വാഹനത്തിൽ പോ​ലീ​സ് സ്റ്റി​ക്ക​ർ പ​തി​ച്ച സംഭവം; സാ​ദി​ഖ് പാ​ഷ​യെ​യും കൂ​ട്ടാ​ളി​ക​ളെ​യും പോലീസ് ചോദ്യം ചെയ്യും

തി​രു​വ​ന​ന്ത​പു​രം: പോ​ലീ​സ് സ്റ്റി​ക്ക​ർ പ​തി​ച്ച വാ​ഹ​ന​ത്തി​ൽ ചെ​ന്നൈ​യി​ൽ നി​ന്നും തി​രു​വ​ന​ന്ത​പു​ര​ത്തെ​ത്തി​യ എ​ൻ​ഐ​എ കേ​സി​ലെ പ്ര​തി സാ​ദി​ഖ് പാ​ഷ​യെ​യും കൂ​ട്ടാ​ളി​ക​ളെ​യും സി​റ്റി പോ​ലീ​സ് ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്യും. സാ​ദി​ഖ് പാ​ഷ, നൂ​റു​ൽ ഹാ​ലി​ക്, ഷാ​ഹു​ൽ ഹ​മീ​ദ്, നാ​സ​ർ എ​ന്നി​വ​രെ​യാ​ണ് ക​സ്റ്റ​ഡി​യി​ൽ വാ​ങ്ങി ചോ​ദ്യം ചെ​യ്യാ​ൻ പോ​ലീ​സ് തീ​രു​മാ​നി​ച്ചി​രി​ക്കു​ന്ന​ത്.

വ​ട്ടി​യൂ​ർ​ക്കാ​വ് പോ​ലീ​സ് അ​റ​സ്റ്റ് ചെ​യ്ത പ്ര​തി​ക​ൾ നി​ല​വി​ൽ റി​മാ​ൻഡിലാ​ണ്. ഐ​എ​സ്, അ​ൽ ക്വ​യ്ദ എ​ന്നീ തീ​വ്ര​വാ​ദ സം​ഘ​ട​ന​ക​ളു​ടെ ആ​ശ​യ​ങ്ങ​ൾ പ്ര​ച​രി​പ്പി​ക്കു​ക​യും ആ​ളു​ക​ളെ റി​ക്രൂ​ട്ട് ചെ​യ്ത കേ​സി​ൽ എ​ൻ​ഐ​എ അ​റ​സ്റ്റ് ചെ​യ്ത് ജ​യി​ലി​ലാ​യി​രു​ന്ന സാ​ദി​ഖ് പാ​ഷ പി​ന്നീ​ട് ജാ​മ്യ​ത്തി​ൽ ഇ​റ​ങ്ങു​ക​യാ​യി​രു​ന്നു.

ത​മി​ഴ്നാ​ട്ടി​ൽ പോ​ലീ​സു​കാ​രെ തോ​ക്ക് ചൂ​ണ്ടി ഭീ​ഷ​ണി​പ്പെ​ടു​ത്തി​യ കേ​സ് ഉ​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യാ​യ സാ​ദി​ഖ് പാ​ഷ വ​ട്ടി​യൂ​ർ​ക്കാ​വി​ൽ നി​ന്നാ​ണ് വി​വാ​ഹം ക​ഴി​ച്ചി​രു​ന്ന​ത്.ഭാ​ര്യ​യു​മാ​യു​ള്ള പി​ണ​ക്കം ഒ​ത്തു​തീ​ർ​പ്പാ​ക്കാ​നും ഭാ​ര്യ​യെ കൂ​ട്ടി​ക്കൊ​ണ്ട് പോ​കാ​നു​മാ​ണ് സാ​ദി​ഖും സം​ഘ​വും ക​ഴി​ഞ്ഞ ദി​വ​സം വ​ട്ടി​യൂ​ർ​ക്കാ​വി​ലെ​ത്തി​യ​ത്.

എ​ന്നാ​ൽ ഭാ​ര്യ ഇ​യാ​ളോ​ടൊ​പ്പം പോ​കാ​ൻ കൂ​ട്ടാ​ക്കി​യി​ല്ല. ഒ​ത്തു തീ​ർ​പ്പ് ച​ർ​ച്ച​യ്ക്കെ​ത്തി​യ​വ​രോ​ടും ഭാ​ര്യ​യു​ടെ ബ​ന്ധു​ക്ക​ളു​മാ​യും സാ​ദി​ഖ് വാ​ക്കേ​റ്റ​വും ഭീ​ഷ​ണി​യും ന​ട​ത്തി​യെ​ന്ന് പോ​ലീ​സ് പ​റ​ഞ്ഞു. ഇ​തേ തു​ട​ർ​ന്നാ​ണ് ഭാ​ര്യ വ​ട്ടി​യൂ​ർ​ക്കാ​വ് പോ​ലീ​സി​ൽ പ​രാ​തി ന​ൽ​കി​യ​ത്.

തു​ട​ർ​ന്ന് പോ​ലീ​സ് സ്ഥ​ല​ത്തെ​ത്തി​യ​പ്പോ​ഴാ​ണ് പോ​ലീ​സ് സ്റ്റി​ക്ക​ർ പ​തി​ച്ച വാ​ഹ​നം ക​ണ്ടെ​ത്തി​യ​ത്. വി​ശ​ദ​മാ​യ അ​ന്വേ​ഷ​ണ​ത്തി​ലാ​ണ് സാ​ദി​ഖ് പാ​ഷ​യ്ക്ക് തീ​വ്ര​വാ​ദ സം​ഘ​ട​ന​ക​ളു​മാ​യി ബ​ന്ധ​മു​ണ്ടെ​ന്ന് പോ​ലീ​സ് സ്ഥീ​രി​ക​രി​ച്ച​ത്.

ചെ​ന്നൈ​യി​ൽ നി​ന്നും പോ​ലീ​സ് സ്റ്റി​ക്ക​ർ പ​തി​ച്ച വാ​ഹ​ന​ത്തി​ൽ തി​രു​വ​ന​ന്ത​പു​ര​ത്തേ​ക്കു​ള്ള യാ​ത്ര​മ​ദ്ധ്യേ പ്ര​തി​ക​ൾ മ​റ്റെ​ന്തെ​ങ്കി​ലും കു​റ്റ​കൃ​ത്യ​ങ്ങ​ൾ ന​ട​ത്തി​യി​രു​ന്നു​വൊ​യെ​ന്ന് അ​ന്വേ​ഷി​ക്കു​ക​യാ​ണെ​ന്ന് പോ​ലീ​സ് പ​റ​ഞ്ഞു.