പാ​ടി കാ​ള​ച്ച​ന്ത​യ്ക്കു സ​മീ​പ​മു​ള്ള പെ​ട്രോ​ൾ പന്പിൽ രാ​ത്രി​യി​ൽ ഇ​ത​ര സം​സ്ഥാ​ന​ക്കാ​രാ​യ നാ​ലു​പേ​ര​ട​ങ്ങു​ന്ന അ​ക്ര​മി സം​ഘ​മെ​ത്തി ജീ​വ​ന​ക്കാ​രെ ഗു​രു​ത​ര​മാ​യി പ​രി​ക്കേ​ൽ​പ്പി​ച്ച​ശേ​ഷം ഒ​ന്ന​ര ല​ക്ഷ​ത്തോ​ളം രൂ​പ​യു​മാ​യി മു​ങ്ങു​ക​യാ​യി​രു​ന്നു.

ഇ​വ​ർ​ക്കു വേ​ണ്ടി പോ​ലീ​സ് പ്ര​ത്യേ​ക സ്ക്വാ​ഡു​ണ്ടാ​ക്കി അ​ന്വേ​ഷ​ണം ന​ട​ത്തി​വ​രി​ക​യാ​ണെ​ങ്കി​ലും പ്ര​തി​ക​ളെ ക​ണ്ടെ​ത്താ​ൻ ക​ഴി​ഞ്ഞി​ല്ല. പ​ന്പി​ൽ നി​ന്നും മോ​ഷ്്ടി​ച്ച പ​ണ​വു​മാ​യി ഇ​വ​ർ ത​മി​ഴ്നാ​ട്ടി​ലേ​ക്കു ക​ട​ന്ന​താ​യാ​ണു പോ​ലീ​സി​നു ല​ഭി​ച്ചി​രി​ക്കു​ന്ന സൂ​ച​ന​ക​ൾ.
ക​ഴി​ഞ്ഞ ഒ​രു മാ​സ​ത്തി​നി​ട​യി​ൽ ജി​ല്ല​യി​ലെ അ​ഞ്ചു പെ​ട്രോ​ൾ പ​ന്പു​ക​ൾ​ക്കു നേ​രെ​യാ​ണ് ആ​ക്ര​മ​ണം ഉ​ണ്ടാ​യ​ത്.

ര​ണ്ടു പ​ന്പു​ക​ളി​ൽ വ​ൻ ക​വ​ർ​ച്ച ന​ട​ന്ന​പ്പോ​ൾ മ​റ്റു ര​ണ്ടു പ​ന്പു​ക​ളി​ൽ മ​ദ്യ​ല​ഹ​രി​യി​ൽ എ​ത്തി​യ​വ​ർ ജീ​വ​ന​ക്കാ​രെ ആ​ക്ര​മി​ക്കു​ക​യാ​യി​രു​ന്നു. മ​റ്റൊ​രു പ​ന്പി​ൽ പെ​ട്രോ​ൾ അ​ടി​ച്ച ശേ​ഷം പ​ണം ന​ൽ​കാ​തെ ജീ​വ​ന​ക്കാ​രെ കാ​റി​ടി​ച്ച് വീ​ഴ്ത്തി​യ​ശേ​ഷം ര​ക്ഷ​പ്പെ​ടാ​നും ശ്ര​മി​ച്ചു.

ജി​ല്ല​യി​ൽ നി​ല​വി​ൽ 146 പ​ന്പു​ക​ളാ​ണ് പ്ര​വ​ർ​ത്തി​ക്കു​ന്ന​ത്. ഇ​തി​ൽ പ​കു​തി​യോ​ളം പ​ന്പു​ക​ളും രാ​ത്രി​കാ​ല​ങ്ങ​ളി​ലും പ്ര​വ​ർ​ത്തി​ക്കു​ന്ന​വ​യാ​ണ്. അ​ടു​ത്ത​യി​ടെ​യു​ണ്ടാ​യ എ​ല്ലാ അ​ക്ര​മ സം​ഭ​വ​ങ്ങ​ളും അ​ര​ങ്ങേ​റി​യ​തു രാ​ത്രി​യി​ലാ​യ​തി​നാ​ലാ​ണു ജീ​വ​ന​ക്കാ​രു​ടെ ആ​ശ​ങ്ക വ​ർ​ധി​പ്പി​ക്കു​ന്ന​ത്.

അ​ക്ര​മി​ക​ൾ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കാ​ൻ പോ​ലീ​സ് ത​യാ​റാ​കു​ന്നി​ല്ലെ​ന്നും പ​ന്പ് ഉ​ട​മ​ക​ൾ ആ​രോ​പി​ക്കു​ന്നു. ഇ​തി​നു പു​റ​മെ പ​ന്പു​ക​ളി​ൽ ബാ​ങ്കു​ക​ളു​ടെ കാ​ഷ് ഡി​പ്പോ​സി​റ്റ് യ​ന്ത്രം സ്ഥാ​പി​ക്കു​ക, അ​ക്ര​മം ത​ട​യാ​ൻ നി​യ​മ​നി​ർ​മാ​ണം ന​ട​ത്തു​ക, അ​ക്ര​മി​ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​ക, രാ​ത്രി​കാ​ല​ങ്ങ​ളി​ൽ പോ​ലീ​സ് സം​ര​ക്ഷ​ണം ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ൾ പ​ന്പു​ട​മ​ക​ൾ ഉ​ന്ന​യി​ക്കു​ന്നു​ണ്ട്.