​മണ്ണു​ത്തി സ്റ്റേ​ഷ​നി​ലേ​ക്ക് വി​ദേ​ശ​ത്തുനി​ന്നു​ വി​ളി; പറഞ്ഞ സ്ഥലത്തേക്ക്  ഓ​ടി​യെ​ത്തി യു​വാ​വി​ന്‍റെ ജീ​വ​ൻ ര​ക്ഷി​ച്ചു പോലീസ്; യുവാവ് പറഞ്ഞ കാരണം കേട്ടോ!

തൃ​ശൂ​ർ: മ​ണ്ണു​ത്തി സ്റ്റേ​ഷ​നി​ലേ​ക്ക് ഒ​രു വി​ദേശ ന​ന്പ​രി​ൽ​നി​ന്ന് ഫോ​ണ്‍​കോ​ൾ – മാ​ഡം, ഞാ​ൻ വി​ദേ​ശ​ത്തു​നി​ന്നാ​ണു വി​ളി​ക്കു​ന്ന​ത്. എ​ത്ര​യും​പെ​ട്ട​ന്ന് ഒ​രു സ​ഹാ​യം ചെ​യ്യ​ണം.

എന്‍റെ ഒ​രു കൂ​ട്ടു​കാ​ര​ൻ മാ​ട​ക്ക​ത്തറ ഭാ​ഗ​ത്ത് ആ​ത്മ​ഹ​ത്യ ചെ​യ്യാ​നാ​യി ത​യാ​റാ​കു​ന്നു​ണ്ട്. അ​വ​ൻ അ​തി​ന്‍റെ ഫോ​ട്ടോ സ​ഹി​തം എ​നി​ക്ക് അ​യ​ച്ചു​ത​ന്നി​രി​ക്കു​ന്നു.

എ​ത്ര​യും​വേ​ഗം പോ​യി​നോ​ക്ക​ണം. അ​വ​ൻ എ​ന്നെ അ​റി​യി​ച്ച​ ശേ​ഷം ഫോ​ണ്‍ ഓ​ഫാ​ക്കു​ക​യും ചെ​യ്തു.പ​രി​ഭ്ര​മ​ത്തി​ലു​ള്ള ഫോ​ണ്‍​വി​ളി കേ​ട്ട ഉ​ട​ൻ​ത​ന്നെ സ്റ്റേ​ഷ​നി​ൽ ഡ്യൂ​ട്ടി​യി​ലു​ണ്ടാ​യി​രു​ന്ന സീ​നി​യ​ർ സി​വി​ൽ പോ​ലീ​സ് ഓ​ഫീ​സ​റാ​യ കെ.​എ​സ്. ര​ജി​ത ബൈ​ക്ക് പ​ട്രോ​ളിംഗ് ഡ്യൂ​ട്ടി​യി​ലെ സി​വി​ൽ പോ​ലീ​സ് ഓ​ഫീ​സ​ർ​മാ​രാ​യ പി.​പി. അ​ജി​ത്ത്, വി.​പി. രാ​ജേ​ഷ് എ​ന്നി​വ​രെ വി​വ​രം അ​റി​യി​ച്ചു.

അ​വ​ർ ഉ​ട​ൻ​ത​ന്നെ സം​ഭ​വ​സ്ഥ​ല​ത്തേ​ക്ക് ബൈ​ക്കി​ൽ കു​തി​ച്ചു. കൂ​ട്ടു​കാ​ര​ൻ കൊ​ടു​ത്ത ന​ന്പ​റി​ൽ യു​വാ​വി​നെ ഇ​ട​യ്​ക്കു വി​ളി​ക്കാ​ൻ ശ്ര​മി​ക്കു​ക​യും ചെ​യ്തു. വി​ളി​ച്ചി​ട്ടു കി​ട്ടി​യി​ല്ലെ​ങ്കി​ലും പ​റ​ഞ്ഞ വി​ലാ​സ​മ​നു​സ​രി​ച്ച് അ​വ​ർ ഉ​ട​ൻ സ്ഥ​ല​ത്തെ​ത്തി.

വീ​ടി​ന്‍റെ മു​ൻ​വ​ശ​ത്തെ വാ​തി​ൽ തു​റ​ന്നി​ട്ടി​രു​ന്നു. ഒ​രു മു​റി​മാ​ത്രം അ​ക​ത്തു​നി​ന്നും അ​ട​ച്ചി​ട്ടി​രി​ക്കു​ന്ന​ത് അ​വ​രു​ടെ ശ്ര​ദ്ധ​യി​ൽ​പ്പെ​ട്ടു.

ഉ​ട​ൻ പു​റ​ത്തി​റ​ങ്ങി ജ​ന​ലി​ന്‍റെ ചെ​റി​യൊ​രു പ​ഴു​തി​ലൂ​ടെ നോ​ക്കി​യ​പ്പോ​ൾ ആ​ത്മ​ഹ​ത്യ​യ്ക്കു ശ്ര​മി​ക്കു​ന്ന യു​വാ​വി​നെ​യാ​ണു ക​ണ്ട​ത്.

വാ​തി​ൽ തു​റ​ക്കാ​നും, എ​ന്തു​പ്ര​ശ്ന​ങ്ങ​ളു​ണ്ടെ​ങ്കി​ലും ന​മു​ക്കു പ​രി​ഹ​രി​ക്കാ​മെ​ന്നും ര​ണ്ടു​പേ​രും അ​വ​നോ​ടു വാ​തി​ലി​ലും ജ​ന​ലി​ലും ത​ട്ടി നി​ര​ന്ത​രം അ​ഭ്യ​ർ​ഥി​ച്ചു​കൊ​ണ്ടി​രു​ന്നു. അ​തി​നി​ട​യി​ൽ വാ​തി​ൽ തു​റ​ക്കാ​നു​ള്ള ശ്ര​മ​ങ്ങ​ളും ന​ട​ത്തി.

പോ​ലീ​സു​ദ്യോ​ഗ​സ്ഥ​രു​ടെ അ​ഭ്യ​ർ​ഥ​ന​കേ​ട്ട് അ​ല്പ​നേ​രം​ നി​ന്ന യു​വാ​വ് അ​വ​സാ​നം താ​ഴെ​യി​റ​ങ്ങി വാ​തി​ൽ തു​റ​ന്നു. മാ​ന​സി​ക സം​ഘ​ർ​ഷം​മൂ​ലം ര​ണ്ടു ദി​വ​സ​മാ​യി ഭ​ക്ഷ​ണം ക​ഴി​ച്ചി​ട്ടി​ല്ലെ​ന്നും മാ​താ​പി​താ​ക്കൾ പു​റ​ത്തേ​ക്കു പോ​യി​രി​ക്കു​ക​യാ​ണെ​ന്നും അ​യാ​ൾ പ​റ​ഞ്ഞു.

വീ​ട്ടു​കാ​രെ സ്റ്റേ​ഷ​നി​ൽ വി​ളി​ച്ചു​വ​രു​ത്തി ഇ​ൻ​സ്പെ​ക്ട​ർ ശ​ശി​ധ​ര​ൻ​പി​ള്ള കാ​ര്യ​ങ്ങ​ൾ ചോ​ദി​ച്ച​റി​ഞ്ഞു. യു​വാ​വി​നോ​ടും വീ​ട്ടു​കാ​രോ​ടും വ​ള​രെ​സ​മ​യം സം​സാ​രി​ച്ചും ആ​ശ്വ​സി​പ്പി​ച്ചും ഇ​ൻ​സ്പെ​ക്ട​ർ യു​വാ​വി​ന് ഏ​റെ ധൈ​ര്യം ന​ൽ​കി​യാ​ണു വീ​ട്ടി​ലേ​ക്കു തി​രി​ച്ച​യ​ച്ച​ത്.