പ്രതി ആണല്ല, പെണ്ണാ..! ചെ​റാ​യി പെ​ട്രോ​ള്‍ പ​മ്പി​ലെ ക​വ​ര്‍​ച്ച; പ്ര​തി​ക​ളി​ല്‍ ഒ​രാ​ള്‍ ആ​ണ്‍​വേ​ഷം കെ​ട്ടി​യ യുവത; കവർന്നത് 1.35 ല​ക്ഷം രൂ​പ​യും മൊബൈലും

ചെ​റാ​യി: ചെ​റാ​യി​ലെ പെ​ട്രോ​ള്‍ പ​മ്പി​ല്‍ വ്യാ​ഴാ​ഴ്ച പു​ല​ര്‍​ച്ചെ ന​ട​ന്ന ക​വ​ര്‍​ച്ച​യി​ലെ പ്ര​തി​ക​ള്‍ പോ​ലീ​സ് പി​ടി​യി​ലാ​യ​താ​യി സൂ​ച​ന.

പ്ര​തി​ക​ളി​ല്‍ ഒ​രാ​ള്‍ ആ​ണ്‍​വേ​ഷം കെ​ട്ടി​യ യു​വ​തി​യാ​ണ​ത്രേ. ഇ​രു​വ​രും വ​ട​ക്ക​ന്‍ ജി​ല്ല​ക്കാ​രാ​ണ്.

സം​ഘ​ത്തി​ലെ യു​വാ​വ് കു​ന്നം​കു​ള​ത്തും തൃ​ശൂ​രും സ​മാ​ന രീ​തി​ക​ളി​ല്‍ നി​ര​വ​ധി പെ​ട്രോ​ള്‍ പ​മ്പു​ക​ളി​ല്‍ ക​വ​ര്‍​ച്ച ന​ട​ത്തി​യി​ട്ടു​ണ്ടെന്നും സംശയിക്കുന്നു.

ചെ​റാ​യി​യി​ലെ ക​വ​ര്‍​ച്ച​യു​ടെ സി​സി​ടി​വി കാ​മ​റ ദൃ​ശ്യം ക​ണ്ട മ​ല​പ്പു​റം പോ​ലീ​സാ​ണ് പ്ര​തി​ക​ളെ തി​രി​ച്ച​റി​ഞ്ഞ​തെ​ന്നാ​ണ് സൂ​ച​ന.

ഇ​തി​ന്‍റെ അ​ടി​സ്ഥാ​ന​ത്തി​ല്‍ മൊ​ബൈ​ല്‍ ഫോ​ണ്‍ സി​ഗ്ന​ല്‍ ഫോ​ളോ ചെ​യ്ത് എ​ത്തി​യ പോ​ലീ​സ് ഇ​ന്ന​ലെ നെ​ടു​മ്പാ​ശേ​രി അ​ത്താ​ണി​യി​ലെ ഒ​രു ടൂ​റി​സ്റ്റ്‌​ഹോ​മി​ല്‍ നി​ന്നാ​ണ​ത്രേ ഇ​രു​വ​രെ​യും ക​സ്റ്റ​ഡി​യി​ലെ​ടു​ത്ത​ത്.

യു​വാ​വി​നെ കു​ന്നം​കു​ളം പോ​ലീ​സും യു​വ​തി​യെ മു​ന​മ്പം പോ​ലീ​സും ക​സ്റ്റ​ഡി​യി​ലെ​ടു​ത്തി​ട്ടു​ണ്ടെ​ന്നാ​ണ് സൂ​ച​ന.

ക​വ​ര്‍​ച്ച​ക്ക് ശേ​ഷം ഇ​രു​ച​ക്ര​വാ​ഹ​ന​ത്തി​ല്‍ ര​ക്ഷ​പ്പെ​ടു​ന്ന​തി​നി​ടെ ഇ​ട​യ്ക്ക് വ​ച്ച് വാ​ഹ​നം ത​ക​രാ​റി​ലാ​യ​തി​നെ തു​ട​ര്‍​ന്നാ​ണ് ഇ​ട​ക്ക് ടൂ​റി​സ്റ്റ് ഹോ​മി​ല്‍ ത​ങ്ങി​യ​ത്.

മോ​ഷ​ണം ന​ട​ത്തു​ന്ന സി​സി​ടി​വി ദൃ​ശ്യ​ത്തി​ല്‍ ഒ​രാ​ളെ മാ​ത്ര​മെ കാ​ണു​ന്നു​വുള്ളെ​ങ്കി​ലും മ​റ്റ് കാ​മ​റ​ക​ള്‍ പ​രി​ശോ​ധി​ച്ച​പ്പോ​ള്‍ ഒ​രു കൂ​ട്ടാ​ളി​യും കൂ​ടെ ഉ​ണ്ടാ​യി​രു​ന്ന​താ​യി പോ​ലീ​സി​നു വി​വ​രം ല​ഭി​ച്ച​ത്.

അ​റ​സ്റ്റ് സം​ബ​ന്ധി​ച്ച് കൂ​ടു​ത​ല്‍ വി​വ​ര​ങ്ങ​ള്‍ പോ​ലീ​സ് പു​റ​ത്ത് വി​ട്ടി​ട്ടി​ല്ല. ചെ​റാ​യി ദേ​വ​സ്വം ന​ട​യി​ലെ രം​ഭ ഫ്യൂ​വ​ല്‍​സിന്‍റെ ഓ​ഫീ​സ് മു​റി​യു​ടെ പൂ​ട്ട് ത​ക​ര്‍​ത്ത് അ​ക​ത്ത് ക​യ​റി​യ മോ​ഷ്ടാ​വ് ഓ​ഫീ​സി​ന​ക​ത്ത് മേ​ശ​യി​ല്‍ സൂ​ക്ഷി​ച്ചി​രു​ന്ന 1.35 ല​ക്ഷം രൂ​പ​യും 12000 രൂ​പ വി​ല​വ​രു​ന്ന മൊ​ബൈ​ല്‍ ഫോ​ണു​മാ​ണ് ക​വ​ര്‍​ന്ന​ത്.